لو عندك واحد استعمال خفيف ونبى و مش ماشى كتير.. حبعتلك رقمى على الخاص لو لقيت حاجه لقطه (فابريكه يعنى) أخوك برده معاك و انت بتدور
و ياريت يكون رفيع عشان مياكلش بنز... قصدى برسيم كتير.. بس يكون شديد :)
علي فكره انا سمعت ان سعر الحمير هايغلي بعد ارتفاع اسعار البنزين .. وسمعت انت تراخيص العربيات الكارو غلي كمان ...
وسمعت ان قانون المرور بيقول ان ماينفعش حمارين يسوقو عربيه كارو واحده لازم واحد بس اللي يسوق علشان يلطع عينه ....
في حمار لقطه مرفوع 4 سنين 4 حدوه اسبور وفيه كمان نفيجيتور يعني بيعرف يروح البيت لوحده :D:D:D:D:D:D
يعنى الواحد ولا عارف يجيبها كده و لا كده...
حد يفهمنى اعمل ايه.. و لا عارفين ناكله و لا نركبه!!!
يعنى لحمة الحمير غلت عشان عليها طلب و طعمه حلو و كمان الحمار لسه حيغلى تانى!!! دحنا بلد!!! :
حمارين على عربيه كارو... كتير!! اجبله يشرب منين؟؟؟؟اقتباس:
.. وسمعت انت تراخيص العربيات الكارو غلي كمان ...
وسمعت ان قانون المرور بيقول ان ماينفعش حمارين يسوقو عربيه كارو واحده لازم واحد بس اللي يسوق علشان يلطع عينه ....
اه و لا يمكن أنا فاهم غلط؟ مش يمكن قانون المرور(الحالى) بيقول حمار واحد و التانى يبقى....... :) .. لا لا لا أكيد أنا فاهم غلط :)
طالب فيه كام؟ و لو حبيت أعاينه؟ فين المكان.. بس ياريت قولى قبلها اجيب معايا دكتور بيطرى عشان يكشف على الموتور كويس و بالمره ألحق أكلم واحد فى السلخانه يوشفلى أخبار الصاج ايه... أصل أخوك لسه جديد و كده يعنى انت فاهم!اقتباس:
في حمار لقطه مرفوع 4 سنين 4 حدوه اسبور وفيه كمان نفيجيتور يعني بيعرف يروح البيت لوحده
:D:D:D:D:D
عارف انا افتكرت ايه دلوقتي افتكرت فيلم كاركون في في الشارع في حته في الفيلم اللي عادل امام راح يشتري حمار فيها نفسي ابقي افتكر الراجل كان مسمي الحمار بتاعه ايه :) :) وبجد خايف البلد توصلنا للمرحله ديه
احنا خلاص قررنا كاسرة هنركن العربية وما نستخدمهاش الا فى الضروروة والمشاوير الهامة
المشكلة بقى ان كمان اسعار المواصلات هتغلى فالى وفرته فى العربية من بنزين هدفعه فى المواصلات وعليه كمان حرقة دم وقرف والدنيا حر اساسا مش ناقصة وجع دماغ
وننتظر ما ستسفر عنه الايام القادمة
عرفت النهارد إن مرتبى الحكومى هيزيد 60 جنيه بالتمام والكمال
وحسبت فرق البنزين الشهرى لقيته أكتر من خمسين جنيه
يعنى العلاوة صفصفت على أقل من 10 جنيه بعد حساب فرق البنزين بس!!
وأقعد أحوش الباقى علشان أبقى أدفعه فى تجديد الترخيص !!!
اللى يجنن إن يقوللك إن الزيادة دى علشان تغطى العلاوة !!! دى مش غطت وبس دى غطت وفاضت وطرطشت ومش عارفين نلمها !!!
يا دكتور احمد حضرتك لو حسبتها صح هتلاقي نفسك دافع من جيبك فوق العلاوه مرتنين تلاته كمان لان اسعار السلع الغذائيه واي من المنقولات
اللي بتتنقل بالبر او بعمني اصح من خلال العربيات كلها بتزيد ...... انا مش عارف الجيل اللي جاي من الشباب هايعمل ايه احــــــــنا علي الاقل
عايشين بالعافيه هما بقي هايعملوووو ايه وهايعيشو ازاي والحال زي ما احنا شايفين من الاسوء الي الاسوء .................................!
يعني الناس الي خدت علاوه راحت منها في البنزين ماشي
طب اللي مخدش علاوه ويدفع زياده عن مكان بيدفع يعمل ايه يعني هياخدومن الناس الي في القطاع الخاص الي اصلا مزدوش عشان يدو للحكومه عشان تصرف العلاوه يعني من دقنه وافتلاو زي مابيقولو
غير اصلا الي بيخدوه مننا ضرائب كسب العمل اصلا يعني انا بيتخصم مني كل شهر 432.87 جنيه ضرائب كسب عمل + 92 جنيه تامينات اجتماعيه اجمالي الخصومات 611 جنيه شهريا
وحسب الله ونع الوكيل