مراية الصالون اللي في النص اتخلعت بتتصلح و لا بتتغير عشان مش بعرف اسوق من غيرها

**dr_abooody** · 19-07-2011 01:13 AM

السلام عليكم الموضوع متكرر عشان انا مش عارف اعمل اية

و احد صاحبي خبط المراية براسة لوحها بقت بتتهز جامد جاي اشوفها مسكتها اتخلعت في ايدي لقيت ان في قطعتين قطعة لازقة في الازاز و قطعة تانية اللي هي المراية زات نفسها

الفكرة هل بتتباع و لا ممكن اركبها و لا خلاص كدا باظت انا حاسس انها ممكن تتخلع من الازاز و تتركب تاني

لو حد عندجة فكرة يقولي عشان هتجنن

**أبو إياد** · 19-07-2011 09:59 AM

بتتركب ولو مش هاتعرف اى حد بتاع زجاج يركبهالك

**mido** · 19-07-2011 11:07 AM

فى لزق جامد عباره عن انبوبتين بيتخلطو مع بعض هاتو وركبها تانى

**WalidAdel** · 19-07-2011 05:34 PM

انا جربت كذا واحد في الموضوع ده علي فكره لان المرايه كانت طالعه بحته من الزجاج نفسه و الكل قعد يقولي هانلزق و لو وقعت تعالا نزلقها تاني بس هانغير مكانها و حوارات كده
حتي روحت لواحد اللي جنب ابوشقره ده بردوا قالي نفس الكلام و لزقها بماده كده من عنده و وقعت بعدها بكام يوم المهم توصلت لواحد بتاع زجاج في ميدان الجامع جنب كافيه تريبون بالظبط دا بقي عنده ماده كده زي الصلصال بالظبط و بيحطها و قعد يقولي بتتفاعل مع الزجاج و بتاع علشان تمسك كويس و فعلا و هو بيركب و ماسكها بعد فتره لاقينا ان مكان المرايه بس من بره سخن علي بقية الزجاجه الامامي في اماكن مختلفه قولنا لعله خير يعني و الحمد لله من ساعتها ماوقعتش داخله علي سنه اهي

لو تعرف ميدان الجامع كويس تفضل ماشي فيه لحد هاتلاقي مكتبة ابراهيم هاتخش شمال لأ انت بقي خش يمين هتلاقي مافيه تريبون و جنبه شارع صغير في مكتبه وواحد بتاع زجاج هو ده مش فاكر بصراحه دفعنا كام