انا بفكر ان شاء لله اشترى لادا موديل قديم 84
عشان لقيت ان سعرها قريب من 128
فهل فى حد يقولى ده قرار صحيح ولا خطا
وياريت حد يقولى عيوبها غير ان الدريكسيون تقيل
عرض للطباعة
انا بفكر ان شاء لله اشترى لادا موديل قديم 84
عشان لقيت ان سعرها قريب من 128
فهل فى حد يقولى ده قرار صحيح ولا خطا
وياريت حد يقولى عيوبها غير ان الدريكسيون تقيل
والله بما انك حطيت السؤال هنا يبقى اكيد كلنا هانؤلك لادا احسن
ولو حطيت السؤال فى فيات هايقولو 128 احسن
بص بقى انا جبت 128 يجى عشر عربيات واعدت معايا كتير اوى بموديلاتها المختلفة
لكن الـ 128 دى ما ينفعش يتقال عليها عربية من الاساس
اتكل على الله وهات لادا حالة كويسة
اما عيوبها فا اشهر يب تقل الدركسيون
خشونة الموتور صوتة عالى اوى الصراحة
مممممممممممم اية تانى فكر معايا
اة شكلها الصندوقى ممكن يكون عيب لناس معينة
لازم تظبط عفشة باستمرار
متهيالى بس ما فيش مشاكل تذكر تانى
ربنا يكرمك ان شاء الله بواحدة كويسة
لو ظروفك تسمح بدفع فلوس اكتر شوية ممكن تفكر في مازدا 323 لكن لو العملية محدودة يبقى خليك في اللادا احسن من الـ 128 بكتير.
ولية لو ظروفة تسمح بفلوس اكتر
الـ 323 تعمل من 17 لغاية احسن سعر 21 الف واعتقد دة تمن لادا حالة معقولة وكانت معايا مازدا على فكرة لو عاوز تسال عليها تحت امرك
بس اللى هايفرق ان المازدا هاتكون موديل 82 اما ال لادا هاتكون موديل تسعينات
اعتقد ان الاخ معاة تقريبا 15 الف صح ولا انا غلطان ؟؟؟؟
لادا
طبعا
بص انا ركبت الاتنين
احساسي في 128
ان لو حد قاعد علي يميني هيمد رجله ويدوسلي علي دواسة البنزين
انا مش عارف الشعور ده جالي منين
يمكن عشان مفيش فاصل
ويمكن لأنها أصغر مش عارف
لادا اكيد بدون تفكير بس تكون من التسعينات بلاش قبل كده علشان حالتها
بص يا سيدى انا كان معايا 128 ولادا 2107 مع بعض دى حاجه ودي حاجه تانيه خالص حسب استخدامك ومتطلباتك .
الاتنين بيشتركوا فى سهولة الصيانه وقطع الغيار
ال 128 : تتميز بسهولة القيادة والمناوره وقلةاستهلاك البنزين والنعومه وعدم السخونه وسهلةفى البلد والركنه و فى الزحمه احسن
ال لادا : تتميز بالقوة سواءاُ فى الموتور و البودى والجر الخلفى والشاسيه - عائليه واكبر حجما الشنطه اوسع وفى السفر اكيد احسن
طبعاً واضح انى اكتفيت بذكر الميزات وطبعا العيوب مفهومه من المقارنه
وفى النهايه متتطلباتك فى العربيه هى اللى حتكم ايه المناسب ليك
اللادا اشد من 128 بكتيييييييييير
و مشكلة تقل الدريكسيون هاتتعود عليها
و هى مشكلتها فى الركنه بس
طبعا لادا بس حاول تجيب موديل عالي
مقارنة صعبة جدا وبتظلم بيها العربيتين
طيب ياريت لو حد عنده لادا 2105 وتكون حالتها كويسه يقولى وعلى فكره انا اتكلمت مع ميكانيكى امبارح قالى بلاش لادا من الاساس عشان بتجيب بلى مقصات بسرعه ودى مشكلتها
برجاء الافاده ان لو ده حصل فعلا ايه اللى ممكن يحصل وازاى اصلح العيب ده لو لا قدر الله حصل
اولا ما فيش حاجة اسمها بلى مقصات
انما فى حاجة اسمها بيض مقصات زى اى عربية فى الدنيا ليها بيض للمقص
انما فى لادا يوجد اتنين فى كل مقص يعنى الطقم 4 بيضات والاصلى منهم بـ 120 جنية ويعد فى العربية سنة لو انت ما بتشحمش انما لو بتشحم ممكن يستمر اكتر من كدة بكتير
طبعا الادا افضل بكتير وكفاية ميزة الجر الخلفى و الثبات على الطريق بالاضافة الى الاتساع و سهولة الصيانة.:8941[1]:
لادا طبعا
طيب مافيش حد بيبيع لادتوووووووووووووووو
فى حدود من 15 الى 17 لحسن المواصلات خلاااااااااااااااص خنقتنى يبقى خنقه الادا ولا خنقه المواصلات
حضرتك الادا 2103 ال83 وال84 وكمان ال85 (نزلت قوات مسلحة فقط) افضل موديلات اللادا علي الأطلاق بيسموها لادا حربي (لأن اشهر موديلات فيها بتاعة القوات المسلحة) وتتميز بالأربع فوانيس الأمامية
نزلت بمواتير 1500 (بدون تكييف) و 1600 (في منها مكيف)
بالنسبة لو هتقارن بينها وبين ال 2105 او ال 2107 هتلاقي المقارنة لصالحها يكفي انها تصنيع روسي بتاع زمان ايام حربها مع امريكا عشان السبق في الطلوع للقمر والفضاء والأقمار الصناعية وليس تركي بالكاتينة الجنزير وليس الكاوتش علي المواتير ال1200 الي اساسا تصميمها اقدم من المواتير ال1600 وال1500
اولا الكرونة بتاعتها بيسموها الكرونة السريعة (لأن في الفترة دي كانت سيارات لادا بتشترك في الراليات) لكن 2105 الكرونة بتاعتها البطيئة بتاعة ال 124 او اللادا الموديل الأقدم الي كانت بفانوس واحد كبير
ثانيا الدريكسيون لو ظبطت العفشة والزوايا هتلاقيه اخف بكتير من ال 2105 و ال 2107
ثالثا الأعتمادية وجودة الصناعة احسن بكتير
رابعا الصاج والبودي احسن بكتير وكثافة الصاج احسن بكتير
خامسا الشكل الخارجي والنواكل احلي بكتير ومخليها كلاسيكية اكتر مع الطاسات الأورجينال النيكل بعلامة سودا في النص
سادسا التابلوه والتجهيزات الداخلية تابلوه جلد يتوسطه ساعة في قمة الشياكة والعدادات الأبانوس والار بي ام وضغط الزيت وشحن البطارية وزيادة وتقليل أضاءة التابلوه، -- كل هذه التجهيزات ليست موجودة في ال2105 وبعضها في ال2107 ، --- كمان فرش الأبواب و فرش الصالون أشيك بكتير من 2105 و 2107
سابعا وثامنا وتاسعا وقارن كما يحلو لك في النهاية هتلاقي موديل 84 يكسب بكل المقاييس
انا كان معايا لادا 2107 موديل 2005 وكان ابو واحد زميلي خلي بالك ابو واحد زميلي معاه لادا 84 4 غيار وانا 5 غيار حبيت احصله عشان اسلم عليه ماعرفتش وحرقت غيارات وقرصت وهو كان ولا في دماغه طبعا الشد ولكن حقيقي والله ماعرفتش احصله والكلام دة مكنش عدي علي العربية سنة واحدة يعني كانت زيرو
بعد مقارنة موديلات اللادا بينها وبين بعض تعالي نقارن اللادا بوجه عام مع ال128
اولا كمواتير مفيش مقارنة بين موتور 1100 او حتي 1300 مع مواتير اللادا ال1600 او حتي ال1500
ثانيا كألات جر وفتيس مفيش مقارنة بين اضعف نظام الات جر عرفه تاريخ صناعة السيارات وبين اقوي نظام لألات الجر
ثالثا القدرة الحصانية تقريبا متقاربة بس في فرق بين قدرة حصانية موجهة للعزم والقوة وبين قدرة حصانية موجهة للسرعة والتجميع
رابعا العفشة اللادا عفشتها اقوي بكتير عن ال128
خامسا الشاسيه الادا شاسيه روسي حتي وقتنا هذا وال128 مفيهاش شاسيه اصلا ولكن الموتور تحميله علي علب مثبته في الحوض
سادسا الصالون والتابلوه مفيش مقارنة بين تابلوه جلد محترم فيه ساعة وار بي ام و ضغط زيت في الموتور (موجود في المرسيدس واللادا فقط) وشحن البطارية عدادات كتير زي الطيارة وبين تابلوه بلاستيك مفيهوش غير سرعة وبنزين ومفيهوش حتي حرارة
الفرش الأصلي قطيفة في اللادا ومخدع في الكنبة الخلفية وجيوب في فرش الباب وطفايات ونواكل لدرجة اوكرة الزجاج نيكل عايشة لحد 2011
سابعا الشنطة والوسع الداخلي
ثامنا جودة الصناعة
تاسعا
عاشرا
،
،
الله المستعان
،
،
انا معايا 128
ومرة من قريب استلفت لادا من صاحبى ورحت بيها 6 اكتوبر وراجع الى مدينة نصر
واول ما خدتها منه وانا شغال تريقية عليها ودريكسون تريلا والكلام دا وبعد المشوار
رجعت (تفيت) على 128 وكنت حبوس ايد صاحبى وأشترى عربيته اللادا.
انت سالت السؤال فى قسم اللادا وبالتاالى لازم لك الناس هتثول لك لادا، اقترح عليك تحط نفس السؤال فى قسم الفيات وتعرف مميزات ال 128، وبعدين تحط دى قصاد دى وتقرر لنفسك
حضرتك دة عداد بيقيس ضغط الزيت في الموتور
كل لما حضرتك بتدوس بنزين بتكبس زيت في الموتور او بمعني ادق بتحرق وقود بيدفع البساتم وبالتالي بيتدفق زيت في المحرك ودة مؤشر لكبس الزيت
في ناس بتعتبره مؤشر للأستهلاك لأنه بيعكس قوة الكبس بتاعك وبالتالي الأستهلاك
والله المستعان
،
،
عداد econ
موجود فى تابلوة 2107 ويعتبر فعال طبعا وبيدلك على مدى كفائة دورة الزيت فى المكنة
حضرتك عداد ال economy في ال2107 حاجة وعداد كبس الزيت في ال2104 حاجة تانية
عداد الeconomy متوصل بفتحة هوا في الكربراتير وبيقيس كم الهوا الداخل في الكربراتير وبالتالي بيؤشر الي زيادة الأستهلاك
اما عداد كبس الزيت فدة لقياس كبس الزيت داخل المحرك ويعتبر ايضا مؤشر للأستهلاك ولكن مش بنفس دقة عداد الecon في ال2107
والله المستعان
،
،
من غير ما يدخل قسم الفيات مش محتاجة فصال دى حاجة و دى حاجة تانية خالص و انا معايا لادا و سقا الـ128 كتير و بصراحة فرق رهيب للادا و مش تعصب للادا لانى اصلا اول ما يكون فى فرصة تغيير هبيعها لكن اكيد لو حقارن بين اللادا و بين الـ128 يبقى طبعاااااااا و بدون تفكير و لا نقاش اللادا.