انا محتار بين الصني السوبر صالون والتيدا هاتشباك 2011 هل فرق السعر يستاهل اجيب التيدا؟ وانه افضل من حيث الارتفاع عن الارض والاداء واعادة البيع؟
انا محتار بين الصني السوبر صالون والتيدا هاتشباك 2011 هل فرق السعر يستاهل اجيب التيدا؟ وانه افضل من حيث الارتفاع عن الارض والاداء واعادة البيع؟
التيدا عربية ممتازة جدا .. وافضل من الصنى .. واذذا فرق السعر حتقدر علبه .. يبقا انت كسبت عربية ممتازة
تقفيل ممتاز وماتور ممتاز وعربية مشاكلها قليلة
وقطع غيارها منتشرة بره التوكيل دلوقتى
متشكر جدا على الرد يعني لو جبت التيدا ان شاء الله مش هندم؟
باذن الله مش هاتندم على التيدا ... وراجع الموضوعات فى القسم الخاصة بالتيدا وشوف المزايا والعيوب ... جودة خامات وتقفيل وأداء ولا اروع وهدوء ونعومة ماشاء الله ... وهى افضل قيمة مقابل سعرها فى رأيى ... ولا تنسى الاستخارة وربنا يوفقك ... واحنا فى الخدمة فى اى حاجة تحتاجهااقتباس:
المشاركة الأصلية كتبت بواسطة mego20082007
وايه اخبار قطع غيار التيدا متوفرة؟ وغالية ولا معقولة
انا كنت فى نفس الحيرة دى بس الصراحة ما اعجبتش بالصنى السوبر صالون وحسيت انه الفرق بنها وبين الex ميستاهلش وخصوصا انه انا مكنتش معجب بالابناوس بتاع السوبر. المهم المقارنة عندى بقت بين التيدا HB والصنى EX + ABS وبعد الاستخارة انا اخترت الصنى للاسباب الاتيه:
- الصنى كسيارة عملية وناس كتير بتشكر فيها ومنتشرة بشدة
- التيدا الموجودة دلوقتى تأفيل مكسيكى فبما انه مش يابانى فمش فرقة وخصوصا نفسيا بعنى سعر التيدا المكسيكى زيوو زى اليبانى اللى مع حد من اصدقاءى فحسيت انه ليه اجبها مكسيكى
- فرق السعر الكبير طبعا بين الصنى الex والتيدا (حوالى 15000 - 20000 حسب الخصم اللى ممكن تخده فى التيدا)
- واهم الاسباب طبعا. الاستخارة ثم الاستخارة ثم الاستخارة
وطبعا ده رأى بعد اما قرأت فى كذا موضوع فى قسم نيسان واتمنى انه ده يسعدك مش يحيرك اكتر :)
التيدا
اقوي-اوسع-خامات ممتازه
بص انا شغال يعد الضهر محامي للصني (أوفر تايم) هههههههههههههه
بس عند التيدا وهببببببب ......... مفيش كلام بعد كده
ايش جاب لجاب هههههههههههههه
لا طبعا تيدا بضمير وبنفس وبكل حاجة
حتي فرق الفلوس بينهم مش قليل
ان شاء الله في المستقبل ربنا يكرم و حبايبي الصقور هايتبرعولي ويجبولي تيدا هههههههههههه
ماتور محترم وتكنولوجيا اعلي وفتيس عزمه اعلي من الصني حتي شكل التابلوه مختلف .... ووسائل الامان فيها اعلي و ووووووواسعه جدا بشكل ينرفز ههههه وعالية وتحس انك قاعد في عربية نقل وتقفيلها محترم جدا والهاتش باك اللي بفتحة سقف شوفتها في المعرض
عنيه زاغت عليها ههههههههه .... بجد جميلو جميلة جدا ماشاء الله
ومتنساش الاستخارة وربنا ييسرلك الخير يارب العالمين
الف شكر ليكم كلكم والله افدتوني كتير انا مستريح للتيدا اكتر وان شاء الله خير
بص لو عايز رأيي .. انت تستنى وتحضر مقابلة الصقور القادمة
وتشوف دي وتشوف دي على الطبيعة
وتجرب دي وتجرب دي
وتحكم انت عشان تبقى مقتنع
وبيتهيألي ساعتها .. هتستقر على التيدا بإذن الله
هناك نقطتين لو مفهومش مشكله معاك يبقى التييدا بلا نقاش
اولا فرق السعر
ثانيا الشنطه (شنطة الهاتشباك صغيرة نوعا ما و ان كان موضوع تحريك الكنبه و طيها يتغلب نوعا ما على تلك المشكله)
يا باشا من غير ما تحتار هيا التيدا وبس
لان المقارنة مع الصني حرااااااااااااااااااااااا اااااااااااام
بدون تحيز للصنى ولا هجوم ع التيدا
انا لو رجع بيا الزمان اختار الصنى اتوماتيك abs ولو معايا 100 الف كنت جبت السوبر صالون بدون تردد
انما شكل التيدا وحجمها مش بيعجبنى بصراحة
وكمان ما اقدرش استغنى عن عربية سيدان بشنطة
لأنى باحس ان الهاتشباك مش عملية فى السفر والشنط والعيلة وده رأيى مع كل الهاتشباك انها تكون عربية تانية فى البيت مش اساسية زى الماتريكس وغيرها بغض النظر عن المقارنات وتوفق التيدا من حيث التقنية والكفاءة والخامات وكل شىء انا عارف
والمهم ربنا يوفقك وتكون مقتنع باختيارك
إن شاء الله تيدا و أنت مغمض
الحمد لله انا انا اخترت التيدا ومتشكر جدا لرأيكم وان شاء الله خير
اختيار موفق ومش هتندم ان شاء الله :plusone2:اقتباس:
المشاركة الأصلية كتبت بواسطة mego20082007