الموضوع: مليونية 29 يوليو - ة الدفاع عن الهوية والإرادة الشعبية

المشاركة الأصلية كتبت بواسطة ashturbo

طيب حد يشرحلنا ماهي الأسباب لحشد هذه المليونية وماهي المطالب التي سيرفعها المحتشدون ؟

المطالب معلنة حضرتك اقراها وقولنا رأيك
وهي بالمناسبة مطالب تتوافق مع مطالب المعتصمين في ميدان التحرير ماعدا من يريد الدستور أولاً يعني الإختلاف الوحيد إن المليونية دي بتطالب بتنفيذ الإصلاحات وفقاً لما قرره الشعب في الإستفتاء الدستوري بدون الإلتفاف على إرادة الأغلبية بوضح وثيقة دستورية تتعارض مع ما قرره الشعب من أن اللجنة التأسيسية للدستور ستكون من إختيار مجلس الشعب الذي سيختاره الشعب في إنتخابات يريد من يعلم أنه سيخسرها ألا نصل إليها أبداً حتى لو سقطت البلد في هوة الفتنة ...ففي وجهة نظر البعض إما الإصلاح الذي أراه والديموقراطية التي تجعلني أحكم وإلا فلتذهب البلد للجحيم

المشاركة الأصلية كتبت بواسطة saberman

فانا نفسي تطلع افترا هي كمان :(

يعنى أيه يا أستاذ تامر نفسك تطلع أفترى ؟

يعني منظر المظاهرة دي و طلعتها و كل ما فيها بيقول انها حلقة في الصراع ما بين الاسلاميين و العلمانيين , و ده مش في الصالح حاليا لأنه تفرق , و فرق تسد طبعا , و الهاء للناس و تشتيت للجهود عن الهدف الاصلي (سواء هدف الثوار اللي هو تطهير البلد , او هدف الاسلاميين اللي هو الوصول لحكم ديمقراطي)

المشاركة الأصلية كتبت بواسطة أبومعاذ

المطالب معلنة حضرتك اقراها وقولنا رأيك
وهي بالمناسبة مطالب تتوافق مع مطالب المعتصمين في ميدان التحرير ماعدا من يريد الدستور أولاً يعني الإختلاف الوحيد إن المليونية دي بتطالب بتنفيذ الإصلاحات وفقاً لما قرره الشعب في الإستفتاء الدستوري بدون الإلتفاف على إرادة الأغلبية بوضح وثيقة دستورية تتعارض مع ما قرره الشعب من أن اللجنة التأسيسية للدستور ستكون من إختيار مجلس الشعب الذي سيختاره الشعب في إنتخابات يريد من يعلم أنه سيخسرها ألا نصل إليها أبداً حتى لو سقطت البلد في هوة الفتنة ...ففي وجهة نظر البعض إما الإصلاح الذي أراه والديموقراطية التي تجعلني أحكم وإلا فلتذهب البلد للجحيم

فين المطالب دي ؟ (سؤال استفساري)
و ليه طلع بيها التيارات الاسلامية بس ؟ (سؤال استنكاري)
علما بأني متفق معاك فيما يخص النخبة العلمانية

المشاركة الأصلية كتبت بواسطة ashturbo

خليني أعيد السؤال بشكل أوضح :

أيه هي المطالب التي سيرفعها المحتشدون ولم يطالب بها جميع التيارات السياسية المصرية من قبل ؟

تطهير : طالبنا كلنا بالتطهير .

الهوية : مين مسلم مش عاوز بلده تبقى أسلامية وتحكم بمباديء الشريعة الأسلامية أو خلينا زي ما البعض يحب نقول حكم بالشريعة الأسلامية ؟

الأرادة الشعبية : الأرادة الشعبية أننا نبقى كلنا صف واحد لحد مالبلد تنظف وتبدأ عجلة التنمية تشتغل .... ليست الأرادة الشعبية هي الدستور أولاً أو الانتخابات أولاً أحنا دلوقتي قولنا مصر أولاً ولما التيارات السياسية كلها نزلت رفعوا شعار مصر أولاً والثورة أولاً صح ولا غلط ؟ ليه نازلين دلوقتي تقولوا الأرادة الشعبية والأنتخابات أولاً .

اللي فرق الناس و شق الصف الغزالي حرب بالوثيقة اللي عملها مش حد تاني لأننا كنا وصلنا لمرحلة كويسة من الاتفاق على هدف واحد وهو الثورة أولا و قولنا هنسيب على جنب الدستور أولاً و الانتخابات أولا لأن الثورة نفسها بتضيع والناس نزلت الجمعة اللي فاتت على هذا الاساس لكن اللي حصل إن برضو الميدان في ناس بتستدرج الناس و بعدين تظهر غير ما تعلن فظهر في الميدان شعارات الدستور أولا و ظهر بعد كدا الغزالي حرب بالوثيقة بتاعته اللي مش عارف مين اللي إداله الحق يعملها

المشاركة الأصلية كتبت بواسطة تامر.محمد

يعني منظر المظاهرة دي و طلعتها و كل ما فيها بيقول انها حلقة في الصراع ما بين الاسلاميين و العلمانيين , و ده مش في الصالح حاليا لأنه تفرق , و فرق تسد طبعا , و الهاء للناس و تشتيت للجهود عن الهدف الاصلي (سواء هدف الثوار اللي هو تطهير البلد , او هدف الاسلاميين اللي هو الوصول لحكم ديمقراطي)


ياريت حضرتك تقرا ردي اللي فوق لأن فيه الرد على كلام حضرتك

فين المطالب دي ؟ (سؤال استفساري)
و ليه طلع بيها التيارات الاسلامية بس ؟ (سؤال استنكاري)
علما بأني متفق معاك فيما يخص النخبة العلمانية

المطالب معلنة يا باشمهندس حضرتك بس دور هتلاقيها
و ليه طلع بيها التيارات الاسلامية بس ؟ (سؤال استنكاري)
هل مش من حق أي حد يعبر عن رأيه و اللي متوافق معاه ينزل و يتضامن معاه و اللي مختلف براحته محدش بيحجر عليه هو كمان لما بيعبر عن رأيه