من مصطفى كامل للعجمى بيطاش

**dr_radioooooo** · 19-07-2011 01:52 AM

ازاى اروح من مصطفى كامل للبيطاش
انا بمشى من الكورنيش للمنشية للجمرك للقبارى للمكس للعجمى
هل فى طريق اخر مثل الطريق الدائرى عندنا فى القاهرة حتى لو اطول بس ميكونش زحمة

**MOUSTAFA_SAAD** · 19-07-2011 11:17 AM

امشى على الكورنيش لغاية لما توصل مستشفى الجامعه فى الشاطبى وابقى لف من عندها شمال وادخل اول يمين وامشى فى الطريق ده وانزل النفق وكمل فى طريق قناة السويس واطلع اول كوبرى اللى حيقابلك وعدى على كارفور واكسر من بعده يمين وامشى لغاية لما توصل قبل الكوبرى اللى بيطلعك على الصحراوى انزل من تحته حتلاقى سكه حديد عديها واكسر يمين وكمل حتلاقى وادى القمر ومصنع اسمنت اسكندريه وبعدها تكسر يمين وتلف تانى شمال مع اول ملف حتمسك طريق العجمى والدخيله لغاية البيطاش

استنى حد من اسكندريه ياكد المعلومه لان دية كانت سكتى دايما بس من 9 سنين فمش فاكرها اوى

**twinsrashed** · 19-07-2011 12:10 PM

بالظبط كده زى ماقال ا / مصطفى دى لسة سكتى بقى :)

**MohssenRashed** · 19-07-2011 12:19 PM

الله ينور ا / مصطفى.

في وصفه تانيه: زي ماقال ا / مصطفى لف من عند الكورنيش لحد ما توصل كارفور ادخل اول يمين بعد كارفور و امش طوالي هتطلع محور التعمير و بعدين انزل نزله الماكس و امش طوالي لحد ميناء الدخيله و لف اول شمال و كمل طوالي بس كده.

**dr_radioooooo** · 19-07-2011 11:46 PM

الف شكر يا رجالة
معلش لو فيها رزالة اسأل سؤال كمان
يا ترى الطريق ده عامل ازاى من ناحية المطبات و السرعة اللى همشى عليها و تقريبا ياخد وقت قد ايه

**ramy_gamal** · 28-07-2011 01:13 PM

المشاركة الأصلية كتبت بواسطة mohssenrashed

الله ينور ا / مصطفى.

في وصفه تانيه: زي ماقال ا / مصطفى لف من عند الكورنيش لحد ما توصل كارفور ادخل اول يمين بعد كارفور و امش طوالي هتطلع محور التعمير و بعدين انزل نزله الماكس و امش طوالي لحد ميناء الدخيله و لف اول شمال و كمل طوالي بس كده.

+11
السرعه 100 بس ممكن تزود لان غالبا مافيش رادار بس خلى بالك من فواصل الكوبرى هدى عندها اوى سواء رايح او راجع لانها وحشه جدا ( المحور )السكه لو ماشيه و مش زحمه هتاخد من مصطفى كامل حوالى 45 دقيقه