ألزق علامة الشيفورلية اللى على الشنطة من ورا بأية؟

**Sehsss** · 25-07-2011 10:32 PM

بص يا باشا أنا عن نفسي كنت لازقها بدبل فيس وفوقيه أمير زي ماقال عضو قبل كده .. بس لو عاوزها فعلا ما تتخلعش يقى دبل فيس وتجيب من عند أي بتاع اكسسوارات لزق شفاف .. بيبقوا أنبوبتين بيتحطوا على بعض بحوالى 5 أو 6 جنيه ..وتحطه على الدبل فيس.. اللزق الشفاف ده قوي جدا كنت لزقت بيه قبل كده مراية الصالون في الزجاج الأمامي

**mido51eg** · 26-07-2011 03:20 PM

لزق super glue الأنبوبة بجنيه واحد ويلزق اي حاجة في اي حاجة

**saddam** · 09-08-2011 04:26 AM

أمير إيه يا رجالة حرام عليكم الراجل عايز يلزق العلامة اللي ورا يعني على الصاج إزاي أمير يعني بص يا سيدي أحسن حاجة متضرش العربية وأنا أساسا من زمان من 15 سنة خبير باللزق من كتر سرقة العلامات من عربياتي أو لما ألزق حاجة بالنسبة للدبل فيس فلازم يكون نوع كويس ولازم تشتري أنبوبة كحول صغيرة بتتباع عند بتوع الكماليات تدهن بيها الصاج قبل القطنة تنظف المكان وتلزق بالدبل فيس ودي تقوي الدبل فيس لأقصى حاجة ممكن يستحملها الدبل فيس والطريقة التانية اللي أنا بستخدمها عشان بخاف على البوية بحط الدبل فيس بس أسيب فراغات في الدبل فيس في أكتر من مكان وأحشيها سيليكون بتاع لزق الزجاج العصارة الصغيرة بتتباع حوالي ب 7 جنيه وتمشيك تلزق 50 علامة وبعد متلزق العلامة تثبتها بشريط لاصق حتى ثاني يوم وتاني يوم تشيل اللزق وحتمسك كويس بإستثناء السرقة ولو عايز تثبتها مدى الحياة بس تبوز الصاج هات عصارة إيبوكسي خلط مع إعتزازي .

**Hazem_zoma** · 18-08-2011 01:47 AM

معلومة بسيطه بس العلامة بتاعة الشفروليه من اكتر العلامات الى بتسرق والسبب بعد البحث والمراقبةطلع الى بيسرقهااااااااا .................................... سواقين النقل
الحل عن تجربه اكيده عندى فى الاوبترا وبعد شراء اكثر من 13 علامة بالتمام والكمال
تربطها بمسمارين من الشنطة من جوه بحيث يكون بوذ المسمار من بره مش لجوه ومعلش هتضحى وتديها خورمين فى الصاج مع دهان عازل للصدء احسن ميت مره من تكديرت سرقة العلامة

**ahmedaglan** · 18-08-2011 03:22 PM

مع احترامى لجميع الاعضاء الافاضل
والحل سهل جدا وفي عضو فاضل قالو بس مخدناش بلنا منة
هو دبل فيس فوق الممتاز وقوى جدا وانسة لما يلزق
3m ودة بيتباع ف شارع دمشق
او مكتبة سمير وعلي او عند اى مكتبة كبيرة
وبالتوفيق ف القرار السليم