رأيك فى الاسبيرانزا ..........تكلم .......بلا خوف

**ALshahba** · 21-07-2011 05:45 PM

المشاركة الأصلية كتبت بواسطة khaled_saga

دخول هوا سخن من تحت الطارة ده اكيد فتحة التكييف بتاع الارجل ياريت حضرتك تراجع الموضوع ده انا كنت عامل مشاركتين شرحت فيهم للراجل يعمل ايه بالظبط

http://www.nilemotors.net/nile/228699-a.html

اولا بشكرك لردك الجميل ومحاولة المشاركة بالحل
ثانيا الهوا بتاع فتحة الارجل عملتها قبل كده وما بتدخلش هوا خالص طالما انا قافلها وجربتها وانا ماشي وحطيت ايدي للاختبار ومالقيتش اي هوا بيمر منها
لكن عرفت من الوكيل ان فيه فتحات تانيه زي فتحة تمرير بعض الاسلاك او فتحت تمرير خراطيم الفرامل مثلا , محتاجه للاعادة التقفيل بسيلكون لانه حصل فيه بعض الثقوب

**ALshahba** · 21-07-2011 06:27 PM

عفوا....... تعديل لمشاركتي رقم 3#
الكيلو متر = 27500 كم

**egypt0777** · 21-07-2011 11:08 PM

المشاركة الأصلية كتبت بواسطة fineart607

ههههههههههههههه مش ده بتاع الصنى يا رجالة:b4_384:

ومن ضحايا ابو الفتوح كمان

**khaled_Saga** · 21-07-2011 11:29 PM

المشاركة الأصلية كتبت بواسطة alshahba

اولا بشكرك لردك الجميل ومحاولة المشاركة بالحل
ثانيا الهوا بتاع فتحة الارجل عملتها قبل كده وما بتدخلش هوا خالص طالما انا قافلها وجربتها وانا ماشي وحطيت ايدي للاختبار ومالقيتش اي هوا بيمر منها
لكن عرفت من الوكيل ان فيه فتحات تانيه زي فتحة تمرير بعض الاسلاك او فتحت تمرير خراطيم الفرامل مثلا , محتاجه للاعادة التقفيل بسيلكون لانه حصل فيه بعض الثقوب

عفوا على ايه انا كان نفسى احاول اساعد فعلا .. عموما ان شاء الله تتحل مادام بسيطة

**huss2000** · 22-07-2011 10:54 AM

المشاركة الأصلية كتبت بواسطة alshahba

^^^^^^^^^^^^^^^^^^^^^^^^^^^^^^^^^^^^^^
بعد اذن اخونا هيما
ال wd40 عباره عن بخاخ يزيل الصدأ ويعمل عمل الزيت والشحم ويباع بعدة احجام من الصغير الي الضخم

طيب هو ده انا المفروض اشتريه واديه لبتاع العفشة يظبطلي بيه العفشة ولا هو المفروض بيعمل كده من نفسه ؟؟؟؟

**osa92003** · 22-07-2011 01:49 PM

516 عامله 3000 كيلو فى الصيانه غيروا كاوتس الكوبلن لوحدهم سحب ممتاز 130 على الصحراوى تكييف ممتاز نصحيتى ليكم اكشف على زيت الفتيس اول ماتستلم العربيه

**megaman** · 22-07-2011 02:12 PM

113 العداد 57000 المميزات لا يوجد العيوب كركبه فى المطبات عفشه سيئه انذار مهنج زجاج امامى خربان علبة دركسيون +صليبة دركسيون عيب فى فبرة الكونتاكت abs بيخرف انوار بتعلق وبتتحرق كتير لوحدها الاجمالى عربيه تحرق الدم وتفوره ندمانين ان احنا اشترناها من اشد المعارضين للاسبرانزا لا ننصح بشرائها ابدا الفرش الداخلى والتنجيد سىء للغايه عايز يتغير ومحدش يقولى الاستخدام استعمال شخصى جدا +اسره صغيره جدا بس هى اللى كده كمان العربيه جابت غوايش فتيس واتعملت فى التوكيل اه الكاوتش gt بلالين وناشف وبيخبط غيرناه على25000 فقط قطع الغيار اللى زى التيل الاصلى اسوء منه مفيش بيخلص بسرعه مسامير الجنوط اتقطمت لوحدها والله غيرناها كلها هى وصواميلها كل ما اقوله صدق واحاسب عليه امام الله لو انا ظلمت العربيه او ابوها اللى هو ابو الفتوح

**huss2000** · 22-07-2011 04:35 PM

روحت عند بنزينه غسلت العربية كلها وزييت العفشة كلها والحمد لله صوت التزييئ والصوصوة اختفى بنسبة 99% الحمد لله واشكر الاخ
hemaa_82

**hemaa_82** · 22-07-2011 06:37 PM

المشاركة الأصلية كتبت بواسطة alshahba

^^^^^^^^^^^^^^^^^^^^^^^^^^^^^^^^^^^^^^
بعد اذن اخونا هيما
ال wd40 عباره عن بخاخ يزيل الصدأ ويعمل عمل الزيت والشحم ويباع بعدة احجام من الصغير الي الضخم

الفرق الوحيد بينه و بين الزيت ان ال wd40 مبيعملش جلبطة مكانه ... عامل زي الزيوت المعدنية ...خفيف خفيف يعني ...علشان كده حلو مع مجاري الزجاج ..مفصلات البيبان ... بيعمل فرق و منغير ما يطين الدنيا ....

لما نستخدمه في العفشة بقي بيعمل زي المسكن ... يحل الموضوع يومين تلاته قول اسبوع ... بس علشان خفيف بترجع المشكلة تاني .... الشحم بقي في العفشة بيقفل خالص و يمنع التراب و الرملة تدخل علي الجلب و ده بيمنع تماما الاصوات و الصوصوة ... صحيح بيلم قرف الشارع بس ماهو كده كدة العربية من تحت مش باينة و علشان كده بنقول بلاش الwd40 علي العفشة .... مش علشان مضر لا بس علشان قصير المفعول

المشاركة الأصلية كتبت بواسطة huss2000

روحت عند بنزينه غسلت العربية كلها وزييت العفشة كلها والحمد لله صوت التزييئ والصوصوة اختفى بنسبة 99% الحمد لله واشكر الاخ
hemaa_82

الحمد و الشكر لله اولا و اخيرا ده واجب علينا نشر المعرفة

**esam722** · 22-07-2011 06:54 PM

على فكرة الغرض من الموضوع التأكد من ان المميزات فى الاسبيرانزا فية ناس كتير بيجمعوا عليها والعيوب ايضا

علشان الناس اللى عايزة تعرف معلومات عن العربية وتعرف كمان مشاكل العربية على مدى الاستخدام وتتخذ قرار الشراء من عدمه

علشان كده انا بشكر كل اللى شارك فى الموضوع رغم اختلاف الاراء لاننا كمالكى الاسبيرانزا بنساعد غيرنا لان موضوع العربيات الصينى مبهم لناس كتيرة قوى