بجد ما شاء الله عليك
انت بتدرس الكلام دا
لو فعلا بجد احيييك بكل امانه على معلوماتك وطريقه السرد الجميله جدا جدا
وربنا يوفقك يارب ويكرمك بالعلم النافع
موضوع يجنن
وشرح ممتاز
ربنا يجازيك خير يارب
بجد ما شاء الله عليك
انت بتدرس الكلام دا
لو فعلا بجد احيييك بكل امانه على معلوماتك وطريقه السرد الجميله جدا جدا
وربنا يوفقك يارب ويكرمك بالعلم النافع
موضوع يجنن
وشرح ممتاز
ربنا يجازيك خير يارب
:018A1D~146: الف شكر عالموضوع المفيد وفعلا يستحق التثبيت
انا مستني باقي الموضوع علي نار :burger: بسرعة قبل ماتلسع :) :)
شكراً،، جزانا و أياكم ،،
آمين يا رب ،، و شكراً ليك ،، أنا مهندس كيماوي،، من ضمن المواد الي بدرسها "سريان الموائع" و الغاز ده مائع !! بالتالي حاجات من ضمن الي انا قلتها دي فاهمها و دارسها ،، و لكن ميكانيزم الموضوع ،، أنا قاري عنه و لسه بقراء عنه ،، علشان أنا بعشق العربيات ـ،، و لاحظت عدم وجود معلومات شاملة على المنتدى عن نظام العادم و تعديله معاً ،، و لا حتى على أي منتدى تاني بالعربي علشان أنقل الموضوع ، علشان كده قعدت ادور في أكتر من موضوع باللغات الأنجليزية ،، و أستفدت منهم أوي ،، و نقلت استفادتي دي لأخواني في المنتدى
أن شاء الله ،، أديني بكتب الباقي أهو !!:)) و شكراً ليك يا باشا :)
السلام عليكم !!
آسف على التأخير في متابعة الموضوع !! لكنها نابعة من الأنشغال بحاجات كده بعدلها في العربية ،، أدعولي ربنا يتممها على خير أن شاء الله !! J
آخر مرة وقفنا فيها ! عرفنا معلومات – أن شاء الله – تكون مفيدة لينا كلنا .....
المرة دي حنكمل
~~~~~~~
بعد معرفنا عن كاتم الصوت الرياضي ،، و الدارج بأسم "ديفيل" الي هيا في الأساس ماركة شركة مختصة بنظام العادم الرياضي للدراجات النارية !! ،،
و قبل مندخل في كيفية تحسين و صنع نظام العادم الي يكون مناسب لعربيتك !! ،،
فيه حاجة أسمها "حلية جكمان" !! و بنلاقي شكلها من ورا جامد كده ،، و واسعة زي الديفيل !!
طيب يا ترى هل ده ليه أثر على الأداء !!
على الأطلاق !! ملهوش اي أثر على الأداء ،، كل الي ليه أثر هو الشكل بس !!
والله من وجهة نظري فعلاً ،، الي قريتها حتى في الموضوع ،، حرام أصرف على الحلية دي مليم حتى !!
"دي وجهة نظري التي قد يختلف معها البعض ،، و لكن في النهايو الأختلاف في الرأي لا يفسد للود قضية" :)
===================================
طيب ... ازاي أعمل نظام عادم مناسب لعربيتي !!
يا عم الحاج متصدعنيش !! أنا واحد رحت أشتريت ديفيل .."كاتم صوت رياضي يعني !! علشان محدش يزعل !! " و برده زيادة الأداء مش أوي أوي زي منا متوقع !!!
عايز عربيتي تبقى وحش !! أعمل أيه ؟؟؟
،، أقولك يا سيدي الفاضل !! :)
ببساطة كده !! حضرتك صرفت الحمد لله على علبتين ديفيل نظاف ،، و لكن متتوقعش ان دول الي حيخلولك العربية أدائها يبقى "وااااااو .. مزهل " !! لا طبعاً ،، أنت كده ساعدت بنسبة 30 % على تحسين نظام صرف غازات العوادم من موتورك !!
الحاجة الي ليها العامل الأساسي و المهم في تحسين أداء صرف غازات العادم من الموتور ،، هو أنبوبة العادم نفسها ،، الي بتمسك من عند الهيدرز !! لححححححد كاتم الصوت الريضاي الي ورا في الأكصدام بتاع عربية حضرتك !!
بعلبة البيئة بتاعته بكلوو !!
~~~~~~~~~~~~~~~~~~~~~~
تعالوا نفهم حاجة الأول !! ....
انبوبة العادم الي بتكون موجودة في عربياتنا عادي ،، بيكون فيها أنحانائات !!
الأنحنائات دي ،، في منها نوعين !!
1-Crush bends
2-Mandrel bends
طيب ايه الفرق !!
الCrush bends دي معناها أنحناء خانق !! بمعنى أن الأنحناء ده بيتخنق فيها أنبوبة العادم ،، و بيقل قطرها !! بمعنى أنا لو عندي انبوبة العادم بتاعتي قطرها 2 بوصة !! و النحناء عندي من النوع الخانق ده !!
حلاقي ان قطر الأنبوبة بتاعي في منطقة الأنحناء ... قل ،، بقا 1.5 ،، او 1.8 بوصة !! على حسب جودة الأنحناء نفسه !!
طيب النوع التاني ده أيه ؟؟
الMandrel bends دي أنحناء غير خانق ،، بمعنى ان قطر الأنبوبة بتاعتي مبيقلش فيها ،، خالص ،، يعني لو قطر أنبوبة العادم 2 بوصة ،، حيفضل 2 بوصة حتى في منطقة الأنحناء !! لو عندي كورة ،، قطرها 2 بوصة ،، و حطيتها في بداية الأنبوبة !! حتطلع من الناحية التانية ،، عكس النحناء الخانق ،، حتلاقي الكورة أتحششرت في النص !! في منطقة الأنحناء نفسها !!
طيب أنا لما أجي اعمل نظام العادم ،، أعمله أزااااااي ؟؟
بص يا فندم ،، انت مش حتعرف تعمله بنفسك !! أنت حتعمله عند أي حد بتاع جاكمنات ،، و يكون نظيف علشان تتوفر عنده الآلات الي حيعملك بيها الMandrel bends
ليه ؟؟
أقولك أنا ليه ،، لأن الأنحناء ده بيتعمل بماكينة معينة !!
أو ممكن تكبر دماغك ،، و تشتريها بطلبية من محلات معينة او من برا لو عايز ،، بالشكل الي حضرتك عايزه !!
و دي صور توضح الفرق بين الاتنين
http://gibsonexhaust.com/dykhp/img/b..._stockpipe.jpgcrush bend !!
http://foberts.com/mm019a.jpg
crush bends !!
=======================
http://www.mikekemper.com/elantra/ex...andrelbent.jpg Mandrel Bend
http://www.bestmufflers.com/bshop/im...end_90_150.jpgMandrel Bends !!
====================================
طيب سهل لحد كده،، ياترى أيه تاني اعمله ،، مثلاً .. أيه القطر الي أجيب الأنابيب بيه !!
والله لو حضرتك مش تربو !! و طبعاً مش حاطط نظام نيتروس !! يبقى تلتلزم بالقياسات دي
* لو من 1500 ألى 2000 سي سي ،، يبقى 2 بوصة
* لو من 2100 إلى 2500 سي سي ،، يبقى 2.25 بوصة
* لو من 2600 إلى 3000 سي سي ،، يبقى 2.5 بوصة !!
========================
طيب لو عربيتي انا حاطط فيها نظام نيتروس ؟؟ أعمل أيه ؟؟
لو كده ،، يبقى تزود نصف أنش "نصف بوصة يعني" على كل قطر من الي فوق دول !!
طيب لو عندي تربو ؟!!
لو عندك تربو يبقى 2.5 بوصة ده انسب حاجة للمحركات الي أقل من 2000 سي سي
لو 2000 فأكبر يبقى عندك من 3 بوصة لحد 3.5 بوصة ،، بتختلف حسب سعة الموتور !!
====================
طيب جبت الأنبوبة بالقطر ده !! اعمل أيه !!!
أرسم خط سير أنبوبة العادم على رسمو ،، علشان يبقى شغلك منظم !!
و أعررف أماكن الأنحنائات فين !! و بعد كده خلي الراجل يعملهملك بحيث أنها تكون Mandrel Bends !!
و يبتدي هو يركب و يلحم على كده !!
نصيحة قبل شراء الأنابيب !!
فيه أنواع كتييييرة !! منها ال steel و فيه stainless steel !! أستنضف لو سمحت !! و أشتري الستاينلس ستيل ،، علشان ده مقاوم أكتر للتآكل و الصدأ ... بالتالي حيعيش معاك أكثر !! :E_braces[1]:
طيب و علبة البيييييييئة ؟؟
أوععععععى تشيلها !!
حرام عليك متبقاش اناني !! ده غير انك لو شيلتها حيكون ليها أثر سلبي على الأداء ،، لأن فيه ناس بتشيلها و تحط واحدة فاضية ،، دول ببساطة أغبية !! لأن ده حيعمل تقلييييل لسرعة العادم و هو طالع ،، متنساش ،، هو أينعم بيقلل الباكبريشير،، لكنه بقلل معها السرعة بتاعت طلوع العادم ،،
متنسااااااش ،، أحنا محتاجين الأتنين مع بعض !!
"المعادلة السحرية" :E_braces[1]: :hrm_prv:
طيب لو شيلتها خالص ،،
أوعى يا أخي ،، قلتلك متبقاش أناني !! و كمان ده بيقلل طول عمود الغاز الطالع من الموتور "طول النبضة " الي بتطلع من العادم !!
و ده في حد ذاته بيقلل سرعة خروج العادم بردو !!
"تخيل عندك خرطوم نازل منه مياه !! شوف بتنزل ازاي ؟؟ طيب أعمل خنقة بسيطة كده على طرفه !! حتلاقي سرعة خروجها زادت !!"
طيب ماهو بيزود الباك بريشر !!
أيون ،، بس لما تشيله حتلاقي ان منفعة شيله مش جامدة أوي ،، بالمقارنة بمساؤها !!
طيب اعمل أيه ،، انا عايز أعمل نظام عادم ميااا مياااااا !!
خلاص يا سيدي ــ تقدر تشتري محول حفزي رياضي الأداء
و دي صور ليه ،،
http://www.hh-catalyticconverter.com...021-l-main.jpg
http://www.s2ki.com/s2000/uploads/ga...0d03d5ccbb.jpg
http://www.kansasconverters.com/wp-..../technical.jpg
و بالنسبة للماركات ،، نفس الشركات الي كنت قلت عنها ققبل كده هيا هيا بتعمل المحول الحفزي عالي الأداء ده بردو !! :))
======================================
أنا كده تقريباً خلصت موضوعي ،، أرجو من الله أن يكون الموضوع مفيد ألى حدٍ ما للناس ،، و يكون مرجع ليهم لو عازو حاجة عن كيفية تحسين نظام العادم !! و أكون مطولتش اوي ،، ولا قصرت اوي !!
لأن الموضوع بجد فيه كلام كتيييير ،، و أنا حاولت اختصر فيه بطريقة توصل المعلومة المفيدة في نفس الوقت !!
و أن كان من خطأ او نسيان فذلك مني ،، و أن كان من توفيق فبفضل الله و كرمه !!
شكراً لقرائة الموضوع !!
أدعولي يكون في ميزان حسناتي
أخوكم في الله / حسام النبوي
لا بجد مشكور و تسلم على الموضوع ... لم الدنيا بطريقة بسيطة وسهلة للفهم .
الحمد لله ،، المهم أن الموضوع سهل الأمر على الناس
و شكراً ليك :)
و لو حد عنده استفسارات او مناقشات يا ريت يتفضل بيها ،، و نفتح باب الحوار و المناقشات في الموضوع ده
اقل كلمة تتقال فعلا موضوع تحفــــــــــــــــــــــ ــــــــــــــــــة
بارك الله فيك
دا الواحد طلع مكنش يعرف حجات كتير اوووووى
جزاك الله خيرا
شكرررررررررررررررررراً ،، و اللهم آمين ،، جزانا و أياكم :)
يا نبوى يا جامد اووى تسلم ايدك يا كبير