عاوز حد يقنعنى ..... ممكن؟

**Morieno** · 20-07-2011 10:47 AM

السلام عليكمورحمة الله وبركاته

الموضوع غريب شويه - بس انا قلت اجيب من الاخر واروح لخبازه
انا كنت راكب نوبيرا وبعتها وبفكر اشترى افيو (مستعمله طبعا حسب الظروف الماليه)
انا كنت مبسوط جدا من النوبيرا بس التغيير سنة الحياة طبعا الافيو هى الاقرب ماديا وشكلها كويس وارتفاعها عن الارض كويس تقفيلها مش بطال والاوبشن مقبوله مقارنة بالفلوس اللى هتندفع

المهم بقى الاداء ودا عندى اهم بكتير
ايه اخبار السحب والثبات والعزم والاعتماديه وكل الحاجت دى
يعنى مثلا انا كنت ممكن امشى بالنوبيرا ربع ساعه على 180 من غير ما احس ان العربيه تعبانه او متضايق ولا انا خايف عشان قوة الموتور وثبات العربيه ممتاذ (على طريق زى طريق الصعيد الشرقى "الكريمات")
كنت ممكن ادور العربيه وامشى 500 كيلو (مشوار لحد برج العرب رايح جاى) قبل ما افكر اريحها وهكذا

انا عاوز اشترى الافيو بس عاوز حد يقنعنى بيها لو سمحتم

**Donzi** · 20-07-2011 10:51 AM

طيب ما تقول انت عاوز عربية في حدود كام و الزملاء يرشحولك لو في حاجة تانية افضل من الافيو في الفئة السعرية دي

**mido** · 20-07-2011 01:19 PM

اوعى مفيش مقارنه ما بين النوبيرا والافيو انت كده هتحس انك نزلت جامد هات اوبترا او الانترا او سيراتو

**Morieno** · 20-07-2011 01:37 PM

المشاركة الأصلية كتبت بواسطة mido

اوعى مفيش مقارنه ما بين النوبيرا والافيو انت كده هتحس انك نزلت جامد هات اوبترا او الانترا او سيراتو

لو على المقارنه كلامك سليم ومنطقى ولا غبار عليه - انا كنت راكب تور هايج وبفكر فى معزه ( بيقلك قال سرعه قصوى 170 كيلو) طب وانا اسافر بيها ازاى دى

لكن الكاشات حاكمانى - بحاول اقبل الافيو باى طريقه لدرجة انى عامل موضوع مخصوص علشان حد يحببنى فيها مالقيتش - لما كل مصر فاهمه انها بسكلته لسه فى ناس بتشتريها ليه

اعمل ايه اعمل ايه - اشترى ايه طيب يا جدعان فى الليله دى

ودمتم زى الفل

**Donzi** · 20-07-2011 02:02 PM

في ناس بتشتريها عشان احتياجتهم متناسبة معاها يعني مش بيجروا كتير و مش بيسافروا كتير استعمال خفيف

لكن حضرتك متعود على حاجة معينة في السواقة و الافيو هاتخنوقك ، طيب ايه رائيك في لانسر كريستالة مستعملة استعمال نضيف ؟؟ مش عارفة بصراحة ال 60 يجيبوا لانسر ولا لأ

**Morieno** · 20-07-2011 02:47 PM

المشاركة الأصلية كتبت بواسطة donzi

في ناس بتشتريها عشان احتياجتهم متناسبة معاها يعني مش بيجروا كتير و مش بيسافروا كتير استعمال خفيف

لكن حضرتك متعود على حاجة معينة في السواقة و الافيو هاتخنوقك ، طيب ايه رائيك في لانسر كريستالة مستعملة استعمال نضيف ؟؟ مش عارفة بصراحة ال 60 يجيبوا لانسر ولا لأ

شكرا لاهتمامك
الكريستاله جميله - بس انا برجع كدا لورا حوالى 5 سنين او اكتر حسب الظروف - وهيبقى كيلو عالى ولو الكيلو بتاعها حنين هتلاقيه بيستهبل فى سعرها

**Morieno** · 20-07-2011 02:48 PM

المشاركة الأصلية كتبت بواسطة titooooasg

اوبترا استعمال نضيف هتظبط معاك جامد ان شاء الله جرايه جدا وقطع غيارها كويسه

عندك اوبترا فى حدود الـ 60
لو عندك انا شارى

**Bassem Raafat** · 20-07-2011 03:02 PM

الأفيو فى ناس كتير إختلفوا عليها .... ناس تقول زى الزفت وناس بتبوس رفارفها : ))

لو ناوى على الأفيو يبقى خليك فى الكورى منها وإكشف عليها كويس .

بس أنا متفق معاك إنك حتنزل للأفيو بعد النوبيرا ..

لو حبيت تزود شويه ممكن تشوف أوبترا مستعمله برضه أو ممكن بالـ 60 ألف تشوف فعلا لانسر أو كورولا أو صنى أو فيكترا مثلاً بس حتبقى موديل قديم حبتين .

أنا عارف إن رينج السعر ده بالذات متعب شويتين علشان فى بدائل كتير .

وبالتوفيق .

-

-

الموضوع: عاوز حد يقنعنى ..... ممكن؟

LinkBack

أدوات الموضوع

عرض

عاوز حد يقنعنى ..... ممكن؟ - انشر الموضوع فى :

-

-

-

-

-

-

-

المواضيع المتشابهه

عايز حد يقنعنى

عاوز اشترى byd ممكن المساعده

عاوز أفك الياي ... ممكن ؟

مش مقتنع بالاكسيل ... ممكن حد يقنعنى؟

الكلمات الدلالية لهذا الموضوع

المفضلات

المفضلات

ضوابط المشاركة