استشاره عاجله بخصوص التكييف

**sara2001** · 20-07-2011 03:16 AM

من شويه الجيران خبطوا علينا بيقولوا في رائحة شياط في الشارع ومصدرها الوحده الخارجيه لجهاز التكييف عندي
فتحت الشباك في شياط فعلاً بس مش عارفين مصدره
قفلت الجهاز وفتحته تاني مفيش فرق مع ملاحظه ان الرائحه موجوده في الخارج فقط مش في الداخل
مش المفروض لو التكييف هو المصدر رائحة الشياط تكون واضحه داخل الغرفه؟
صندوق الكهرباء اللي في الشارع سخن جداً والبواب بيقول انه بيطلع دخان
ومر على كل السكان وطلب منهم يقفلوا التكييفات وأعتقد كلهم خدوه على قد عقله ومفيش حد قفل حاجه
احنا بنقفله شويه ونشغله شويه ......... بس عندي قلق يحصل حريقه ولا حاجه

**Qmax** · 20-07-2011 03:22 AM

المشاركة الأصلية كتبت بواسطة sara2001

من شويه الجيران خبطوا علينا بيقولوا في رائحة شياط في الشارع ومصدرها الوحده الخارجيه لجهاز التكييف عندي
فتحت الشباك في شياط فعلاً بس مش عارفين مصدره
قفلت الجهاز وفتحته تاني مفيش فرق مع ملاحظه ان الرائحه موجوده في الخارج فقط مش في الداخل
مش المفروض لو التكييف هو المصدر رائحة الشياط تكون واضحه داخل الغرفه؟
صندوق الكهرباء اللي في الشارع سخن جداً والبواب بيقول انه بيطلع دخان

ومر على كل السكان وطلب منهم يقفلوا التكييفات وأعتقد كلهم خدوه على قد عقله ومفيش حد قفل حاجه
احنا بنقفله شويه ونشغله شويه ......... بس عندي قلق يحصل حريقه ولا حاجه

مبدئيا إقفليه ساعتين للأمان مش أكتر
وبعدها إفتحيها تاني شوفيه بيأثر على اللمبات يعني نورها بيضعها بعد التشغيل لو في ضعف يبقى كده في حاجه مفيش يبقى التكييف سليم

**sara2001** · 20-07-2011 03:32 AM

متشكره جداً لإهتمامكم
انا قفلته حوالي نص ساعه وبعد ما شغلته مفيش حاجه حصلت في اللمبات
بس في نفس الوقت كان في جهاز تاني شغال في غرفه تانيه

**Qmax** · 20-07-2011 03:41 AM

المشاركة الأصلية كتبت بواسطة mohamedfadel5

السلام عليكم

أعتقد ممكن للأسف مع حرارة الجو و الضغط على الكهرباء خاصة من أجهزة التكييف و الميكروويف و أيضا من ضعف سلوك الكهرباء.

فعلا معظم الأسلاك الموجوده في السوق رديئه لا تتناسب مع الأحمال مثل التكييفات والسخانات

**sara2001** · 20-07-2011 03:56 AM

المشاركة الأصلية كتبت بواسطة ghazy12

لو في اي تغير في اداء التكييف حضرتك لاحظتيه, يبقى المشكلة قد تكون عندك فعلاً, لكن لو الجهاز طبيعي,
و كل شئ عادي, و تبريده و صوته عادي.. يبقى ماتقلقيش لان ريحة الشياط ان شاء الله مش عندك...

لو في ريحة شياط من الوحده الخارجيه, مش هتدخلك جوه خااالص, لان الوحدة الخارجة مالهاش علاقة بالداخلية...
اظن الريحة دي من غرفة الكهرباء اللي تحت البيت, و يمكن يكون في اسلاك ساحت او حاجه بسبب شدة
الحرارة, و الاماكن دي بتحتاج لتبريد طبعاً لان الضغط عليها بيزيد جداا في الصيف و ده طبيعي جداااا...

لو اداء التكيف لم يختلف, و شغال عادي, يبقى اتطمني, بس يا ريت تتصلوا بمباحث الكهرباء و تبلغوا
ان في رائحة شياط من غرفة الكهرباء اللي تحت البيت لان دي ممكن يحصل فيها مشكلة, فيارت تتلحق من اولها...

تحيــاتي...

التبريد والصوت عادي مفيش اختلاف
هي بس رائحة الشياط لسه موجوده ومش قادره احدد مصدرها الوحده الخارجيه ولا لأ
وغالباً في حاجه في غرفة الكهرباء مش متأكده
من كلام البواب فهمت انهم لازم يغيروا الأسلاك ويحولوها ل3 فاز علشان تستحمل أجهزة التكييفات في العماره