السلام عليكم ورحمة الله وبركاته
عاوز حروف نيكل او معدن زى اللى بيتكتب بيها اسم الشركه المصنعه للعربيه وتكون من النوع اللى مش بيطوس
حد يعرف سعرها كام وبتتباع بالحرف ولا ايه
انا نازل القاهره ان شاءالله يوم الحد ممكن الاقى محل فاتح فى مدينة نصر قريب من دار الدفاع الجوى اشتريها منه
عليك وعلى احمد سعيد
الحروف بتتباع لوحدها تقريبا الواحد ب2 جنيه
فين احمد سعيد ده
ياريت وصفه كويسه وفاتح يوم الحد ولا لا علشان انا نازل القاهره يوم الحد وراجع ان شاء الله فى نفس اليوم
ابراهيم فى شارع دمشق ( روكسى مصر الجديده )
عنده بس مش عارف بكام
انا كمان عايز الحروف دى بس المشكلة ان الحروف اللى بتتباع دى اكبر من اللى بتنزل الاصلى وانا عندى حروف ناقصه مش عارف اكملها
عند ارابكوم جنب سيتي ستارز في مدينة نصر .
بس الحروف كبيرة عن الاصلي بتاعت العربية والحرف ب 5 جنية . بس حلوين جدا
ياجماعه الف شكر ليكم
بس ياترى بيفتحوا يوم الحد
وممكن وصف ازاى اروح شارع دمشق ومحل ارابكوم فين بالظبط جنب سيتى ستارز من اى ناحيه
هما بيبقوا قافلين يوم الاحد
بص يا سيدى هتمشى على طريق النصر - اتجاه ميدان رابعه - هتخش الشارع بتاع ميدان الساعه يمين
و تفضل ماشى على طول هتلاقى كوبرى - مش هتطلعه - هتخش من تحته يمين
هتفضل ماشى على طول هتلاقى نفق الثوره هتنزله و تفضل مكمل طوالى لغايه ما هتلاقى الطريق متفرع يمين و شمال - بعد كنتاكى بشويه -
انت هتخش يمين فى شمال - مع الشارع يعنى - و تعدى الاشاره و تسال على شارع دمشق فين - انت فيه اصلا مش محتاجه سوال
شكرا اولااقتباس:
المشاركة الأصلية كتبت بواسطة sasaasdf
الشارع بتاع ميدان الساعه ده تقصد بيه شارع النزهه اللى فيه دار الدفاع الجوى