ماهو حرام نتسرق من فوق و من تحت
+1
ماهو حرام نتسرق من فوق و من تحت
+1
أنا قرأت كل الردود بحثا عن رد يتفق مع (تقليل ) دعم البنزين و لم أجد (طبعا رأي توت عنخ أمون ده هزار مش جد)
أنا بقى مع رفع الأسعار
صحيح أنا بكره (معظم) الحكومة من أكبر رأس لأصغر رأس (بعيد عن الأسماء علشان الإدارة)لكن انا مع رفع الأسعار لأن سعر البنزين وصل 120 دولار بقى الدعن الحكومي عبء كبير جدا كمان الزيادة المرتقبة هتفيد أصحاب الدخول المنخفضة (بس يارب لا يقابلها زيادة أسعار السلع الأخرى)
ده رأي
أما تصوري للموضوع و بناءا على الردود بتاعت حضرتكم فهو كالتالي :
الحكومة خلاص استفذت الطبقة الفقيرة في مصر بالغلاء و الضرائب المتزايدة
و استفذت طبقة المثقفين و المعارضة بالإعتقالات و حبس 4 رؤساء صحف و الإنتخابات المهزلة و الفاسدة
و استفذت الإخوان المسلمين بالإعتقالات و حبس أعضائها في قرارت المحكمة العسكرية
و استفذت الشباب و رواد الإنترنت (و أنا منهم) بقرار حبس ثم الإفراج ثم خطف ثم تسريح ثم الإفراج عن أسماء عبد الفتاح ( البطلة المصرية صاحبة فكرة المقاطعة)
وحاليا هي بتستفذ الطبقة المتوسطة و فوق المتوسطة برفع أسعار البنزين ( ده حسب ردود حضرتكم و بغض النظر عن تأييدي للقرار)
يبقى سقوط الحكومة دي هيبقى قريب جدا و اتوقع تزايد المظاهرات و الإحتجاجات كما أتوقع (يا رب) قرار جمهوري بإقالة أحمد نظيف و حكومته
انا مش قصدي إرادة إرادة يعني احنا مش هنحارب
انا معترض على الناس اللي مثلا تمونلك ب 19.25 و انت قايلة ب 20 كدا مع نفسها وبالصدفة و انت ماشي تلمح المبلغ الفعلي فاتكلمة فيبصلك باستغراب جدا و يقلك امال انت عايز تدفع كام يا بيه
فاعتقد دي ملهاش عاقة بغلبان وللا مش غلبان
أنا معاكloodadbs
ماهي المصيبة ان رفع أسعار البنزين و السولاد بيستفذ جميع طبقات الشعب أولا عشان أجرة الميكروباصات هاتعلى تلقائيا و طبعا التاكسيات.. و يمكن التكاتك كمان.. و ثانيا عشان كده أسعار كل السلع هاتغلى.. كل السلع يعني كل السلع.. أصلها كانت رخيصة اصلا عشان تغلى :confused:
أنا مش عارف أعمل إيه أن عايز أعمل حاجة أنتقم بيها من الحكومة دية
أنا فكرت أبطل أركب العربية في المشواير القريبة وأعتمد على رجلي يعني لو كان الموضوع 5 أو 6 محطات أتوبيس أو نقول ساعة مشي أو ساعتين كل يوم هعمل كده
وكمان أنا هقاطع البنوك الوطنية زي الأهلي المصري وبعض البنوك التي تعود بالنفع على السلطة زي البنك العربي الأفريقي الدولي مثلاً
وكمان هكتفي بالزكاة بس يعني هتوقف عن الصدقة وخلي الغلبان يموت عشان يولعوا في البلد هو أو عيالهم زي ما عملوا في المحلة أنا سمعت إن أغلب إلي خرب في المحلة كانوا شباب صغير أهلهم الغلابة مش لاقيين يأكلوهم
وبعدين هحاول أمنع الحكومة إنها تأخذ مني أي مخالفات أو رسوم على أي شئ
هحاول جدياً في السفر حتى لو هكون في الغربة درجة تانية أحسن ما أكون غير مدرج بأي درجة هنا
مش عارف لو هينفع الواحد يستفيد من ركوب المترو مثلاً بدون تذاكر هيبقى غلط أو ممكن أحاول أعمل إشتراك عشان أقلل التكلفة وأستفيد من ميذة موظفيين الحكومة
محدش يقولي إضراب الإضراب ممكن أشارك فيه لو كان هينفع يعني لو إشتركت في الإضراب هيحصل إيه هيتصل بيا مديري الصبح يلاقيني مش في الشغل يكلمني هقوله أنا مشترك في الإضراب فيبلغ عني وقتي وأتحول للتحقيق وممكن أخسر وظيفتي ومفيش حاجة هتتصلح وأكون أنا الخسران الناس بره بتضرب وتاخد مرتباتها وتتحل مشاكلها لكن أنا طالما إن الإضراب مش هينفعني أضرب ليه
أنا كمان مش هشتري أي حاجة بتصنعها الحكومة أو بتشارك فيها أو بتستفيد منها
مثال مثلاً الجيش إلي الناس بتغنيله عشان مجاش إسمه في الموضوع بتاع المياه المعدنية الغير صالحة للشرب إلي أتكلموا عليه من فترة وعمالين يمدحه فيه XXXXXXXXXXXXX
هقاطع أعدائي وهما في الحقيقة مش إسرائيل وأمريكا بس دول كمان الناس إلي بتحكمني هدخلهم في إطار العداوة زي كده الدنمارك
أنا دلوقتي هسخر كل عقلي وتفكيري وإمكانياتي في إيذاء أعدائي
هقاطع أي واحد يكون في الحزب الحاكم أو بيحبه
هقاطع أحمد عز وأي منتجات بيصنعها أي رجل أعمال زيه
ممكن ألاقي شوية أفكار تانية هنفذ علطول والله المستعان
تم الحذف لمخالفة قواعد المنتدى
الإدارة - 3
فعلا لازم ناخد أكشن - دة أنا سمعت كمان أن المترو هيبقى ب 2جنية - لازم لازم لازم أكشن يا رجالة - الواحد فعلا عايز لأحتلال زى بتاع زمان البلد كانت كويسة وأحسن من دلوقتى
يبقى كلموا عمو بوش يجى يحتلنا واحنا حانعيش زى الفل
من غير حرامية
فرصة يا شباب ... بعد الزيادات في البنزين و الترخيص أعتقد العربية دي سعرها هايرخص جداااا
H
U
M
M
E
R
حسبنا الله و نعم الوكيل
شوفتوا بقى سحبوا قانون المرور الجديد من مجلس ال..... ليه
الدمار قادم لامحال.........
الخراب قادم لامحال............
المبادء والقيم والاخلاق هتنهار لامحال........
السرقه والنصب والقتل وكل ماشابه هيكونو اكتر من الكلام اللي بنتكلمه لامحاله.......
انا عاوز اهاجر واطفش من ام البلد دي اروح فييييييييييييين حد يقولي
حد يساعدني .................ياتري بكره في ايه ؟؟؟ياتري هعرف امشي في الشارع وانا مش خايف ؟؟؟؟ولا بعد الساعه 7 مساء الشارع مش هيكون امان؟؟؟ابني وبنتي هيعرفو يروحو مدارسهم لوحدهم ولا لازم يكون معاهم حد يحميهم ....
الناس الغلابه هيكلو منين ....هيعرفو يعيشو ولا قانون البلطجه والبقاء للاقوي هيكون الشي الوحيد عشان تعرف تعيش ....وياتري القانون هيعرف يحمينا ولا من كتر السرقه والقتل هيقفو مكتوفي الايدي .............
خلالالالالالالالالالالالا لالالالالالالالالالالالال الالاص كفااااااااااااااااااااااا ااايه
مش قادر افكر في بكره شايفه مخيف ملوش ملامح ...شايفه اسود ...مرعب...قذر
يارب يارب يارب يارب يارب رحمتك رحمتك رحمتك رحمتك رحمتك
ملناش غيرك لامفر الا اليك ولا راحه الا برضاك رحمتك وسعت كل شي
استغفرك واتوب اليك ....استغفرك واتوب اليك ....استغفرك واتوب اليك
بصو من الاخر هما عاوزين الناس تئب باللي تحت البلاطة
واللي ماعندوش حاجة تحت البلاطة ينزل هو تحت البلاطة
(ربنا من قدم لنا هذا فزده عذابا ضعفا في النار)
سورة ص
السلام عليكم
حسبنا الله ونعم الوكيل
دة لسة....عرفتوا ان تراخيص العربيات زادت!!!!؟؟:mad: كاتبين جدول بالاسعار الجديدة في الاهرام
انا مشفق على الي راكب 2000 سي سي هيدفع 1000 جم في السنة:mad::mad::mad:...الحمد لله اني بعت ال504 كنت بدفع 140 ضريبة ومش عاجبني... على عربية عمرها 30 سنة
بجد يا جماعة البلد هتولع.....لازم نعمل حاجة!!!!!
فوضنا امرنا لله
اللهم اخرجنا منها على خير
عمرو
يا أخي.. ما نقص مال من صدقة
ماتخليش الشيطان يركبك يا أخي.. اعمل اللي انت عايزه.. ده رأيك وانت حر فيه.. بس ما تفكرش ابداً إن فلوس هاتقل من الصدقة.. يا أخي.. إن الله إذا بارك في القليل.. كان أفضل من الكثير .. وإحنا كلنا محتاجين للبركة.. ولا إيه ؟ :)
ربنا يصلح حالنا جميعاً.. قول آمين
ده الرابط على الأهرام المنشور اليوم 6 مايو 2008
http://www.ahram.org.eg/Index.asp?Cu...3.htm&DID=9574
السلام عليكم
أقل من 1030 سي سي........116جم
1330-1030 سي سي.....143جم
1630-1330 سي سي.....175 جم
2030-1630 سي سي.....1000 جم بحد ادنى 200جم:mad::mad::mad:
اكثر من 2030 سي سي ......2% بحد ادنى 1000 جم:mad::mad::mad::mad:
حسبنا الله ونعم الوكيل
عمرو عمارة
هى الحكومه عاوزه تعمل فى البلد ااااااااااااااااااايه تانى مش حرام بقينا اكثر الدول العربيه تاخر وتخلف وفقر
عاوزين ايه تانى يزودوا الموظفين 30% ويرفعوا اسعار البترول 60%
ده قمه الظلم ربنا ينتقم منهم ومن الحكومه كلها
انا مش قاهرنى غير الناس اللى بتركب مواصلات هيزودوا الاسعار وهيسبوا سواقين التاكسى والميكروباص يقرفوا الناس ويطقهوهم فى عشتهم اكثر
طب العلاوه 30% لموظفين الحكومه والمعاشات
لكن اللى بيركبوا مواصلات عامه وهتزيد اسعار المواصلات طبعا والناس الغلابه ولا هم موظفين حكومه ولا لاقين شغل اصلا يعملوا ايه
والله حرام 65 % من سكان مصر تحت خط الفقر وال 35 % مع ارتفاع الاسعار المستمر فى الطريق للخط ده
اللى بيحصل ده يشيب العقل هتنشر الجرائم بشكل اكثر والسرقات منهم لله يعنى الناس هتجيب لكل الزيادات دى منين
الله يخرب بيت الغباء
معلش يعنى هو بالفئه السعريه ولا بالسى سى
ونفس الكلام انا قلته امبارح
معلش يعنى ازاى اساوى بين اللادا ال 2107 والمينى كوبر اس
الاولى ب 44 الف ونص والتانيه ب 355 الف .. ليه علشان الاتنين 1600 سى سى
لازم الزياده تكون نسبه من سعر العربيه محليا
والمساواه فى الظلم عدل
انا ليا سؤال
هيا العلاوة دي راحت لمين
انا ماخدتش ولا مليم ولا سمعت انهم هيدونا مليم
وحاولت اعرف هل من الممكن يكون في زيادة في المرتب ؟؟؟؟
وكانت الاجابة
(احمد ربنا على اللى انت بتقبضه)
يا ترى مرتبي فيه كام صفيحة بنزين ؟؟؟؟؟
رامي (ابو احمد)
منقول من المصرى اليوم
كتب محمود محمد ٦/٥/ 2008
علي مدار ٨ ساعات ونصف الساعة، ابتداء من السابعة مساء أمس الأول، وحتي الثالثة والنصف من فجر الاثنين، عقد المهندس أحمد عز أمين التنظيم في الحزب الوطني، لقاءات مع نواب مجلس الشعب في مقر الأمانة العامة للحزب، لإقناعهم بضرورة تمرير تعديلات رفع أسعار السلع.
صاحبت اللقاءات وليمة عشاء فاخر للنواب، تم إحضارها من فندق النيل هيلتون، وحصل كل نائب من نواب الوطني علي كارنيه خاص، لتسهيل دخوله القاعة المخصصة للعشاء والمناقشة، عبر ماكينات أعدت لهذا الغرض، وهو إجراء غير مسبوق، خصوصا أن الكارنيه صالح لهذا الاجتماع فقط.
شهدت الاجتماعات اعتراضات كثيرة من نواب الوطني علي التعديلات، واعتبروا أن هذه اللقاءات تمثل فرصتهم الوحيدة لإبداء رأيهم والاعتراض، علي اعتبار أنهم سيؤيدون القرارات داخل البرلمان.
وكان أكثر السلع، التي اعترض النواب علي رفع أسعارها، السولار والبنزين ٩٠، وأكدوا أن هذه الزيادة سوف تنعكس علي جميع السلع الأخري، ووصف بعضهم الزيادات بأنها تقضي علي مبادرة الرئيس مبارك بمنح العاملين علاوة اجتماعية قدرها ٣٠%.
وخرج بعض النواب علي النص، وبدوا غاضبين، ومنهم حسن التونسي، الذي احتج قائلا: «هي الحكومة تجيبنا علي وشنا لما تكون عايزانا.. ولما إحنا نعوز حاجة مانلاقيش الوزراء»، وقال النائب بدر القاضي: «هي الحكومة بتشيلنا الموضوع ده ليه؟».
ولم يرد «أحمد عز» علي كلام القاضي، غير أنه فاجأ الحاضرين بتهديده بالانسحاب، وقام من مقعده متوجها إلي خارج القاعة وسط همهمة النواب المعترضين علي زيادة الأسعار، وقال عز: «كده مش هانتفق»، غير أن عددا من النواب اتجه إليه، وأقنعه بالعودة
*******
يا ترى ولادنا حيعملوا ايه فى المستقبل ....... حايعيشوا ازاى
و ياترى لتر البنزين على ايامهم حيبقى بكام
اول مره الواحد يحس انه خايف من المستقبل رغم يقينه انه بيد الله سبحانه و تعالى
مصر لا تملك كل الإنتاج المصري
بل يذهب 49 % تقريبا منه إلى الشركة صاحبة الإمتياز عن البحث و التي صرفت أموال كثيرة في الصحاري و البحار لتجد البترول
يبقى مصر مُنتجة للبترول و لكنها مستهلكها كبيرة جدا
بالظبط زي بريطانيا
بتنتج بترول ................ و لكنا تستورد الكثير منه ليكفي حاجاتها
و اﻵن مصر تستورد بنزين مكرر و سولار من كلا من ليبيا و الإمارات و تقريبا السعودية كمان
+100000000000000000
معك بس أنا أقصد إن إحنا أفضل من غيرنا بكثير ومواردنا لا حصر لها بعيداً عن جيب المواطن ممكن نوجه جزء من دخل آخر مثل الغاز الطبيعي أو القناة أو من عائد البترول نفسة أو نخفض بعض النفقات الحكومية أو نعيد توزيع وتقسيم أنصبة الوزارات أو نحصل القروض من كبار رجال الاعمال أو مكنش لازم العلاوة من أصلة لان المستفيد من العلاوة عدد محدود من الموظفين ، لكن المتضرر من هذه الإجراءات باقي الشعب المصري بما فيهم العدد المحدود من الموظفين ،
يعني مثلاً يوجد في منطقتي مواصلة طولها 2.5كم ب25قرش منذ الصباح أصبحت ب50قرش من المتضرر غير الموظف اللي مرتبة زاد 38ج طار منهم 15ج فرق هذه المواصلة فقط ولم يصل الى عملة لان هذه المواصلة ليست الوحيدة التي يصل بها ، وقس على ذلك نقل المواد الغذائية وارتفاع أسعارها وكمان غير هذا الموظف هناك موظفي القطاع الخاص وهم غير معنيين بالعلاوة ولكن متضررين من الزيادة وهناك أصحاب الحرف والمهن الحرة ( الفوعلية ـ عمال الطائفة المعمارية ) وفيه ناس تانية منسيين وهم أصحاب الأملاك ( ملاك العقارات ذات الإيجار القديم ) الذين أكل الدهر عليهم وشرب والاسم صحاب ملك فهناك من يمتلك عقار قيمته الفعلية ملايين الجنيهات ولا يدر الا القليل من الجنيهات التي لا تكفيه علاج فضلاً عن المأكل والملبس والمشرب ، وهناك فئة أخرى وهم أصحاب المعاشات ومنهم من أعطى الكثر لهذا الوطن الحبيب ولا يستطيع أن يغطي نفقات علاجة فضلاً عن معيشته ،
أعتقد أننا لو قمنا بعمل استفتاء على هذه العلاوة في نطاق المستفيدين منها فقط أعتقد نتيجة الإستفتاء ستكون 99.9999% بكل أمانة وصدق ونزاهة وشفافية .
وبرضة لو إحنا أحسنا إستغلال النسبة المخصصة لنا من الناتج المحلي للبترول ممكن نكتفي محلياً
ولو أن الحكومة أحسنت إستغلال موارد الدولة بما يرضي الله لتغيرت أمور كثرة وتغير حالنا كثيراً، أنا لا أزعم أني على خبرة ومقدرة على فعل ما لم تفعله هذه الحكومة ولكن منهم من هو جدير بمكانه ومنهم من يريد الإصلاح ولكنه غير موفق ومنهم من أثبت فشله عن جدارة .
ولا يسعني إلا أن أقول كما قال رسول الله صلى الله عليه وسلم
( أللهم من ولي من أمر أمتي شيئاً فشق عليهم فأشقق عليه ، ومن ولي من أمر أمتي شيئاً فرفق بهم فارفق به ) صدق رسول الله صلى الله عليه وسلم
وأشكرك على التوضيح
انا معاك فى المقاطعه ديه ..... مقاطعه كل ماهو مصر و بالاخص كل ما هو حكومى ......ولو فى بديل اجنبى حشتريه بدل الانتاج المصرى . من انهاردة لا للانتاج المصرى .
طلامها ان الاوضاع ماشيه اننا بنتعامل بالاسعار العالميه على حد قولهم .... يبقى انا كمان كمواطن من حقى اخد السلعة بالجودة العالميه مش الجوده المصرية السيئه .
وياريت نسيبنا بقى من الشعارات الفارغه والانتماء ...... وماشريبناش من نيلها وكلام الاغانى الفارغ دة .
من انهارده مصلحتى ثم مصلحتى ثم مصلحتى ..... مش انتو بتقولو اسعار عالميه ....... اشربو بقى .
مع اطيب تمنياتى بعيشة هنيه فى بلدنا البهيه