الموضوع: رأيك فى الاسبيرانزا ..........تكلم .......بلا خوف

المشاركة الأصلية كتبت بواسطة esam722

الكلام فعلا مبنى عن تجربة مريرة وانا رحت ليهم فى ابورواش علشان كنت فاكر ان العربية هترجع فبريقة (الناس اللى هما مجمعينها بقى ) المهم العربية قعدت حوالى 28 يوم وده بحجة ان الرفرف مكانش موجود فى المخازن وساعة الاستلام لقيت الاكصدام فارق عن الرفرف والدهان زى الزفت والعربية مش واخدة ورنيش تلميع رحت متحول عليهم لقيتهم اتكهربوا وحاولوا يعالجوا العيوب بس برضة منفعش واضطريت اخد العربية لانى اتبهدلت الشهر ده من غيرها المهم الفاتورة كاتبين فيها حاجات اكتشفت بعدها انها متغيرتش زى الكارتيرة اللى بتركب فى الرفرف والكلبسات اللى فى فرش الباب لقيت فى الفاتورة 10 كلبسات واللى راكب 2 بس
حاجة فى منتهى القرف يعنى لوكنت عملت العربية عند سمكرى قاعد تحت الدائرى بشنطة عده كان عملها احسن من كده (حسبى الله ونعم الوكيل )

و ده اللى يخلينى اؤكد لحضرتك و لكل الناس ان العربية كويسة لكن للاسف ان التوكيل بيشوه سمعتها و الناس ما بتصدق تسمع كلام زى ده و تبنى عليها آرائها الشخصية و دة مش صحيح وانا اؤكد مرة ثانية ان العربية كويسة و خصوصآ سعرها اللى بيتحكم فى نسب البيع انا اعرض الموضوع ده على الجميع لو واحد يطلع لى فرق بين الاسبرانزا 516 مثلا و الانسر الكل حيقول لى فرق كبير بين اليابانى و الصينى و انا اقولهم للاسف الفرق ده مبنى على السمعة و ليس على الواقع العملى و يا ريت لو ندخل على جوجل و نكتب اسم acteco و انتو تعرفوا انها شركة نمساوية تنتج مواتير شركات كثير و من ضمنها شركة شيرى و فيات انا هنا مش بدافع عن اسبرانزا انما انا عايز اصحح مفهوم خاطىء عند كثير من الناس

المشاركة الأصلية كتبت بواسطة hemaa_82

لامؤاخذة بس في توضيح .....

ال اكتيكو او acteco هوة متور صيني صرف من شركة شيري "اللي هيه هيه اسبيرانزا علي فكرة" و مطور برعايتهم تحت اشراف شركة لتطوير المواتير في النمسا و اسمها avl technology ....

يبقي نعدل حتة صغيرة في سياق كلامك ان شيري = اسبيرانزا

الحتة التانية ان في اساسا اتفاقية مابين شيري و فيات بتنص علي ان شيري هتحط المواتير الacteco في عربيات فيات اللي موجهة للسوق الاسيوي و ده في حدود نص مليون متور ....

يبقي نعدل ان المتور صيني و فيات بتشترية من شيري

و الباقي الله ينور عليك

و عليك كمان و متشكر على التوضيح ده و احب اضيف عليه ان اسم اسبرانزا هو اسم تجارى للعربية لان كمان نفس العربية دى بتتباع فى دول تانية زى اوكرانيا تحت اسم elara و بتتباع فى روسيا كمان بأسم vortexو اللى تم تعديل على شكل البادى الخارجى تحت رعاية شركة روسيا اسمها tagaz لكن مسألة ان شركة شيرى تنتج موتور بالكامل اشك فى ذلك و المعروف عن ان الصين لا تقوم بالانتاج و لكنها تستعيين بالشركات الاجنبية كشركة avl النمساوية لانتاج المواتير لصالح شركة شيرى و لصالح شركة فيات ايضآ و كباقى شركات السيارات الصينية فهى تستعير الخبراء و المهندسين الاجانب لتصنيع و تطوير صناعة السيارات كما فى سيارات كثيرة مثل brillance و ال great wall و احب اضيف كمان لكل اللى بيشككو فى الاسبرانزا ياريت يدخلوا على جوجل و يكتبوا speranza test drive و يتفرجوا فى الفيديو على اختبارات التصادم التى تتم فى الصين ليتأكدوا من كلامى و هما يعرفوا انا بتكلم على منتج شكلو ايه فللاسف الايدى العاملة المصرية بأيديها تصون و تحمى و كمان بأيديها تخرب و تبهدل نسيت اقول كمان ان العربية دى بتتباع فى دول كثير مثل سوريا و العراق و اخيرآ السعودية كما انها اجتازت اختبارات السلامة و الآمان الصينية و لكنها لم تجتاز بعد شروط السلامة و الآمان الاوروبية لصرامة هذه الشروط و اخيرآ اشكرك على هذه المعلومات

- النوع a113
- الموديل 2011
- الكيلومتر 12500كم
- اهم المميزات : الثبات * قوة الفرامل * قلة استهلاك البنزين * الوسع الرحب * الشكل الجميل * سلاسة ناقل الحركة
اهم العيوب: تيل الفرام و التنابير تاكلت و عايز اغيرهم

المشاركة الأصلية كتبت بواسطة pop9939

- النوع a113
- الموديل 2011
- الكيلومتر 12500كم
- اهم المميزات : الثبات * قوة الفرامل * قلة استهلاك البنزين * الوسع الرحب * الشكل الجميل * سلاسة ناقل الحركة
اهم العيوب: تيل الفرام و التنابير تاكلت و عايز اغيرهم

اهلا بك فى اول مشاركة لك فى المنتدى واتمنى انك تستفيد من رجال الاسبيرانزا المحترمين اللى موجودين فى القسم هنا
وبالنسبة للطنابير انت رحت التوكيل وشفت حل للمشكلة دى ولا لسة

بجد الله ينور عليكم الموضوع فعلا يستحق كل تقدير وكل احترام انا فعلا استفدت جدا من الموضوع وفعلا كنت بفكر اقتنى واحدة من موديلات اسبرانزا اللى هى a113 وبصراحة الموضوع ده جية فى وقتة الف الف شكر

A113 -عامل 52 الف كيلو من ساعة ما غيرت سير الكتينة في التوكيل الي في الغردقة ووجدت العربية وكانها اتغيرت او اتاخد منها حاجة -وغيرت سير الكتينة عند 40 الف -ودلوقتي لمبة epc
منورة علي طول وفي عيب في البدال الالكتروني ومستني انزل مصر -هل العيب في knock sensor والا في اية انا مش عارف -حد يعرف يقولي-بس تجربتي دي بعد 3 سنين قيادة والاولي لية وعلي العربية دي -العربية كويسة جدا بالنسبة لي -بس التوكيل هو اكبر العيوب ودا لانة بيأخذ حاجات من العربية ودا علشان نرجعلة تاني ويركبلنا حاجات جديدة باسعار مبالغ فيها -حسب اللة ونعمة الوكيل