ماينفعش يوقفوا عساكر تراقب الاشارات دي بتبقي ثقافة لازم نتربي عليها
والله المستعان
،
،
عرض للطباعة
والله حضرتك أثرت نقطة في غاية الأهمية
هي استخدام الأشارات للي قدامي كمان وليس الي ورايا فقط
احنا اتكلمنا قبل كدة في الموضوع دة
استخدامك للأشارات مفيد جدا للي قدامي سواء جاي في المقابل او حتي ماشي قدامي وفعلا انت لازم تعرف الي حواليك اتجاهاتك ونيتك في الأنحراف عن الطريق سواء الي قدامك او الي وراك
وانا كمان نفسي يعملوا كتيبات تعليم القيادة بس للأسف لو حد ساق من اسبوع بيعتبر نفسه محترف وبيتكبر يقرأ الأرشادات
دة تلاقي الواحد العربية بتبطل منه وعايز ياكل غرز
الله المستعان
،
،
انا عندي الزرار بتاع الفلاشر باظ وغيرته من كتر ما بستخدمه وناس تانية تلاقي عندها الزرار مترب من قلة استخدامه
عارف حضرتك
انا والله وانا بشتري عربيتي الجديدة كنت بدور علي عربية سهل الوصول لزرار الأنتظار زي ما كنت بدور علي تكييف وباور ومرايات كهرباء والكلام دة كله
الله المستعان
،
،
كمان انا شخصيا وانا سايق بمسك الدريكسيون من النص وعندي زرار الأنتظار فوق القطمة بتاعة الدريكسيون (يعني عشان تدوس عليه لازم تدخل إيدك جوة طارة الدريكسيون) وطول مانا ماشي بصباعي الأوسط في ايدي الشمال بحرك دراع الأشارات يمين وشمال وبإيدي اليمين بدوس أنتظار لو هاخد غرزة بعلق الدراع علي اليمين او الشمال وبمجرد ما اسيبه الأشارة بتطفي بقت خلاص عادة عندي في سواقتي استخدام الأشارات والأنتظار
واعتقد في الجيتا انك لو علقت الدراع الأشارات وسيبته بيفضل يدي 3 غمازات وبعد كدة يطفي، متهيألي دة اكبر دليل علي اهمية نور الأشارات وتحديد اتجاهاتك للناس الي حواليك
الله المستعان
،
،
بعد قراءة اول صفحة بقول رأي
هل الحمار او الجاموسة راكب لهم اشارات
اذن اللي سايق عربية وميعرفش يستخدم الاشارات لسة متطورش
وبعدين هو احنا عارفين رايحين فين كله كيفما اتفق يعني زي ماتيجي تيجي ومطرح مترسي دقلها
والله معاك حق
وللأسف الملتزم الناس بتفتكره غشيم (جهل)
أنا للأسف من الملتزمين و ياما بشوف نظرات عجيبة من الناس
لدرجة في مرة بدي اشارة وداخل شمال هلف اليوترن الائي سواق تاكسي بيكبس عايز يسبئني من شمالي وميخدش اليوترن ويكمل علي طول روحت مطنش اليوترن ومكمل معاه وكاسر عليه ونزلت الازاز وقولتله
يا أسطي هو انا كنت مديك إشارة ولا مديك سيجارة انت مش شايفني داخل
طبعا بص لأئا نازل من العربية 3 صحابي من بتوع إيه بئولك انت لم نفسه وأصل العربية عليه اقساط وبحاول اجري عشان اسدد القسط وكلام فارغ من ده
ماركة بهدل العربية وسدد قسطها واعمل حادثه والتأمين يردها
ومش مهم الناس اللي حواليك
طب بص عشان نكون عمليين إحنا أكبر تجمع عربيات في مصر هنا في المنتدي وطبعا فينا الملتزم وفينا اللي مكبر دماغه
تعالو نحدد ميعاد مثلا من أول رمضان كل سنة وأنتم طيبين
كلنا نلتزم ونحاول نأثر في أصحابنا ومعارفنا
وطبعا التأثير هيشمل الناس اللي سايقة في الشارع بالتبعية
بجد لأن الالتزام عدوى ومع الوقت بجد هنبئا عملنا حاجة كبيرة جدا
وبقترح نعمل ذي وثيقة أو نشرة فيها القواعد اللي المفروض نلتزم بيها (معلش فينا ناس بتخالف نتيجة عدم معرفة)
وكمان بطلب من الادارة تثبيت النشرة دي (ليسهل طبعها بشكل فردي)
ولو لينا في المنتدى حد عنده مطبعة ممكن تطبع ونحط عليها شعار نايل موتورز
وتوزع ولو كل عضو وزع 5 نسخ بجد هنعمل تأثير جامد جدااااااااااااااااااااااا اا
حضرتك طبعا افكارك جامدة جدا
وانا كنت عملت اكتر من موضوع بتكلم فيه عن اخلاقيات وسلوكيات وثقافات قائدي السيارات وكان ليا اكتر من مشاركة في اكتر من موضوع بنادي فيها باتباع السلوكيات القويمة في القيادة
وانا لما عملت المواضيع دي كانت لوجه الله تعالي اولا وكرد جميل للمنتدي الي ماشوفتش من أعضائه غير كل خير ومساعدة وحب
ومن مواضيعي
http://www.nilemotors.net/Nile/21985...post3873499593
http://www.nilemotors.net/Nile/22676...post3873583122
http://www.nilemotors.net/Nile/23092...post3873631012
http://www.nilemotors.net/Nile/23395...post3873668353
http://www.nilemotors.net/Nile/22810...post3873599044
اتمني حضرتك تقرأهم وتقولي رأيك
وأنشاء الله انتظر مني المزيد من التعليقات والمواضيع المتعلقة بالسلوكيات والأخلاقيات
والله المستعان
،
،
الموضوع بتاعك ده فى غايه الاهميه يريت كلنا نهتم ونوعى بعض ونوعى غيرنا حضرتك عملت اللى عليك وبدأت كتابه فى المضوع لازم كل واحد يكون عنده اقتراح او يخطر بباله فكره لتحسين المرور او التوعيه بأهمية الالتزام بقواعد المرور او خطورة الاهمال فى المرور لازم يكون ايجابى ويشارك باللى يقدر عليه لدرجة انى من زمان كنت بقول ان فى المساجد ورجال الدين عموما لازم يتكلموا فى الاهتمام بالقياده السليمه حفاظا على الارواح وعلى كل حال جزاك الله كل خير لايجابيتك ولو كلنا خدنا خطوه على الاقل (بقلبك وهذا اضعف الايمان والله المستعان).
عايزين نفكر فى افكار تشجع الناس على حسن القياده وتكون بشكل غير مباشر وعندى اعتقاد لا ادرى مدى صحته ان حسن القياده والألتزام بالقواعد السليمه لو النيه للله يبقى من اماطة الاذى عن الطريق والذى هو شعبه من الايمان بالاضافه الى حق الطريق الذى وصى به الرسول الكريم عليه الصلاة والسلام وطبعا عمل الخير فى الاديان مطلوب
انا قرأت مواضيعك
يا أ/ SYD
حضرتك المفروض تشتغل في وزارة النقل والمواصلات
وبجد يارب أشوفك وزير
والله حضرتك عندك حق فعلا
دور رجال الدين مش مقتصر علي الحلال والحرام والجنة والنار بس لا كمان لازم يعالجوا المواضيع الحياتية التي تخص كل الناس وبالفعل المشايخ واساتذتنا عملوا سلاسل كاملة من السلوكيات لكن يبدو انها لم تجد اذان صاغية
شكرا لحضرتك جدا علي مرورك
والله المستعان
،
،
معاك حق مفيش دين سماوي بيقول اراقة الدماء بسبب الرعونة وعدم تطبيق القانون
تعلم حضرتك ان في رأيي من احد الشيوخ الذي احسبه علي خير ولا اذكي احد علي الله بيقول ان لو حضرتك لا قدر الله حد عمل حادثة وكان مخالف للسرعة المقررة ومات بيبقي منتحر
الله المستعان
،
،
كتر الف خيرك، بجد احرجتني
حضرتك انا ترس صغير في آلة كبيرة اسمها المجتمع بحاول اكون ايجابي واتمني اكون فعال في مجتمعي ولو شوفت الغلط وسكت اكون مشارك فيه
انا بسوق بقالي حوالي 10 سنين شبعت فيهم سواقة ومتابع السواقين سواء سواق تاكسي او ميكروباص او عمي او خالي او الله يرحمه جدي من وانا عندي 8 سنين يعني من حوالي 23 سنة بحاول اتعلم الصح وبشوف رد الفعل والتعامل في المواقف المختلفة
انا تقريبا سوقت حوالي 130,000 كم بعربياتي (غيرت اكتر من عربية) وسوقت تقريبا في حوالي 50% من طرق مصر من بحري لقبلي والدلتا والصعيد والشوارع الجانبية والطرق الفردية والطرق المفتوحة وفي كل متر بمشيه بحاول اصلح ودايما ناقد للسواقة في مصر ومش مقتنع (بحكم اني متابع للسواقة من اكتر من 20 سنة من ايام جدي لما كان بيسوق برواقة وحكمة ومعلمة)
الله المستعان
،
،
موقف مستفز حصلي
ماشي علي كورنيش المعادي الي رايح علي الملك الصالح
تحت الكوبري الي بيودي علي عين الصيره بيبقى ضلمه ساعات
الطريق زحمه و كله منور النور و انا ببص ف المرايه عشان ادخل شمال لقيت حاجه سوده لازقه ف العربيه بتاعتي
بعدت شويه و بعدين وضحت الصوره
المدام ماشيه مش منوره ولا لمبه توحد ربنا و ماشيه لازقه فيا
هديت شويه و مشيت جنبها و قولتلها لو سمحتي نوري النور امان ليكي و امان للي سايق جنبك
ماعبرتنيش كالعاده و فضلت ماشيه كدا و ربنا كرمها ببلاعه مفتوحه العربيه نزلت فيها و ماطلعتش !!
اشكرك جداً على اهتمامك وايجابيتك ولو فكرت تعمل اى حاجه تحت اى مسمى للتوعيه او لايجاد افكار وحلول هاكون من اول الناس ان شاء الله وبتوفيقه المنضمين اليك واقترح عليك مبدئيا تعمل جروب على الفيس وممكن بعد كده يتعمل جمعيه للتوعيه والتدريب وممكن تكون حاجه خيريه لوجه الله وعلى فكره الشباب حلوين وعايزين اى حاجه خير يساعدوا فيها واعتقد موضوعك من المواضيع المهمه جدا لو عايزين بلدنا مصر تبقى بلد كويسه وتتقدم وتبقى احسن كمان من اوروبا وامريكا يمكن بحلم بس انت شجعتنى لو فيه 10 فكروا زيك ومقتنعين وعندهم اخلاص ممكن يعملوا كتير (وتعاونوا على البر والتقوى ).
قولنا الموضوع سلوك تربوي وكله شابك في بعضه الاخلاق لا تتجزأ
الام مدرسة اذا اعددتها اعددت شعبا طيب الاعراق
واللي مربهوش امه وابوه تربيه الايام والليالي
بس لو القانون بيتطبق علي الكبير قبل الصغير محدش حيزعل وكله حيلتزم
والحديث الشريف بيقول والله لايؤمن احدكم حتي يحب لأخيه مايحب لنفسه
يعني لوصدرتصرف لايراعي الاخرين واترد لواحد من اللي ماشيين بمبدأ انا ومن بعدي الطوفان والبلد مجابتش غيري وان بس اللي سايق عربية والشارع وارثه عن الست الوالدة وانا بس اللي عندي ظروف ومستعجل وكله لازم يوسع لي حيقول ايه العالم اللي مش عارفة تسوق دي طبق الكلام الصح علي سلوكك في القيادة الاول
التفكير قبل القول او الفعل وتوابع الفعل ده ايه في السواقة
حاجة تقرف
معدش فيه سواقة (فن وذوق واخلاق )
ومش معني ان العربية مليانة رفاهية يبقي هي اللي حتفكر وانا انام في الكنبة اللي ورا هوففففففففففففففف
ياريت كل الناس تعمل بالنصائح ياباشا
مشكور جدا على الموضوع
السواقه فى مصر عايزه format
ونزلها ويندوز من جديد !!!
للأسف الستات في بلدنا لو حد كلمها حتي بالنصيحة بتفتكرك بتعاكسها
انا كنت عملت موضوع قبل كدة اسمه ولاد ال---------- ماسبوش لولاد الحلال حاجة
http://www.nilemotors.net/Nile/22314...post3873539713
ربنا يهدي الحال
والله المستعان
،
،
اولا احييك ياباشمهندس على سلسلة الموضوعات التي تدعو فيها الى الانضباط والعودة الى الاصول في القيادة وانا معاك في كل اللى بتطالب بيه
واعتقد ان مستقبل البلد اذا اردنا ان يكون ليها مستقبل هيكون مبني على سلوكيات وافكار الناس المحترمة اللي زي حضرتك
وياريت لو نعمل مثلا اسابيع نتفق عليها مع الزملاء الافاضل في المنتدي مثلا اسبوع الحزام كله يلبس الحزام لما يركب عربيته علشان باقي الناس تشوفنا وتقلدنا
الاسبوع اللي بعده مثلا للنضافه ماحدش يرمي حاجه من الشبالك او اي افكار تانيه بحيث الناس اللي عندها فكر متقدم تدي امثلة عملية لباقي المجتمع يمكن ييجي بفايده
وكل سنه وانتو طيبين
رمضان كريم
جزاكم الله خيرا و ربنا يجعله فى ميزان حسناتك
معاك حق طبعا
لفتة ظريفة بحكم اني بسافر كتير
في اي دولة خليجية لو ركبت تاكسي مثلا او عربية بقالها 3-4 سنين حتلاقي زرار الفلاشر ده ممسوح من كتر الاستخدام
لكن في مصر لو حتى عربية بقالها عشرين سنة حتلاقيه زيرو بيلمع :)
ياريت والله كل الناس تعمل كدا ده الواحد يتمنى
بس لا حياة لمن تنادى
النهاردة والله انبسطت جدا لما كنت نازل من علي محور صفط متجه لجامعة القاهرة ولقيت في نهاية الكوبري عربية لانوس مشغل الأنتظار عشان المطبات المعمولة في نهايته وبعدها راح مشغله تاني عشان المطب الصناعي الي قدام باب تجارة
حسيت ان الموضوع بتاع الأشارات مكنش مجرد كلام في المنتدي وانتهي لا دة بقي ثقافة وبيؤتي ثماره
شكرا لكل ملتزم بثقافة استخدام الفلاشر
ولكل واحد قرا الموضوع ونفذ النصائح الموجودة
والله المستعان
،
،
كلام سليم جدا ولما بكون ف طريق اول مرة امشي فيه ببقي فعلا نفسي اللي قدامي يستخدم الفلاشر علمطبات ..بحاول اعود نفسي علموضوع دا...حتي لو مفيش حد ورايا..اصله ف الاول وف الاخر لمصلحتي لانه هيلبس فيا انا
شكرا علي مرورك
وعلي العموم هي عادة او ثقافة كويسة اوي ومفيدة جدا حاولي فعلا تخليها من اساسيات سواقتك ومش هتخسري كتير
هو بس كل ماهو نالك لو وراكي ميكروباص هيتخنق منك مع انك ماعملتيلوش حاجة بس هو زي الشيطان بيتخنق لو لقي حد بيسوق كويس وملتزم
والله المستعان
،
،
جميل ياريت نخلى بالنا ونتبع القواعد فى السواقه والمرور وحياتنا كلها هنبقى احسن ناس فى الدنيا كلها ومصر تستحق لانها اجمل بلد فى العالم وناسها احسن ناس