يعني مثل بيقول دع ال------------ تنبح والقافلة تمر
الله المستعان
،
،
عرض للطباعة
الفلاشر دا اساسي
انا متعلم الكلام دا كله من ايام السعوديه و كنت بسوق كدا
نزلت مصر حسيت اني مابعرفش اسوق و لو اديت اشاره يمين او شمال ماحدش بيعديني الا من رحم ربي
انا انقذني واحد علي الاوتوستراد بالفلاشر كنت هلبس المطبات الي عليه و انا ماشي علي 80
كلامك مظبوط فعلا بس محدش بيهتم للاسف
انا الحمد لله بعمل كدة وكمان قبل ما اركن فى وسط البلد بشغل الأنتظار وابدا اخد يمين او شمال خالص
موضوع مهم جداا وبيمنع حوادث كتيير بس للاسف كله اتعود على عدم استخدام الفلاشر .......انا شايف الموضوع بسيط بس تقول لمين مفيهاش اى مجهود يعنى لو الواحد داخل يمين يديى اشاره ... انا عن نفسى لو هعدى من عربيه وجاى بسرعه من وراه برعشله وبديله اشاره علشان اعرفه هعدى من فين :))) .... بس سيبك من كل ده يا باشا اكتر حاجه بتستفزنى لما يكون واحد ماشى ونور الفرامل عنده محرررروق ببقى عايز انزل اولع فيه وفعربيته :@ علشان الموضوع ده كان هيلبسنى كذا مره بس الحمد لله ربنا بيسترها
ربنا يستر طريقنا جميعا . ونفسى بجد يعملوا برنامج او اى كتيبات ويوزعوها على الناس فى الشارع او اى حاجه يسيطه المهم تعلم الناس اللى بتسوق بالبركه القواعد الصحيحه للقياده.... لان اللى بيحصل فى شوارع المحروسه ده هبل على الجبل بصراااحه !!!!! وربك بيسترها
معاك حق الفلاشر بيبقى بيعدي مواقف كتير ممكن تحصل .. زي مثلا لو الطريق وقف فجأة و حد جاي بيجري او مطب
بس بردو في ناس بتستخدمة غلط
اللي بيفضل مشغلة عمال على بطال .. تحس انه مستمتع بصوت التكتكة بتاعة الاشارات
و طبعا في الافراح .. مع اني لما بكون في زفة بعمل كدا للاسف
و حاجة كمان .. بيزغلل العين للناس اللي بنضارات زي حلاتي
موضوع محترم جدا .....
أنا بس عندي رأي وهو أن الفلاشر مش هينفع مع مطبات وسط البلد أعتقد هيبقي مبالغ فيه أوي وكمان اللي وراك هيحس إنك بتتعلم السواقة أو مثلا ممكن يفتكر في مشكلة ف العربية ومشغل إنتظار عشان كده ....
لكن طبعا علي الطرق السريعة لاخلاف عند وجود مطب أو حتي لو شفت عربية نقل بتتمرجح قدامي بشغل إنتظار طبعا ....
بس بجد والله الواحد كل فين وفين علي مابشوف حد بيعمل كده ...... الناس عندها فكرة عامة مترسخة أن الإشارات والإنتظار هي لغة المبتدئين ....
بالعكس يا باشا عمر ما كانت الاشارات مبالغ فيها فى اى مكان.... انت بتنبه اللى وراك لانه ممكن يكون ميعرفش الطريق او اول مره يمشى عليه وانا بحترم اى حد بيستخدم الانتظار قبل المطبات وبالذات لو خد باله فى المرايه ان فيه عربيات جايه بسرعتها وراه .....
ده انا ساعات لما بكون ماشى فى طريق وكاشفه كويس وشفت بلاعه او حتة متكسره فى الطريق بدى اشاره اللى مكان اللى هروح فيه علشان اللى ورايا ميلبسش وللاسف قليل جدااا بيعملوا كده معايا,,,,,,,, ده ممكن واحد يبقى ماشى قدامى وانا ماشى وراه ومش كاشف الطريق ومره واحده الاقيه دخل شمال علشان يفادى عربيه قدامه كأنه بيلبسنى مثلا !!!!!!!! الفكره كلها هى فكرة تعود زى الحزام بالظبط :) لو اتعودت تلبسه اول ما تركب العربيه بعد كده اول ما تركب العربيه هتربطه