-
الانذار و البطارية
سؤال لاهل الخبرة.....هل وجود الانذار بالسيارة يؤثر على استهلاك البطارية اثناء التوقف لمدة طويلة؟؟؟انا احيانا مش باخرج بالعربية 3 او4 ايام ومن ساعة ما ركبت الانذار بقيت بلاحظ ان شحن البطارية بيقل و العين السحرية بتكون على الابيض يعنى البطارية محتاجة شحن ومرة نامت خالص و اضطريت اعمل توصيلة عشان تدور.يا ترى دة سببة ان الانذار بيسحب من البطارية ولا هى فيها مشكلة؟على فكرة الدينامو عندى شحنة ممتاز يعنى مفيش فية مشكلة.
-
لا طبعا الانذار ما بياثرش نهائى على البطارية
شوف تملى اربط المشكلة باخر حاجة تمت فى العربية
حضرتك بتقول ركبت انذار يبقى نلف وندور حولين النقطة دى نشوف بقى الكهربائى اللى كان شغال مربطش القواطيش كويس
ايدة لمست سلكة الشحن
فى سلكة وقعت هنا ولا هنا
فى ماس حصل بين فردتين سلك حاجات من دى يعنى
ربنا يكرمك
-
الإنذار شغال على بطارية العربية ... يعني انت لو راكنها في شارع ازعاج قوي و معلي حساس الصوتي بتاعها بحيث في أقل اهتزازات الإنذار يشغل السارينة .. والعربية شغاااالة تملي بتزن بسبب ازعاج الشارع ... و سيبت العربية بالأسبوع مثلا أكيد البطارية هتفضى ..... لكن لقى لو الطبيعي العربيه في مكان عادي مش منطقة زحمة قوي ولا سوق و مافيش عيال بتخبط و تسند كتير على العربية مش هتأثر على البطارية بشكل ملحوظ أساسا ..
-
إضافة :
لو عربيتك في مكان طبيعي بالشكل الي سبق ذكره ... و الدينامو شحنه مظبوط أعتقد مشكلتك فالبطارية محتاج تكون بتكشف عليها دوريا كل شهر ..
وأي استفسارات أخرى احنا فالخدمة :) و موفق بإذن الله
-
الف شكر على المعلومات الهامة.
Content Relevant URLs by
vBSEO 3.6.0 PL2