رد مع اقتباس
شكرا يا باشا على التقرير .. معتقدش انى هسوق العربية دى فى يوم من الأيام عشان أشوف الحاجات اللى حضرتك بتقولها دى .. و بعدين أنا سايب شوية حاجات كده أجربها فى الجنة ان شاء الله .. مش لازم أشوف كل حاجة فى الدنيا :-)
على فكرة أفضل حاجة الحصان العربى الأصيل.المشاركة الأصلية كتبت بواسطة m_kamal
القوة الحصانية 385 حصان ألمانى
النتائج 1 إلى 10 من 26
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 70352
تاريخ التسجيل : 11May2010
المشاركات : 257
النوع : ذكر
الاقامة : Kuwait
السيارة: Suzuki Grand Vitara 2009
السيارة[2]: Toyota corolla 2014
دراجة بخارية: لا يوجد
الحالة :
تجربة قيادة سريعة لبورش كاريرا فور إس Carrera 4S -
انشر الموضوع فى : hasad">السلام عليكم يا شباب .. جايبلكم النهاردة على السريع كد تقرير و تجربة قيادة فريدة من نوعها و هى للنجمة الألمانية بورشا متمثلة فى إحدى أقوى موديلات العظيمة 911 و هى كاريرا فور إس
Carrera 4S
و قد قادتنى الظروف السعيدة ان تكون السيارة تحت تصرفى لمدة نصف يوم و قلت لازم اعمل حسابكم معايا فى التجربة الفريدة من نوعها
و أبدأ بالمواصفات الفنية للسيارة
بورش كاريرا فور إس موديل 2009
موتور خلفى 6 سلندرات متتالية
سعة المحرك 3800 سى سى
القوة الحصانية 385 حصان ألمانى
دفع رباعى مستمر
مع جير بوكس ثنائى القابض PDK و مزود بإمكانية تيبترونك
سرعة قصوى محددة إلكترونيا 300 كيلومتر فى الساعة
سبويلر متكيف مع السرعة
كراسى رياضية حاضنة للسائق و الراكب الامامى بدرجات مختلفة كهربائيا
إكزوست سيستم رياضى
جنوط 19 بوصة تيربو
طبعا بدأت التجربة فى الصباح الباكر و طبعا كنت خايف من العربية لأنى لسة مش عارف أداءها عامل ازاى و مش متعود عليها
الانطباع الاولى عن الشكل الخارجى .. تصميم رياضى بحت معمول علشان يخدم الايرو دياناميكس بشياكة متوحشة و أرداف عريضة توحى بالثقة و الثبات الخزعبلى
الانطباع الاول عن الشكل الداخلى .. طبعا منتهى الشياكة و الاناقة و جودة الخامات و الجلد الاحمر المثير بتطعيمات السموك سلفر و اللون الاسود و الابيض الداخلى .. منتهى الفخامة
و اتوكلت على الله و ركبت العربية و ظبطت الكراسى و المرايات و الذى منه .. و شغلت و إذا بصوت الوحش يزأر بقوة و مما زاد الاثارة و قوة الصوت نظام سحب العادم الرياضى المزودة به السيارة و اللى بيحسسك انك فعلا راكب صاروخ لما تضغط على دواسة البنزين و انت على وضع المور
اتوكلت على الله و طلعت بالعربية و حسيت انها متضايقة منى جدا لأنى ماشى على سرعة قليلة و مش مرتاحة و صوت الموتور عمال يعلى و يوطى طلعت على الشارع الرئيسى و
قلت مابدهاش بقى يلة .... و دوست بنزين على الاخر حسيت انى لزقت فى الكرسى و العربية ركبها عشرميت عفريت و الار بى ام جاب اخره و فى غضون ثوانى تعد على اصابع
اليد الواحدة لقيت عداد السرعة 120 .... يا نهار ابيض ايه ده طبعا ماصدقتش القوة دى لأنى فعلا اول مرة احس بيها فا هديت شوية وقلت اشوف نظام الغرز معاها ايه :)
و كانت اول غرزة وب صراحة كرهتنى فى الغرز ليه بقى ... لأنى ماحسيتش انى اتحركت من مكانى اصلا لا العربية مالت ولا اتحدفت ولا اى حاجة كل اللى حصل انى كنت فى الحارة اليمين بقيت فى الحارة اللى فى النص من غير اى تعب ولا مجهود و بعدين ظهرت عربية شرطة للأسف و لقيته بيوقف عربية موستنج .. قلت اهدى يا واد كدة و ابعد عن الشر و غنيله .... و قد كان ... و فضلت ماشى هادى شوية و كمان الزحمة زادت ... فا بقيت اشوف بقى الغرز الخفيفة و انعامل معاها و كالعادة نفس القوة و الرشاقة
و للأسف مافيش حد سخن معايا ولا شد خااالص .. و كل ما ادوس الاقى الناس بتوسع لى ... ايه يا جماعة دا هو نص يوم .. حد يسخن معايا ... مفيييش
المهم بصراحة ماحاولتش اجيب بيها سرعات عالية لأنى بردة خايف منها بصراحة و مش متعود اللهم الا مرة شديت شدة كدة كان الطريق فاضى و جابت برده 140 فى حوالى 6 ثوانى مع صوت صاروخى فظيع و مرعب
و ان شاء الله احتمال اخدها تانى قريبا و فى المرة اللى جاية بإذن الله يكون معايا اخويا و صاحبى العزيز شريف منسى لأنى افتقدته جدا فى تجربة النهاردة اللى كان يهمنى جدا اعرف انطباعاته عنها و يقارنها بعربيته البورش كايين إس أخت الكاريرا الكبيرة
المزايا و العيوب من وجهة نظرى المتواضعة ..
المزايا ...
تسارع اقل ما يصفه انه (جحيييييييم)
شياكة و فخامة غير طبيعية و خامات و تقفيل فوق الدرجة الاولى بشوية و طبعا برستيييج عاااااااالى
ثبات وهمى بالرغم من انى مازودتش عن 140 و ثبات العربيات دى يقاس بعد 250 ولا حاجة
ساوند سيستم (بوز) و يكفى الاسم
صوت صاروخى مجلجل :)
طبعا اوبشنز بقى للصبح فتحة سقف - كراسى تدفئة وتبريد - ليدات - تحكم دركسيون - سنسر - ميموري - بلوتوث - نافيجيشن -زنون - سي دي - دي في دي و حاجات تانية مالحقتش اشوفها ....
العيوب...
القعدة فى العربية غير مريحة و خصوصا من عند الرجلين (رجليا مزنوقة شوية ) و انا متعود على الرحرحة
فعلا العربية تخوف و ليس من السهل التعود عليها و تحتاج لسائق محترف
طبعا ناشفة و حاسس بالطريق و ده طبعا راجع للجنوط ال 19 و الكاوتش الرفيع جدا و يا سلام بقى لو شغلت التعليق الرياضى عييش يا برنس
و سامحونى على سرعة و كروتة التقرير و ان شاء الله اللى جى يكون مفصل أكتر
و اسيبكم مع الصور ...
KIMOs
-
رقم العضوية : 7018
تاريخ التسجيل : 06Mar2008
المشاركات : 6,388
النوع : ذكر
الاقامة : Cairo
السيارة: Mercedes C200
السيارة[2]: Golf MKII
دراجة بخارية: Honda CBR 400 FireBlade
الحالة :
-
القران الكريم بجودة صوت عاليه جدا
http://www.nilemotors.net/Nile/230790-a.html
-
رقم العضوية : 68210
تاريخ التسجيل : 17Apr2010
المشاركات : 2,398
النوع : ذكر
الاقامة : Saskatchewan - Canada
السيارة: NISSAN MAXIMA SE
السيارة[2]: PEUGEOT 505
دراجة بخارية: مابعرفش أسوقها للأسف !!!!
الحالة :
-
السلام عليكم و رحمة الله و بركاته
ما شاء الله, عربية رائعة فعلا, هى دى العربيات و لا بلاش, مش الروبابيكيا اللى احنا راكبينها !!!!!!!!!!Maserati Quattroporteبسم الله الرحمن الرحيملقد كفر الذين قالوا إن الله هو المسيح ابن مريم وقال المسيح يا بني إسرائيل اعبدوا الله ربي وربكم إنه من يشرك بالله فقد حرم الله عليه الجنة ومأواه النار وما للظالمين من أنصار(72)لقد كفر الذين قالوا إن الله ثالث ثلاثة وما من إله إلا إله واحد وإن لم ينتهوا عما يقولون ليمسن الذين كفروا منهم عذاب أليم(73)صدق الله العظيم
-
رقم العضوية : 73872
تاريخ التسجيل : 26Jun2010
المشاركات : 5,623
النوع : ذكر
الاقامة : Shubra
السيارة: Fiat 131, 1300, 1976
السيارة[2]: Hyundai Verna 2010 Gl
دراجة بخارية: لا يوجد
الحالة :
-
بسم الله ما شاء الله
بورش من افضل السيارات عالميا
بجيب بيها 300 مستريح في نيد فور سبيد
ههههههههههههههههه
طبعا امنيتي اني اجربها واعتقد لو ركبتها مش هتنازل غير اني اقفل عدادها تحت اي ظرف من الظروف
ان كنت بالفيرنا بجيب 180 و 200 يبقا بالكاريرا مش هقفل ال 300 :d
ربنا يوعدنا يا رب ويحفظها لصاحبها يا ربAshraf_Ibrahim
-
رقم العضوية : 25192
تاريخ التسجيل : 14Nov2008
المشاركات : 166
النوع : ذكر
الاقامة : السعودية
السيارة: شيفورليه لومينا SS
السيارة[2]: همر
دراجة بخارية: NO
الحالة :
-
انا اشتريت بورش قبل كده سنة 2005 وكانت موديل 98 وبعتها للاسف بعد 3 شهور لان الصيانة كانت غالية شوية وكان سبب شرائى انى احقق حلم من احلامى انى امتلك بورش
السيارة رياضية طبعا من الطراز الاول بس مشكلتها فى القاعدة والراحة يعنى تتعبك وتصدعك بسبب صوت الموتور لو هاتستخدمها استخدام يومى
المهم لو عايز تعرف قوة البورش حاول تجرب 911 توين تربو دى بقى حاجة تانية الكاريرا جنبها تعتبر بطيئة انا جربتها مرة ولن انسى يعنى ايه بدوسة بنزين من 0 الى 280 بدون توقف ولا نتشة فتيس وتسارع ثابت حاجة خياااااااااااااال
ربنا يوعدنا ويوعدكم بيها
-
رقم العضوية : 13619
تاريخ التسجيل : 26Jun2008
المشاركات : 2,709
النوع : ذكر
الاقامة : Nasr City
السيارة: Verna 2014 AT
السيارة[2]: Verna 1.6 2007
الحالة :
-
ليه بس حرقة الدم دى ع الصبح
والواحد مبسوط م الفيرنا ههههههههههه
الحمد لله حلوة حلوة الفيرناسبحان الله وبحمده سبحان الله العظيم
لا تظلمن إذا ما كنت مقتدرا --------- فالظلم يرجع عقباه الى الندم
تنام عينك والمظلوم منتبه --------- يدعو عليك وعين الله لم تنم
-
رقم العضوية : 70352
تاريخ التسجيل : 11May2010
المشاركات : 257
النوع : ذكر
الاقامة : Kuwait
السيارة: Suzuki Grand Vitara 2009
السيارة[2]: Toyota corolla 2014
دراجة بخارية: لا يوجد
الحالة :
-
ربنا يكرمك يا باشا و يرزقك باللى احسن منها فى الدنيا و اللى احسن و احسن فى الجنة يا رب المشاركة الأصلية كتبت بواسطة kareemz
انا كمان يا باشا مكنتش اتخيل خالص انى اسوق الحاجات دى بس نصيبنا بقى :)
و بالنسبة للحصان العربى الاصيل يا باشا مشكلته انه ماينفعش يركب جوة المواتير ... هههههههه
صباحك زى الفلKIMOs
-
رقم العضوية : 70352
تاريخ التسجيل : 11May2010
المشاركات : 257
النوع : ذكر
الاقامة : Kuwait
السيارة: Suzuki Grand Vitara 2009
السيارة[2]: Toyota corolla 2014
دراجة بخارية: لا يوجد
الحالة :
-
و عليكم السلام و رحمة الله و بركاته ... المشاركة الأصلية كتبت بواسطة maserati
عربيات أوهام يا باشا فعلا .. دنيا تانية خاااالص عربيات للأداء الرياضى البحت فقطKIMOs
-
رقم العضوية : 70352
تاريخ التسجيل : 11May2010
المشاركات : 257
النوع : ذكر
الاقامة : Kuwait
السيارة: Suzuki Grand Vitara 2009
السيارة[2]: Toyota corolla 2014
دراجة بخارية: لا يوجد
الحالة :
-
المشاركة الأصلية كتبت بواسطة ashraf_ibrahim
يا باشا و هى بتجيب 300 مستريح فى الشوارع العادية كمان و صاحبها بيحكيلى لما كان بيجرب اول مرة يوصل 300 كان قلبه هيقف اثناء التسارع من صفر إلى 300 ... من قوة السحبة و الصوت الخزعبلى :)
و انا لو هو كان راكب معايا كنت لن اتوانى انى اجيب اخر الاداء
بس المشكلة انها كانت امانة فا كنت بحافظ عليها على قد ما اقدر ...
و ربنا يوعدك و يوعدنا يا باشا باللى احسن منهاKIMOs
-
رقم العضوية : 70352
تاريخ التسجيل : 11May2010
المشاركات : 257
النوع : ذكر
الاقامة : Kuwait
السيارة: Suzuki Grand Vitara 2009
السيارة[2]: Toyota corolla 2014
دراجة بخارية: لا يوجد
الحالة :
-
hasad">يا باشا هى دى مشكلة البورش الاساسية ... مصاريف التشغيل و الصيانة اللى للأسف مش اى د بيقدر عليها المشاركة الأصلية كتبت بواسطة raouf
و فعلا هى قعدتها مش مريحة قوى و خصوصا على المدى الطويل و دى طبيعة العربيات الرياضية
و صوت الموتور فعلا صعب قوى عشان صوت نظام العادم الرياضى اما من غيره فا ممكن يبقى صوت الموتور محتمل
و بالنسبة للتيربو يا باشا اول سؤال سألته لنفسى بعد ما سقتها ... لما كاريرا فور إس عاملة كدة و هى 385 حصان .. اما لتيربو ام 500 حصان تبقى عاملة ازاى ... و لا التيربو اس ام 550 حصان تبقى عاملة ازاى ولا الجى تى تو أر إس أم 620حصان تبقى عاملة ازاى .... يا لهووووووىىىىىىىىىىىى جحييييييييم
و صدقنى يا باشا لو جربت الكاريرا فور اس 2009 مع الجير الدبل كلتش البى دى كيه هتعجبك جدااااااا لأنه فارق جدا فى التسارع
و ربنا يوعدنا جميعا يا رب باللى احسن منهاKIMOs
المواضيع المتشابهه
-
تجربة قيادة :: كيا سيراتو ::
بواسطة Ahmod في المنتدى كـــــيامشاركات: 183آخر مشاركة: 02-04-2012, 10:52 PM -
تجربة سريعة لأوبترا
بواسطة MaZaGAngeE في المنتدى شــيفـرولــيهمشاركات: 3آخر مشاركة: 10-09-2011, 05:00 PM -
تجربة قيادة القاشقاى
بواسطة meridian71 في المنتدى نيـــــــــسانمشاركات: 9آخر مشاركة: 23-07-2011, 08:09 AM -
تجربة قيادة اللانسر
بواسطة just_magdy1 في المنتدى شــيفـرولــيهمشاركات: 15آخر مشاركة: 09-10-2009, 12:55 AM -
تجربة قيادة الفيرنا
بواسطة KiNgMaX في المنتدى هيــونــداىمشاركات: 4آخر مشاركة: 29-07-2007, 01:26 AM
الكلمات الدلالية لهذا الموضوع
ضوابط المشاركة
Content Relevant URLs by vBSEO 3.6.0 PL2
المفضلات