عرض للطباعة
السلام عليكم
كل يوم برجع البيت دراعى الشمال بايظ من الشمس مش عارف او ديه فين ولا اعملوا ايه :beatbrick:
لو حطيت حاجه عليه مش بعرف اسوق ومينفعش فى عز الحر الى احنا فيه ده البس حاجه بكم
ده غير الحر بيخلى التكييف ملهوش تاثير
فانا فكرت اركب فايمه درجه خفيفه ولما سالت لقيت التكلفه 60 جنيه بس الراجل مافدنيش بيقولى الى انت عاوزه
ولازم عشان الشمس يبقى غامق
فانا طالب نصيحه اركب فاميه نوع ايه ولا درجه كام ولا منين ولا اعمل ايه :satelite:
متاابع
متابع وبشدة :satelite:
الفاميه ممنوع
هاتلك شماسه من اللى بتتلزق وتتشال وحطها على الازاز اللى جنبك
ممكن تجيب ستاره كبس
ممكن تشيلها و تحطها بسهوله
اقتباس:
الفاميه ممنوع
هاتلك شماسه من اللى بتتلزق وتتشال وحطها على الازاز اللى جنبك
انا مركب ستاره كبس فى الازاز الخلفى حلوه اوى بس مش بشوف منها حاجه وبعدين كونى اقعد اشيل واحطاقتباس:
ممكن تجيب ستاره كبس
ممكن تشيلها و تحطها بسهوله
وابقى مش شايف كويس بره وكذلك مش هعرف بص على المرايه
غير ان الشمساه مش هترحم من الحر او الشمس لانها مخرمه
الفكره ان الفاميه بيهدى من درجه الحراره ويعكس الشمس شويه
بس الفكره فى نوع معين وكويس ودرجه متاثرش على الرؤيه وتبعد عن مشاكل المرور
ياريت فيه درجة تبعدنا عن المشاكل مع المرور وانا اركبها فورا!
المشكلة ان المرور بيتلكك دايما عشان ياخدوا فلوس بأي طريقة !
الفيميه تاني درجة بتبقى كل حاجة باينة جوه العربية (عشان محدش يتلكك يعني)اقتباس:
المشاركة الأصلية كتبت بواسطة h a r d
الأسهل حضرتك تروح لبتاع الفيميه بتاعك و تقف تتفرج عنده على الدرجة المختلفة و هي بتركب
و معلش بعد إذن حضرتك الراجل ده فين ؟ أصْلي عايز أعمل فيميه أنا كمان بس الاسعار في شارع دمشق تضحك
شوف كدا الإعلان دا http://www.nilemotors.net/Nile/224908-a.html
اقتباس:
الفيميه تاني درجة بتبقى كل حاجة باينة جوه العربية (عشان محدش يتلكك يعني)
الأسهل حضرتك تروح لبتاع الفيميه بتاعك و تقف تتفرج عنده على الدرجة المختلفة و هي بتركب
و معلش بعد إذن حضرتك الراجل ده فين ؟ أصْلي عايز أعمل فيميه أنا كمان بس الاسعار في شارع دمشق تضحك
40 جنيه سعر الاربع ابواب اى درجه
فىا لقناطر الخيريه
الله يسمحك عاوزنى ادفع 1500 جنيه انا ابعها احسن يا عمنا
بالنسبة للمرور .. اعمل الباب اللى جنبك بس :-)
حضرتك متأكد ان تاني درجة مفيهاش مشاكل مع المرور ؟!اقتباس:
المشاركة الأصلية كتبت بواسطة Unendlich
انا بفكر افيم اول درجة لمجرد حماية الشمس وعشان محدش يتكلم معايا ؟!
هو بيتراوح ما بين 40 و 60 جنيهاقتباس:
المشاركة الأصلية كتبت بواسطة H A R D
مش المشكلة في التكلفة المشكلة في المرور نفسه !
طب وشكل العربية ؟! :nosebleed:اقتباس:
المشاركة الأصلية كتبت بواسطة kareemz
ركب عازل حرارى للعربيه
من واقع تحربتى الفيميه اول درحة فى الاسود مش هيمنع كتير الشمس تدخل والاحسن الستارة ولو حتى الستارة البيضاوى اللى بتتباع فى معظم الاشارات ب 7 جنيه .
وسعر الفيميه 40 جنيه ده رائع لان ابراهيم اللى فى دمشق بيبداء عنده من 120 للاربع ابواب والخلفى.
الفيميه وصل 150 (أيوه مية و خمسين) عند إبراهيم واللي هو ضد الخدش بـ 250 !!!!اقتباس:
المشاركة الأصلية كتبت بواسطة ayman-ahmed
أنا كنت عنده أول امبارح و كان نفسي اقولهم شوية كلام قبيح
منتهى الجشع والإستغلال علما إن ثمن رول الفيميه من التوفيقية 10-12 جنيه
طبعا هو بيجيبه جملة و أكيد بيقف عليه ارخص كتيييير, بس لو فرضنا انه بـ 10, يبقى الباشا مكسبه في العربية الواحدة 130 جنيه على الاقل
و اترك لكم التعليق ...
ياريت بعد إذن العضو الفاضل hard أو أي حد يعرف مكان رخيص للفيميه يدلنا لو سمحتوا
وكان كلامه معايا ان العربية بتاخد رولين ونص ومصنعية وهو فى فيميه المستورد مش ملاحق.على اساس ان مصر فيمت والفيميه غلى والرول بقى ب 20 جنيه.اقتباس:
المشاركة الأصلية كتبت بواسطة unendlich
طيب ولو البابين اللى ورا والازاو الورا يبقوا 100 بس.قال ايه عشان انا كدة بوظت رول فيميه.:8954[1]:
150 و 250 جنيه
هههههههههههه والله الناس ديه بتهرج عندنا واحد حرامى بيعمل الاربع ابواب ب 55 جنيه
وناس تانيه الاربع ابواب ب 40 جنيه وهيا هيا نفس الرولات
بس خد بالك برضوا انوا بيقولك ضد الخدش والله اعلم هل ده فعلا كلام سليم ولا لا
المكان القناطر الخيريه
بص في حل كويس بالنسبة ليك
تجيب طقم ستاير كبس للعربية و تتفق اللي يعملهم يعمل حساب المرايات بيبقى شكلها كويس و بتمنع الشمس و لو حد غلس عليك هتشيلهم و يتركبوا في اي وقت تاني
انا عندي بس ناقص الباب اللي قدام لما اشيل الفامية هبقى اشتريهم
رول الفيميه مبيوصلش 10 جنيه اصلا
هو تقريبا ب7 ونص
الي يجنن ان واحد صاحبي جاب من التوفيقيه رول ب5 جنيه ازاي مش عارف
عموما متابع عشان الواحد بقي نصه اسمر ونصه ابيض
نفيم يعني اول درجة واللا ايه؟!
بفكر افيم اول درجة بس اللي هو الاخضر مش الاسمر
بيكون شكله احسن وكمان بيدي لون اخضر مع الشمس ودا كويس
ايه رأيكم مع المرور هيكون ايه الوضع؟!
اشتري صن بلوك ( كريم للحماية من الشمس ) و ادهن دراعك الشمال قبل ما تنزل من البيت
الموضوع خطر و في دراسة ان الزراع الشمال اكثر عرضه للاصابة بسرطان الجلد
خد بالك ان الفاميه الرخيص ده لونه بيفتح بعد شويه يعني لو جبت درجه خفيفه من الأول كام يوم وهتلاقيه كإنه مش موجود
متابع
[img2]http://www.nileup.com//uploads/images/domain-61be518940.jpg[/img2]
دى صوره تقريبيه لدرجات الفاميه
light light black 0-0
light black 0-1
med black 0-2
dark black 0-3
super dark black 0-4
super ultra dark black 0-5
انا مفيم 1-0 مش فارق خالص فى درجه الحراره العاليه دى بس انا مركبه علشان محدش يفتح بقه معايا بس اهوه بيريح التكييف وبيكسر اشعه الشمس ..... وعلى فكره الرؤيه واضحه جدااا بس بصراحه Med black هوه اللى جامد وبالذات فى الولعه اللى بتبقى الصبح وتقريبا ده اللى بينزل فى العربيات الفابريكه زى الكارينز وطبعا فى الاول وفى الاخر انت وحظك بس انا لحد دلوقتى محدش كلمنى عليه علشان بجد تبقى قلة ادب لو حد اتكلم عليه لان اللى يهمهم اللى جوه العربيه يبقى واضح
وياريت اكون قدرت اوضح :E_braces[1]:
بصراحة انا برضوا تعبت قوى من الشمس خصوصا وان داخل العربية لما اجى مروح بتبقى جهنمم والعياذ بالله ده غير انى عندى جلد فالموضوع بقى اسخن المهم انا قريت عن موضوع العازل الحرارى وبصراحة بالرغم من ان هوة غالى بس كنت مستنى رد فعل الناس اللى ركبت وبصراحة مقتنعتش كلهم بيقولوا حسن اداء التكييف لكن نسبة الحرارة قلت بشكل مش كبير وهوة ده اللى بدور عليه وفكرت فى الفيميه وخايف حد يغلش عليا بس المشكلة ان العربية لما بتكون فاميه فابريقة بيتكتب فى الرخصة انه مبيمنعش الرؤية غير حاجب الرؤية بالرغم من والله اللى فى الشيروكى غامق شوية ولما انا كنت مفيم عربيتى زمان فايمه اقل كتير من بتاع الشيروكى وشايف كل حاجة جوة العربية حتى بليل عملولى فيلم عربى وحاجب للرؤية ايه الفرق بين الفابريقة واللى احنا بنعمله انا فاهم الفرق بين اللاصق وبين لون الزجاج بس والله ال2 فى الشكل العام واحد ومش عارف نعمل ايه فى الموضوع ده ياريت نلاقى حل وانا كنت سالت عند ابراهيم بتاع دمشق قاللى الاربع ابواب ب 60 جنيه من غير اللى الخلفى وبالخلفى ب120 والله المستعان
للأسف احنا تحت رحمة المرور !