معايا 56 الف يجيبولي بومه اوتماتيك ولا لأ
ولو يجيبوا تبقي موديل كام
وشكرا
عرض للطباعة
معايا 56 الف يجيبولي بومه اوتماتيك ولا لأ
ولو يجيبوا تبقي موديل كام
وشكرا
يجيبوها في حالة واحدة
تكون مقلوبة قبل كدة ورشه بالكامل بتوصل للسعر ده
هتحتاج بالظبط فحدود 10 عشان تركب 04 05 06 1300 اوتوماتيك ونضيفه وسليمة
وعموما اسعارها بتبدأ من 62
السعر ده حاول تشوف مكواة الشكل الي قبل البومة بس لو اوتوماتيك هتكون متهانة شوية
تجيب مكوه نضيفة 2003 و ريح دماغك
هات كريستاله ياباشا وتوكل علي الله
طالما مش فارقه معاك انها والارض واحد
وصالونها يعتبر كوبيه وضيق جدا وقريب لارضية العربيه
عفشه حديد عشان تخس وكفايه راحه
سفاحه بنزين جوه البلد وعالسريع لو عملت 200 تبقي معجزة
باورها تقيل
وعربيه من 12 13 سنة في شوارعنا
وميزتها الوحيدة ثابته .. وقطع غيارها منتشره وحنينة نوعا ما
ومتجبش ابدا مكنة المكواة لمكنة الكريستاله
والشكل دة اذواق اكيد
انا في رأيي لو انت حابب البومة وميال ليها فعلا
يبقي زق نفسك فوق ال60 وهتجيب واحدة نضيفه ان شاء الله وكل مايزيد الف هتبقي انضف كحالة واحدث كموديل
انا بحب الكريستاله كشكل - لكن كميكانيكا معرفش بصراحه اذا كانت احسن من البومه ولا لأ
لكن كده او كده بعد الكلام اللي انت قولته عنها مش هفكر فيها
انا حاسس اني لو ركبتها هقع من الارضيه ههههههه
يبقي خليني مع رايك اللي انا مرتاحله نوعا اللي هو البومه
هل صالون البومه اكبر من الكريستاله ؟
هل قطع غيارها متوفره ؟
قطع الغيار رخيصه ولا لأ
هل الاوتوماتيك بتاعها تمام و اي صنايعي بيفهم فيه ولا لازم يطلع عيني لحد ما الاقي حد كويس في الاوتوماتيك؟
اساله كتير انا عارف بس معلش معرفش حد اساله غيرك وتكسب فيا ثواب :)
بناء علي ردك ان شاء الله هتوكل علي الله
اه معلش حاجه اخيره يمكن مالهاش علاقه بالموضوع بس ممكن تفيدني ان شاء الله
انا لما بشوف عربيتين بومه - واحجه منهم فيها سبويلر - بحس بفرق شاسع في الشكل
وبتبقي اللي فيها سبويلر في عيني شكلها احلي بكتير
هل ان شاء الله لو اشتريت بومه من غير سبويلر - اعرف اركبلها واحد ولا لازم باب الشنطه الخلفيه كله يتغير بواحد راكبله سبويلر؟
وكده يبقي انت عملت معايا الواجد وزياده
شكرا يا هيثم باشا
واخر حاجه بقي - التكييف بتاع البومه اخباره ايه؟
ايه يا باشا انت داخل فى الكرستاه شمال ليه
هى فعلا واطيع على الارض بس علشان الثبات
صالونها مش ضيق اوى الا لو انت تخيين
العفشه ممتازة الا اذا حضرتك كنت ركبت عربية عفشتها بيظه وعربية عن عربية تفرق
العربية لو مظبوطه والمتور حالته كويسه هتلاقيها زيها زى اى عربية بس البومه موفرة فى البنزين علشان انجكجن مش كبراتير عادى لما تعطل الكرستاله اى حد ميكانيكى بيصلحها
12 او 13 سنه فى ااسوق بس ثابته وجودها وفى عربيات تمنها بيعدى 65 الف
فياريت لو ركبت عربيه كرستاله متبهدله متحكومشى عليها قبل ما تركب عربيه كويسه
الكرستاله كرستاله بمعنى الكلمه
علي فكره العربيه كانت معا يا مش اخدتها لفه من حد وفي مع صحابي
وفصصتها حته حته
صالونها ضيق اه ضيق جدا كمان خصوصا من ورا وانا رفيع جدا علي فكره
بس طويل ... الكراسي واطية علي الصالون دى حاجة وضهر الكرسي قصير جدا ومتعبر
الاوتوماتيك بتاعها اسال اي حد فني قوله العربيه دي تفويلتها بتعمل كام عالسريع وجوه البلد
لو قالك 400 يبقي كداب ههههه
المانوال بيوفر طبعا لكن انا ردي كله لصاحب الموضوع ودة رأي بتحاسب عليه قدام ربنا عشان انا بحتاج ردود صادقه ماهو مش نقوله دي احسن عربيه في الدنيا وهيدعي علينا بعدها
العفشه بقولها مرة تانية حديد مش ناشفه
ممكن تكون العربيه مناسبه مع ناس ومش مناسبه مع ناس
السعر انا مش هتكلم فيه كل واحد حر في الجنيه الي يدفعه حتي لو هيشتري 128 بمليون جني
وفي النهايه انا بحب العربيه دي علي فكره مبكرهاش بس مش حب امتلاك ليها
وصاحب الموضوع باختصار شديد جدا
عاوز بومة رايقة هتبقي في الستينات 1300 سي سي الموتور
فياريت حضرتك تثبت علي ميزانية عشان نقدر نفيدك
مفيش اختلاف ان شاء الله
الكريستاله عربيه محترمه والبومه عربيه محترمه الفرق ان الكريستاله قبل البومه فلازم ان البومه تكون افضل في حاجات لكن ميمنعش ان الكريستاله كويسه
انا هرجع تاني واكون محدد اكتر علشان الاخوه يردو عليا في الحاجات دي:
انا ميزانيتي 65 الف وعايز بومه اوتوماتيك الاقي بالتمن ده حاجه نضيفه؟
الاجابه:
البومه سهله في الصيانه واي حد بيفهم فيها ؟ خصوصا الاوتوملتيك
الاجابه:
التكييف بتاعها عموما كويس ولا غالبا بيقابل مشاكل؟
الاجابه:
لو عايز اركبلها سبويلر بنفس اللون طبعا - هركب لوحده ويبقي متين ولا لازم باب الشنطه الخلفيه يتغير بواحد تاني فيه سبويلر؟
الاجابه:
لو لقيت عربيه واتبقي معايا مبلغ بسيط - تكاليف تغيير الزيوت والفلاتر كام تقريبا؟
الاجابه:
---------------------------------------------------------------
نيجي بقي لتقييم العام للبومه بسياره اخري من اختيار الاعضاء
65 الف يجيبو عربيه كويسه ماركه تانيه اوتوماتيك غير البومه؟
يعني لو هشتري عربيه اوتوماتيك بالمبلغ ده ترشحولي ايه
1- بومه
2-ماتريكس
3-اي نوع تالت
-------------------------------------------------------
انا حاليا مستقر بنسبة 90 % علي البومه بس لما شفت مره العان ماتريكس احترت شويه
ممكن كمان اوبترا
الاخ هيثم المحترم معلش انا ممكن اكون فاهم غلط هوة حضرتك بتتكلم عن الكريستالة اللى فيها العيوب دى انا لا اعتقد انك تقصد الكريستالة هية عيبها الوحيد ان هية قريبة من الارض فعلا وموضوع المطبات لكن استهلاك بنزين فوق الممتاز والصالون مش ضيق خالص انا بيركب معايا 3 مستريح وبكون مرجع الكرسى للخلف شوية صغيرة وموضوع الباور ده صعب نحكم فيه لان كل واحد قوة ايده مش زى الاخرين انا شايف انها سهلة وعلى فكرة المكنة بتاعتها محترمة جدا جدا 1300 والله انا كنت جايب بيها فوق 170 وخفت اكمل ممكن بس مع التكييف بتكون اقل حاجة بسيطة مش بتموت يعنى زى ماكنت بسمع وبالنسبة للشكل ده موضوع اذواق انا بحس ان الكريستالة اطول حاجة بسيطة عن البومة والمكوه ممكن يكون مجرد احساس وده ذوقى الشخصى لا افرضه على حد مطلقا وكمان والله انا بنقل تجربتى فقط لا اعارض كلامك ابدا بل بالعكس احترمه بشدة بس انا عايز اقول لحضرتك حاجة مهمة جدا اكتشفتها فى نفسى قبل باقى الاعضاء المحترمين كل شخص يملك اى عربية مهما كانت نوعها بيحس ان هية احسن عربية فى الدنيا ومفيش زيها وممكن اكون خاطئ فى التقدير لكنى لا اسطيع ان احكم على شئ انا لم اجرب غيره يعنى مثل بسيط البومة مفيهاش كلام عربية بمعنى الكلمة حتى لو كان عيبها الفرامل وعدم الثبات لكن مع التعديل البسيط ممكن تاخد اللى انت عايزه منها لكنى فضلت انى اركب الكريستالة لانى شايفها احسن من وجهة نظرى الشخصية وارجو تقبل مرورى تحياتى
مصطفي باشا انا مقدرش ارد عليك انا قصدت كلامي كله عن تجربه وقصدت الاوتوماتيك بالاخص في استهلاك البنزين
وقلت رأيي بما يرضي الله لان الواحد بياخد كلام اخوة هنا مبيجربوش عربيات تانية كتير فبالنسبالهم الي راكبينها افضل واحسن عربيه اتخلقت
ممكن تكون اخدت كلامي بشكل حاد لكن انا قلت اني بحب العربيه دي لكن كل واحد له ظروف تناسبه او لا تناسبه وهي في فئتها كسعر لغايه 50 الف مفيش اختيار غيرها بصراحه
عموما نصيحه ورأي شخصي عن تجارب لو غاوي جري وسواقتك كلها شد وسحب ورجلك تقيله شوية .. ال1300 هتبقي اختيار صعب ليك مع الاوتوماتيك في اي عربية والتكييف هيأثر علي السحب طبعا
اما لو سواقتك هاديه وعاديه ومش غاوي الكلام الي قلته مش هتحس بفرق وياريت لو ليك تجارب سابقه تقولها
ولو لاقيت بومة 2005 1600 هاتها بس الاهم الحاله طبعا
بالتوفيق
يا عم هيثم انت كده جبت من الاخر و انا كده متكيف اوي من ردك علي استفساراتي
الخلاصه : بدور علي بومه 2005 وتكون 1600 سي سي في حدود 65 الف
------------------
بالنسبه للتجارب يا باشا انا زيرو وهتكون اول مره في حياتي اركب عربيه ان شاء الله وربنا يستر
ان شاء الله لو لقيت العربيه واتبقي معايا الف ولا الفين يبقي خير وبركه
----------------
معلش هو فيه سؤال انا محرج منه بصراحه بس هسأله وامري لله
لو انا بمشي يوميا مثلا 20 كيلو داخل المدينه
يبقي هصرف كام شهريا تقريبا علي البنزين
وايه نوعية البنزبن اللي تنصحني بيها يعني 90 ولا 92
ولو جيت احط بنزين - سعره كام
يعني العشرين لتر بكام
يارب ما حد يضحك عليا هههههههه
يا باشا سعر اللتر 90ب 175
و92 ب 185
20كيلو مشى حسب الطريق لو زحمه او سريع لو سريع مش هياكل بنزين لو زحمه وكل شويه تقف يبقى انت وحظك
شكرا لردك يا اخ محمد
طبعا باين ان البنزين 92 اغلي واكيد احسن للعربيه من ال 90
مش مهم حاليا مين احسن
المهم ياريت ترد عليا
لو بمشي 20 كيلو في اليوم يبقي تكلفة البنزين شهريا كام؟
ايا كان بقي سواء زحمه او بسرعه
يعني متوسط كام في الشهر
ولو مش عارف تحسبها في الشهر قلي علي الاقل احط كام لتر بحييث يمشوني اسبوع
الف شكر علي ردك يا اخ وسام
يعني التكلفه كده مش كتير الحمد لله
تسلم يا غالي علي الاجابه
هو تقريبا التانك بتاع البومه كله كام لتر؟ يعني التفويله كام لتر؟
و المفروض احط بنزين لما المؤشر يوصل فين علشان ابقي في الامان
البومه عربيه جميله بس في رايي ال 65 هيجيبولك حاجه رشه بره حزام على الاقل وعامله كم كتير (هتعوز حبه مصاريف )
الحمد لله العربيه منتشره ومن 2004 ال 2011 العربيه موجوده والصنايعيه حفظوها مع اخ\ ان الفتيس ال cvt بتاع 1600 يفضل صيانته في التوكيل بس لانه صعب حبه
التكييف تمام ولا يقابله اعطال وده برده بيعتمد على حاله العربيه
لو انت عاوز جري وكده ال 1300 اوتوماتيك هدايقك حبه و 1600 ب 65 الحاله هتكون اقل (الصراحه تدايق )
قطع الغيار اغلى حبتين عن الكوري وخصوصا الاصليه
الاسبويلر مش مشكله خالص فيه منه صيني وتايواني والاصلي واي سمكري نضيف يركبه
فلتر الزيت الاصلي 50 جنيه تقريبا وفلتر الهوا الاصلي 250 تقريبا بس فيه صناعات تانيه ارخص بس بيبقى صوت العربيه عالي حبه وبتعوز تنضف البوابه كل فتره بس شغال
نصيحه و من رايي لو تشوف ماتركس هتكون افضل و ال 65 يجيبو عربيه 10/10 او لو عاجباك البومه زود الفلوس حبه او شوف عربيه لقطه واسف للاطاله
ان شاء الله هتلاقيها وفي الماتركس هات من اول 2006 عشان غيرو في الشكل شويه من الموديل ده والمهم الحاله