الموضوع بتاع اللي مات امام الاقسام يبقى شهيد واللا لأ دي فيها خلاف
انا قصدي شهيد الثورة و ليس شهيد عند الله لان ربنا وحده اعلم بالنوايا و النفوس
لان انا نفسي كنت عايز اروح اولع في الاقسام من الظلم و التعذيب و الاستبداد و الفساد و الحقارة و انعدام الضمير و الانسانية التي تمثلها هذه الاقسام بالجزارين المقيمين فيها
يعني طبيعي جدا مع بداية تفوق الشعب على الشرطة ان متوقع جدا جدا ان اول حاجة تتعمل التخلص من تابوو (تمثال ) الظلم و القمع و الكبت الذي قتل فينا كل ما هو جميل و زرع فينا كل ما هو قبيح على مر عشرات السنين الا و هي نقاط تمركز هؤلاء المجرمين و القتلة و البلطجية المطلق عليهم شرطة و هذه النقاط المطلق عليها اقسام
فانا 100% ابقى شهيد لو مت في مواجهة مجرم
لكن من جهة اخرى و ده كلام وزير الداخلية
ان رجال الشرطة من حقهم الدفاع عن اقسامهم حتى لو باطلاق الرصاص الحي على المعتدين عليها و هو ما حدث
الموضوع انا نفسي متحير لان الطرفين فعلا على حق
فاقل حاجة تعويض الضحايا من الطرفين ولازم نبدأ صفحة جديدة
لازم الشرطة تبدأ صفحة جديدة تكون اقسام الشرطة فيها رمكز و عنوان للعدالة و الامن و الانصاف و الحق
ترجع زي زمان ايام ما كانت اغلب المشاكل بتتحل في القسم و مش محتاجة اصلا تروح المحاكم
المفضلات