الموضوع: رأيك فى الاسبيرانزا ..........تكلم .......بلا خوف

فانوس رمضان- وتليفون صينى

السلام عليكم
انا حبيت اشارك فى الموضوع الجميل والمفيد ده برايى فيه
العربية:516
م:2007
بصراحة العربية ممتازة من كل شيئ:
الاداء والسرعة والثبات والفرملة والتكييف
هيا مشاكلها بسيطة تتلخص فى الاتى:
اول حاجة صيانة ابو الفتوح الزبالة الى خرجت العربية برة الضمان وهيا عند 30000 كم وكنت هدفع مبالغ كبيرة لغاية معرفت واحد عنده كمبيوتر الشركة الى بيظبط بيه الموتور غير برضة ان مش حاجة من حيث قطع الغيار تتغير فى التوكيل.
المساعدين الى ورا بتهبط مع الوقت واللى خلت الفرن بتاع الشكمان يتشرخ من المطبات العالية
بس غيرت المساعدين والفرن وبقت كويسة.

الكبالن الى جايه معاها م بتستحملش مطبات كتير وكانت بتخبط ف الدركسيون
بس اتغيرت والحالة تمام.

كنت هعمل حادثة بيها نتيجة ان واحد زنق عليا
بس الفرامل الاى بى اس انقذتنى

السحب بتاع البنزين اتوماتيك ومبتسحبش مرة واحدة لو كبست دواسة البنزين
يعنى متامركش معاك حلو (للى يفكر يامرك بيها)

لانها خدت راحتها فى التليين اول م اشتريتها ف الموتور كان مريحنى ومكنش بيتعبنى واداءه كان كويس اوى
الحمد لله قفلت بيها العداد لغاية ال220 واكتر شوية مرتين وابهرتنى باداها على السرعة من حيث الثبات
غير ان الفرامل كانت حاضرة على طول منا ماشى بيها على السرعات العالية

السماعات يتاعتها مش حلوة لانها من الكرتون وغيرتهم عند توكيل كلاريون الى فى احمد عرابى

مفيهاش مثبت سرعة وزعلت بعد ما اكتشفت انه اوبشن كان فى تصميم العربية اساسا وشالوه فى مصر

انا معايا اسبرانزا a516 موديل 2008 عامل 97000 الف كم
المميزات : ثبات على الطريق السريع بحكم عملى فى جنوب سيناء - موتور قوى - كماليات عديدة بثمن معقول - الشكل الجميل - قوة التحمل على جميل انواع الطرق - التكييف قوى
العيوب ( و فى الحقيقة لا تعتبر عيوب ) : الكاوتش اللى بتنزل بيه العربية ( ماركة pirelli ) ناشف على طبيعة العربية و طبيعة الطرق المصرية و العربية تحتاج الى نوع من المطاط طرى و يناسب الطرق المصرية
كمان صيانة ابو الفتوح ليست بالكفاءة المناسبة كما كان يملك توكيل BMW و عشان كدة محتاج ميكانيكى تكون واثق منه و كمان الكهربائى ( و يكون بيشتغل بس فى النوع ده من العربيات )
كمان قطع الغيار الموجودة بالسوق للاسبرانزا مش كلها اصلية عشان كدة محتاج لواحد بتاع قطع غيار يكون محل ثقة و ده صعب شوية تلاقيه
فى النهاية العربية زيها زى المعدات تحتاج الى الصيانة و الاهتمام اما اذا اهملتها اهملتك

المشاركة الأصلية كتبت بواسطة amgad1521977

انا معايا اسبرانزا a516 موديل 2008 عامل 97000 الف كم
المميزات : ثبات على الطريق السريع بحكم عملى فى جنوب سيناء - موتور قوى - كماليات عديدة بثمن معقول - الشكل الجميل - قوة التحمل على جميل انواع الطرق - التكييف قوى
العيوب ( و فى الحقيقة لا تعتبر عيوب ) : الكاوتش اللى بتنزل بيه العربية ( ماركة pirelli ) ناشف على طبيعة العربية و طبيعة الطرق المصرية و العربية تحتاج الى نوع من المطاط طرى و يناسب الطرق المصرية
كمان صيانة ابو الفتوح ليست بالكفاءة المناسبة كما كان يملك توكيل bmw و عشان كدة محتاج ميكانيكى تكون واثق منه و كمان الكهربائى ( و يكون بيشتغل بس فى النوع ده من العربيات )
كمان قطع الغيار الموجودة بالسوق للاسبرانزا مش كلها اصلية عشان كدة محتاج لواحد بتاع قطع غيار يكون محل ثقة و ده صعب شوية تلاقيه
فى النهاية العربية زيها زى المعدات تحتاج الى الصيانة و الاهتمام اما اذا اهملتها اهملتك

كلام مضبوط ...بس احب ازيد على كلامك فى موضوع التوكيل وخصوصا ابو رواش ورشة السمكرة والدوكو اللى هناك كلمة زبالة تعتبر مدح بالنسبة للشغل اللى بيطلع من عندهم
وربنا يهديهم

على فكرة لو كلام حضرتك مبنى على تجربة فأنا اؤيد رأيك لان للآسف الشديد معظم التوكيلات الموجودة فى مصر لا يوجد بها اشراف او متابعة من ادارتها كمان العنصر البشرى اللى هما الصنايعية زيهم زى اى صنايعى فى الحرفيين على سبيل المثال و لذلك لما يكون فيه شغل بيتعمل فى التوكيل و يطلع مش كويس و كمان غالى بتكون النتيجة انك بتروح لورشة خارجية تكون عارفها و كمان عارف الصنايعى اللى حيشتغل فى عربيتك و كمان سعره بيكون اقل بكتير من سعر التوكيل اعتقد لو فى اشراف من الشركة الام و يكون فى متابعة و تقارير عن احوال التوكيل و يكون معلن ده حيخلى فى ثقة بين المستهلك صاحب العربية و التوكيل اللى هو المفروض موجود عشان خدمة المستهلك مش عشان حاجة تانى . على فكرة انا اؤكد ان العربية كويسة جدآ للى يحافظ عليها و احب اضيف ان ابو الفتوح قدر من خلال سعر العربية و امكانيتها و كمالياتها انه ينجح فى السوق خصوصآ بعد ما نزلت تاكسى فى شوارع العاصمة الغير طبيعية

المشاركة الأصلية كتبت بواسطة amgad1521977

على فكرة لو كلام حضرتك مبنى على تجربة فأنا اؤيد رأيك لان للآسف الشديد معظم التوكيلات الموجودة فى مصر لا يوجد بها اشراف او متابعة من ادارتها كمان العنصر البشرى اللى هما الصنايعية زيهم زى اى صنايعى فى الحرفيين على سبيل المثال و لذلك لما يكون فيه شغل بيتعمل فى التوكيل و يطلع مش كويس و كمان غالى بتكون النتيجة انك بتروح لورشة خارجية تكون عارفها و كمان عارف الصنايعى اللى حيشتغل فى عربيتك و كمان سعره بيكون اقل بكتير من سعر التوكيل اعتقد لو فى اشراف من الشركة الام و يكون فى متابعة و تقارير عن احوال التوكيل و يكون معلن ده حيخلى فى ثقة بين المستهلك صاحب العربية و التوكيل اللى هو المفروض موجود عشان خدمة المستهلك مش عشان حاجة تانى . على فكرة انا اؤكد ان العربية كويسة جدآ للى يحافظ عليها و احب اضيف ان ابو الفتوح قدر من خلال سعر العربية و امكانيتها و كمالياتها انه ينجح فى السوق خصوصآ بعد ما نزلت تاكسى فى شوارع العاصمة الغير طبيعية

الكلام فعلا مبنى عن تجربة مريرة وانا رحت ليهم فى ابورواش علشان كنت فاكر ان العربية هترجع فبريقة (الناس اللى هما مجمعينها بقى ) المهم العربية قعدت حوالى 28 يوم وده بحجة ان الرفرف مكانش موجود فى المخازن وساعة الاستلام لقيت الاكصدام فارق عن الرفرف والدهان زى الزفت والعربية مش واخدة ورنيش تلميع رحت متحول عليهم لقيتهم اتكهربوا وحاولوا يعالجوا العيوب بس برضة منفعش واضطريت اخد العربية لانى اتبهدلت الشهر ده من غيرها المهم الفاتورة كاتبين فيها حاجات اكتشفت بعدها انها متغيرتش زى الكارتيرة اللى بتركب فى الرفرف والكلبسات اللى فى فرش الباب لقيت فى الفاتورة 10 كلبسات واللى راكب 2 بس
حاجة فى منتهى القرف يعنى لوكنت عملت العربية عند سمكرى قاعد تحت الدائرى بشنطة عده كان عملها احسن من كده (حسبى الله ونعم الوكيل )