احنا ياجماعة الخير ومن خلال مشاركتنا فى المنتدى باختلاف اقسامه قدرنا نكون فكرة عن انواع السيارات الموجودة بالسوق من حيث المميزات والعيوب لكل سيارة
وفيه كتير مننا كان حاطط سيارة معينة ضمن اختياراتة ومع دخولة ومشاركتة قدر يقرر انه يشترى العربية او العكس على حسب اقتناعة او احتياجاتة
وانا عن نفسى قررت الشراء من بعد متبعتى لاراء الاعضاء

اسف للمقدمة الطويلة المهم

الغرض من موضوعى هو مساعده الراغبين فى شراء الاسبيرانزا باختلاف النوع عن طريق الاعضاء المالكين للاسبيرانزا لانهم اكتر ناس ممكن يفيدوا غيرهم اللى لسه مقرروش الشراء لانهم بيسمعوا اراء ما بين مؤيد ومعارض

يعنى ممكن كل واحد يكتب بايجاز الطراز وسنة الموديل وعاملة كام كيلو واية احسن ميزة فى العربية شافها وايه اسوء حاجة لقاها فى عربيتة


انا هبتدى بنفسى
-العربية تيجو 1600
-موديل 2010
-عاملة 24000 كيلو
-الميزة :العربية فيها مميزات كتيرة لكن احسن ميزة فيهم الفرامل بجد امتياز وabs بالذات وفر عليه تصليح وش العربية كذه مره
-العيب :الدبرياج اول 20000 كيلو كان حاجة عذاب الدواسه كانت فى الارض والحمدلله غيرت الماستر فى الضمان ودلوقت بقى الدبرياج ملبن بس بعد السؤال لقيت المشكلة دى انكررت مع واحد صاحبى معاه تيجو برضة