محتاج اتعلم 3 حاجات ب3 كورسات ارجو المساعدة

**محمد محمد** · 19-07-2011 01:13 AM

السلام عليكم ورحمة الله وبركاته.....
الحمد لله خلصت دراسة والمفروض اني بقيت محاسب بس مش حابب المحاسبة اوي
محتاج اتعلم 3 حاجات في الوقت الحالى
لغة انجليزية
تسويق
تصميم
ياريت تساعدوني في اختيار اماكن مناسبة واسعار مناسبة وجزاكم الله خيرا.

**AboELsoud** · 19-07-2011 03:28 AM

جميل جدااا بص يا ريس
الانجليزي
لو انت بتفهم شويه فيه يبقى تاخد كورسات عاديه زي معهد القوات المسلحه ده هيخليك احسن و ده في حدود 350 لليفل
لو مالكش فيه يبقى تاخد كورس محترم في معهد بيرلتز مثلا او البريتش كونسول او الجامعه الامريكيه بس هيبقى غالي جدااا و الليفل هيبقى من 750 لحد 1500 بس طبعا هيطلعك بتتكلم انجليزي زييهم :)
ادخل الموقع ده هيفيدك قوي قسم اللغة الإنجليزيــة - موقع الدي في دي العربي - DVD4ARAB.MAKTOOB.COM
التسويق
عندك المراكز اللي بتدي كورسات تسويق على قفا مين يشيل اختار انت بس معهد يكون سمعته كويسه و يكون قريب من بيتك عشان متزهقش من الطريق و تكسل ...... الصراحه مش فاكر اسامي مراكز دلوقتي
التصميم
اكيد قصدك جرافيك ديزاينر و دي برضه دور على مركز محترم و اللي اعرفه مركز النظم و المعلومات للقوات المسلحه بيديها و ده مكانه جنب وزاره الدفاع
معلش مش قادر افيدك قوي اصل انا برضه في تجاره بس لسه سنه تالته :)
ربنا معاك

**AboELsoud** · 19-07-2011 03:34 AM

معلش احب اضيف انك بتقول انك مش حابب المحاسبه بصراحه عندك حق تكرهها من طريقه دراستها و المناهج العقيمه اللي بيدوهلنا
بس احب اقوللك ان اعرف ناس كتير كانت كده و مش حابه المحاسبه بس لما اشتغلوا فيها غيروا وجهه نظرهم تماما و طلع شغل المحاسبه ممتع جدااا و مش زي المواد اللي بندرسها خاااااااااااالص
و بصراحه لو تميزت فيها هتبقى حاجه جامده عشان كده احب انصحك بلاش تبعد عن المحاسبه تماما يعني حاول تشوف مكتب محاسبه و تتدرب فيه شويه يمكن تغير وجهه نظرك و يكون الخير فيها ........... طبعا ده بجانب الكورسات عشان تبقى فاتح مجالات كتير امامك

هذا و الله الموفق و المستعان :)