ياجماعه ساعدونى فى اختيار موبايل ضرورى
السلام عليكم ورحمة الله وبركاته
واحد صاحبى كان فى السعوديه بيعمل عمره من كام شهر ورجع بيقولنا الموبايلات المستعمله هناك بملاليم وانه شاف n97 بما يعادل 600 جنيه طبعا الواحد عينيه زاغت على طول وقولت احاول اشوف حد يشتريلى حاجه مستعمله من هناك
كلمت واحد صاحبى ليه قريب فى السعوديه وانا اعرف واحد فى قطر يشوفلى نوكيا e72 او c6 لاقيت الاتنين بيقولولى ان الاستعمال تعبان وسعره 800 ريال والجديد 1200 ريال يعنى تقريبا سعرهم قريب من مصر ومش رخيص وعشان ادفع 1300 فى موبايل استعمال يبقى كتير بصراحه على الميزانيه ومش عاوز اجيب جديد برده عشان الميزانيه ماتخرمشى اوى
المهم انا للاسف متعود على النوكيا وبرتاحله ولاقيت ناس هنا بتشكر فى نظام تشغيل الاندرويد بتاع سامسونج وانا معرفشى حاجه عنه نهائى
انا طلباتى فى الموبايل
كاميرا 5 ميجا بيكسل
يكون فيه واير ليس
يكون فيه gps علشان العربيه اقدر اشغله من غير نت
اى حاجه تانيه مش مهمه ولا يهمنى تاتش ولا خلافه بالعكس مش محتاج التاتش علشان بيبوظ بسرعه
هل الاقى حاجه فيها الطلبات دية كويسه فى قطر وسعرها جديد اقل من الف جنيه مصرى ولا مفيش
ولو مفيش ايه افضل قيمه مقابل السعر ممكن ادفعها فى موبايل سعره معقول فيه المتطلبات دية بغض النظر عن نوعه لان الواحد خلاص مش حيموت من غير نوكيا يعنى ممكن يغير بس محتاج النصيحه عن تجربه لان الموبايل مش حاغيره ان شاء الله غير بعد عمر طويل