السلام عليكم
الرجاء من اعضاء المنتدى الكرام عمل مقارنة بين العربيتن دول
ولجميع الاعضاء جزيل الشكر مقدماُ
عرض للطباعة
السلام عليكم
الرجاء من اعضاء المنتدى الكرام عمل مقارنة بين العربيتن دول
ولجميع الاعضاء جزيل الشكر مقدماُ
انا كمان عاوز اعرف مقارنة بين البيكانتو والC3
ممكن من اعضاء المنتدي المساعدة في المقارنة من حيث انا والاخ الي عاوز يقارن بين البولو مو 2000 وال بيكانتو مو 2005
وشكرا
عايز توفير في قطع الغيار و موديل حديث و سهولة في الصيانة و كيلومتر قليل اتجه للبيكانتو 2005و 2006
عايز شنطة أكبر و موتور أضعف من البيكانتو و خامات داخليه أنضف و قطع غيار و صيانة ناااااااار و معقدة و تقفيل أوروبي...اتجه للبولو 2001
و نفس الكلام بتاع البولو ينطبق علي ال C3.عدا ان موتورها أقوي سنة صغيرة (1200سي سي)
لأ هو انا غلط اني كتبت الحاجات كلها لازقة في بعض
مميزات البولو:
الوسع
الشنطة اكبر
الخامات الداخلية أقيم و جودة أعلي
تقفيل اوروبي (أسباني)
العيوب:
موتور 1000 سي سي ضعيف مع التكييف و الاحمال
صيانة معقدة
قطع غيار غالية
كيلومتر عالي
أنا كنت عايزه يفاضل ما بين الاتنين و يشوف ايه اللي محتاجه و ايه اللي مش محتاجه...لأن زي ما انت شايف البولو فيها مميزات عن البيكانتو برده....و الاتنين أنا مجربهم و عارفهم كويس جدا:)
و انا مبحبش أرشح سيارة و خلاص...ممكن اللي قدامي مش بيفكر بنفس اسلوبي...فالازم اديله المعطيات و هو يحسبها بدماغه
-الموتور ال 1000 للبولو بهورس باور وقوة اى عربية 1300 فى وقتها والتكييف و الاحمال لا تؤثر على التكييف سوى ما عدم ظبط كنترول العربية فقط
-صيانة البولو فى مليون مكان لها لطول تاريخها وانتشارها فى السوق عن اى عربية مستحدثة بتعتمد على التوكيل فقط
-قطع غيار غالية صحيح ..بس بتعيش اجيال مش بتغيرها فى ميعاد الصيانة اللى جاية
-كيلو متر عالى (جبتها منين /يعنى مش شرط) ... ولا يفرق فى عربية عالية الجودة
الخلاصة : البولو القديمة برقبة اى عربية جديدة .....والدليل السعر
بالمناسبة .. اسبانيا ملهاش اى علاقة بالموضوع
يا عمرو باشا...العربية مع انتيمي...و كل الحاجات اللي بقوللك عليها شايفها بعيني...و العربية علطول باسوقها و حافظها....ضعف في السحب لو التكيف اشتغل...أو 4 ركبوا فيها...و لو ال4 ركبوا و التكييف اشتغل بتبقي دمار...مع العلم ان السيارة مظبوطة 100% وعملنلها الصيانة من حوالي 5000كم
و شوفت يعني ايه فجأه نلاقي العربية وقفت بينا في وسط الأوتوستراد و مش عايزة تدور و جريناها لحد واحد في صقر قريش (الوحيد اللي لاقيناه) و لاقينا الدينامو باظ في عربية مكمللتش 70000كم بكام يا عم...المستعمل ل650 و الجديد ب 2400:)
البولو ال2001 مصنعة في أسبانيا و ده موجود في استيكر في قعر الشنطة
و ممكن تعمل سيرش او تبص علي ويكيبيديا ...و هتلاقي ان البولو من اول موديل الشكل القديم لحد العيون تصنيع سلوفاكي أو أسباني..معرفش ايه النظام بالنسبة للشكل الجديد.
العربية من أفضل العربيات الهاتش باك المحببة الي قلبي...لكن زي ما قلتلك هيه معادلة وكل واحد يحسبها و يشوف ايه اللي يناسبه و ميناسبهوش
انا بأيد كلام نادر ...العربية مع اختى مو2001 تقفيل اسبانى..عاملة 56 الف سحبها بيضعف مع التكييف اكيد خصوصا لو ركبت حد معاك..العربية قطع غيارها مش معمرة كده انا مغيرلها حاجات مغيرتهاش فى الاكسنت بتاعة والدى مع فرق الكيلومتر الكبير و الاستعمال بينهم..سنسور واحد كان ب990ج..تيل الفرامل كان ب 350 الاصلى..عملت فصول بايخة كتير مع اختى...احلى مافيها تقفيل الصالون..الثبات طبعا..صاج شديد الصلابة..نعومة موتور..موفرة فى البنزين..عفشة المانى رائعة
المهندس عمرو ايه الاخبار
مقارنه البولو بال بيكاتو مقارنه صعبه دي فولكس و دي كيا البولو تكسب
فرق موديل دي 2001 و دي 2005 البيكانتو تكسب
البولو 1000 و دي 1100 البولو تكسب ده متور الماني
الوسع الثبات الانطلاق مشي كيلوات اكتر صاج امان دي لصالح البولو
قطع الغيار و الصيانه لو عرفت طريقهم خلاص اتحلت مشكله صيانه العربيه
عربيه في اعاده البيع البولو تتباع هوا
انا معايا بسات 99 و صاحبي كان معاه بولو موديل 2000 من الزيرو مشى بيها اكتر من 100 الف كيلو كل الي صرفه عليها صيانه و رداخ البنزن و كان ب 800 جنيه و ده نفس الي عملته في عربيتي الي ماشيه 170 الف كيلو بس انا غير مقصات الي تحت و سنسور الكامه ب 450 جنيه و كوبلن يمين ب 600 جنيه فتيس و ده اهمال مني مشيت عليه من غير زيت جبته استيراد ب 2000 جنيه و طبعا اسطوانه و ديسك ب 1400 جنيه
قوة الاستحمال و الغشوميه طبعا البولو قطع الغيار البولو معمره تستحمل السفر و البهدله
التكييف البلو مش هتستحمل دي الف سي سي بس مش هتقولك لا و مش هتسخن
البيكانتو انا معرفش عنها حاجه غير واحد جاري جبها و بعد سنه بعها ليه الله اعلم 0 0
موضوع انها اسباني ميعيبش العربيه دي بلد الابيزا الي هيا هياها البولو و اسال كبير السياتاويه المهندس عمرو على العربيه دي و هو هيفيدك
طيب انا عاوز اعرف الفرق بين البيكانتو وال C3 و هو الC3 يوجد بها
اير باج والبيكانتو ايضا يوجد بها اير باج
طيب انا عاوز اعرف اشمعني تردوا عليه ومتردوش عليا :) :( :( :( :(
الC3 مفيش بيني و بينها تعمير الصراحة....كانت مع واحد صاحبي و قعدنا بيها فترة كبيرة....بس غالبا العربية اللي كانت معاه كانت منحوسة أو حاجة فا مكانتش كويسة
فيه ناس غيري ممكن يفيدوك عنها
اللي انا فاكره و برده مش متاكد قوي ان كان فيها 2 ايرباج...
البيكانتو مفهاش ايرباجز خالص...الا لو وقعت في ايدك واحدة خليجي بيبقي فيها الايرباج
ازاي انت على العين و على الراس
أنا في رأيي الشخصي البحت
بيكانتو 2005 أفضل من بولو 2001
ده فرق 5 سنين كاملين بينهم
و على فكرة البولو عربية عادية جدا ............ إن كانت ألماني أو أسباني و ثمنها في أوروبا مُستعمل واقع ( لغاية موديلات 2004 تقريبا أو 2003 )
و الأثنين موتورهم ضعيف و لكن كويس جدا في توفير البنزين
و برضة الأثنين مش بتوع تكييف
لأن التكييف بيحط على العربية و بيقلل السحب اللي هو أصلا ضعيف
و في النهاية البيكانتو
شكل أحلى و موديل أحدث و طبعا الحالة تفرق جامد معاك
طيب هو في عربيات اتوماتيك بنسعر 60 الف مثل البيكانتو مش فارقة سيدان او هاتش باك المهم في
لانسر كريستالة99-2000
هوندا سيفيك 92
دول اللي في بالي حاليا
انا بجد بشكر كل اللى رد عليا وده كان متوقع الحقيقة من احلى منتدى سيارات فى مصر
وبصراحة اللى مستغربله ان فعلا البيكانتو وانا بدور بتقع تحت ايدى كتير وناس كتير اوى عرضنها للبيع رغم انها موديل جديد وده بصراحة مش مطمنى خالص وده خلانى استبعدها من اختياراتى ولو مؤقتاً بعكس البولو اللى فين وفين لما بلاقى حاجة منها مستعمل ولما بلاقى منها مستعمل بلاقيه حالته مش حلوة
الجولييت عربية مش وحشة..بس استهلاكها عالى فى البنزين و بعدين البنزين بقى بتاع علية القوم..انما فيها ميزة ان قطع غيارها ارخص كتييييييييييييييييييييييي ييييييييير و اسهل فى الصيانة..و بعدين انا مش عاوز اقولك غير كفاية تقارن صالون العربيتين ببعض..حتلاقى فرق للبولو كبير من حيث الخامات و التقفيل الممتاز..و طبعا عفشة الجولييت زبالة..و الاهم بقى ان فرامل الجولييت تخليك متركبش العربية دى لانها جراية اوى و لازم تكون فراملها قوية .