يا جماعه روحت ميت مرة للصيانة واقولهم ويرجع استهلاك البنزين غير طبيعي
عارفين 16 كيلو استهلكوا 5 لتر بنزين
انا عربيتي جين تو2010
ارجوكم شوفولي حل
عرض للطباعة
يا جماعه روحت ميت مرة للصيانة واقولهم ويرجع استهلاك البنزين غير طبيعي
عارفين 16 كيلو استهلكوا 5 لتر بنزين
انا عربيتي جين تو2010
ارجوكم شوفولي حل
فيه جروب على الفيس بوك فاتخ خط اتصال مع مدير خدمات ما بعد البيع المهندس امر الكوافى
proton lovers in egypt cafe
او حاول تروح تقابل المهندس امر و تطلب منه حل لمشكلتك
الحل الوحيد هو تغيير ضفيرة العربية
هى الضفيرة لو فيها مشكلة تاثر على استهلاك البنزين ؟ و لا كل كهربة العربية تهيس ؟
فهموني موش فاهم ايه الضفيرة ديت
ايوة طبعا الضفيرة ليها دور
ولو مش من الضفيرة يبقى اطلب تغيير العربية
انا كمان هعمل كدة
طيب حضرتك قست الاستهلاك مظبوط??
يعني فولت لغاية الزور ومشيت بيها علي طريق طوالي وليكن 200 كم ورجعت فولت تاني لغاية الزور... وياحبذا لو نفس الماكينه... وتشوف اسهتهلكت قد ايه وتقسمه عدد الكيلومترات وتضربه في 20... هاتديك القرايه علي الصفيحة.
وطبعا الضفيرة ليها علاقه بالاستهلاك والكهربا بتاعه العربيه... عاملة زي عصب العربيه.
وربنا ييسرلك الخير و تبقي طمنا علي القراية تاني.;)))))
يا جماعه برضه التفويله عملت معايا210 كيلو
ردود يا جماعه
ربنا يعزك يا مصطفي بيك ويبارك في عمرك ... ديه شهادة ووسام اضعهم علي صدري :))))
فعلا انا حسين (بالعربي) والترجمة للانجليزي (سونا) هههههههههههه
جزاك الله عني خيرا :))
---------------------------------------
هو فعلا ال16 كيلو مش مقياس ده يادوبك ميدان ههههههههه
اسهل طريق قدامك مصر الاسماعيلية
تقوم يوم الجمعه الصبح بدري تشوف اقرب مدخل ليك ايه مثلا ... وتفول من اي بنزينة وياريت لو محترمة (وطنية - كالتكس - شل....الخ) وتفول لغاية الزور وتتوكل علي الله لغاية كارتة الاسماعيلية وترجع تاني ...!!!
المشوار ده هايعمل بتاع 240 -250 كم ... والجمعة الصبح يعني مش هاتوقف في اشارات كتير وترجع علي نفس البنزينة وتقول لغاية الزور ... وتحسبها زي المشاركة اللي فوق.
وربنا يطمنك عليها ... ويرزقك خيرها ويكفيك شرها :)))
متشكر لاهتمامك
التويلة 40 لتر ومشغلتش تكييف ومرة واحده بسي كان معايا اتني في العربيه المرة ديت كانت في حوالي 90 كيلو
أستاذ عمرو إنت متأكد إنك بتقيس صح؟ أصل الإستهلاك دا مش كتير بس دا مستحيل نظرياً ياريت حضرتك تتأكد وبعدين تطلع على التوكيل
انا الاستهلاك عندى بعد تجربة 15 تفويلة من بنزينات مختلفة و بعد صيانة العشرين و تغيير كل الفلاتر و الكلام ده الاتفويلة (40 لتر ) بتعمل عندى من 230 لـ 280 كدة بس انا مقتنع بيه لسبب
انى مبقفلش التكييف صبح ليل نهاءى و علطول فتحه لاكتر من نص البكرة حتى لو الجو حلو بفتحه علطول لانى دايما ببقى قافل الازاز 24 ساعة فعلطول فاتح التكييف و مع الجو النار اللى احنا فيه العربية بتشفط بنزين لكن انا اما سافرت مثلا لاسكندرية كنت ماشى من 90 لــ120 و خدت معايا حوالى 15 لتر يعنى حوالى 7 لتر لكل 100 كيلو مع تكييف و 3 معايا فى العربية يعنى فل الفل
لو انت زيى يبقى استهلاكك ده طبيعى
و لازم تقيس الاستهلاك بانك تفول و تصفر العداد و تطلع تمسك طريق 100 كيلو مثلا تشوف هتعمل فيهم متوسط عداد كام و متوسط تحسبه بنفسك انت كام
متقرصش على الغيارات وانقل على ار بي ام اقل من 3000
وادعيلي
اكشف على التنك و خراطيم البنزين يمكن يكون فيهم تسريب لاى سبب
لان اللى انت بتحكية ده صعب جدا
تحياتى
انا زيك علي فكره التفويله عندي بتعمل 220 كيلو واشتكيت كتير بسبب الموضوع وروحت التزكيل لاكن اخر مره نظفو الفلتر ومش عارف
وراحو مطلعين واحد معايا من التوكيل وفولت للاخر لحد الزور وطلعت علي طريق اسكندريه الصحراوي علي سرعه 90 ثابت لمده 50 كيلو وروحت فولت تاني ملحوظه بالتكييف الكلام ده بعد مافولت تاني لقيت انها خدت 3.24 لتر يعني ال 100 كيلو بتاتخد حوالي 7 لتر بالتكييف من غير قرص علي الماتور نهائي ومش تعدي سرعه90
لكن جوه البلد برضه 220 كيلو التفويله \
اللي اكتشفته بقي العربيه وهي واقفه بتستهلك بنزين بطريقه بشعه يعني شغل التكييف واقف متمشيش وراقب موشر الاستهلاك هتلاقيه وصل 20 لتر في ال 100 كيلو
يعني العربيه عاوز طريق طوالي وتجري زحمه هتقطعك في البنزين وطبعا جوه البلد لازم تقطعك بتنزين
جرب الطريقه اللي قولتلك عليها هتلاقي الاستهلاك تمام انك تفول وتتطلع علي الطريق علي سرعه 90 كيلو وتمشي لمده 50 كيلو وفول تاني وشوف هتاخد كام لتر
الكلام ده جربته لوحدي طلع ان العربية اخدت 6.5 لتر على الطريق السريع لمسافة 50 كيلو على سرعة 90 ثابتة
كمان الناس اللي كنت بقابلهم في التوكيل لما كنت بحكي مشكلتي كانت بتقولي حرام 120 كيلو في الصفيحة وكمان مش بالتكييف جوا البلد وكل اللي كنت بسمعه يقولي 170 كيلو بالتكييف و180 كيلو بالتكييف لاكن انها تبقى اقل من 90 كيلو بالتكييف في الصفيحة جوا البلد
التوكيل بقى مش عايز يفهم ان في مشكلة حقيقية عندي ومش عايز يغير الضفيرة لانها هيا الحل الاخير قبل تغيير العربية كلها
كمان هيا دي المشكلة اللي عربيات الساجا ومش بس الساجا ده في بيرسونا وجين2 كمان
انا عربيتي زيك 2010 اوتو وبعمل في الصفيحة 200 كيلولازم تروح التوكيل ولو ملقوش حل ابعت لماليزيا علي طول استهلاكك غير طبيعي بالمرة
الواجا عندي هما 10 كم للتر
بتكييف من غير تكييف هما ال10 كم
حاسس انها حافظة مش فاهمة
بس الحمد لله على كل حال
ياجماعه اعتقد ان فكره قياس البنزين جوه البلد دي صعبه شويه ولو عايزين اثبات ابقو صفرو عداد الوقت يعني وقت الرحله ولما تيجو تفولو تاني شوفو كام ساعه مهو ده بيفرق جامد برضه عشان العربيه لما بتقف كتير وهي دايره مهو ده بيسحب بنزين يعني مش قياس بنزين وكيلو متر بس لا قياس وقت تشغيل الماتور كمان
والله بحاول اقنعهم بكدة ياميدو بس فاكرني مجنون هههههههههههههههه
ميرسي يا جماعه لاهتمامكم بالموضوع لكن لازم نتفق مع بعض ونشوف حل
كده حنفكر نغير العر بية فعلا
دنا والله لسه كنت بفول من بنزينة لقيت واحد نزلي وبيسالني عن استهلاك البنزين وبيقولي عنده بيرسونا ونفس المشكلة
لازم نبعت اي حاجه لماليزيا
لازم يا جماعه نتواصل في الموضوع ده
انا اقصد نظام Displacement On Demand
يعني يشغل نص السلندرات بس علي السرعات المنخفضة ، لأن ثلاثة اربع الطريق عندنا بيكون واقف والربع الباقي ممكن السرعة توصل من 50 - 90 بالعافية !!