أنا عندى كاوتش اسمه أكيليس اندونيسى عامل 30 ألف كيلو
أمس الفرده الخلفيه شمال رييحت شويه رحت لبتاع الكاوتش اللى أنا اشترتها منه أما الجراج
كشف عليها قالى الفرده مكسوره من الرصيف
و كنت كاوى الفتحه قبل كده و شغاله
قالى نحط جزانى قلت له لا الصقها و حط لاصقتين قال يعنى أمان
رحت من فيصل للعبور دائرى و أنا راجع قبل شبرا حاسيت ان الكاوتش بيريح ركنت يمين لاقيت الكاوتش به جرح قطعى حوالى 10 سم فحمد الله على السلامه يعنى الفرده كانت مكويه و شغاله من شهرين اللصق مكملش مشوار
رجعت لبتاع الكاوتش علشان طبعا اشترى جديد
ينفع فرده واحده قالى ينفع
قلت له أكيليس ده سىء معملش 30 ألف و سعرها كان 220 جنيه
قالى فيه كورسا اندونيسى ب 280 الكاوتش كله سعره رفع
ركبته و أمرى لله مضطرا
ما هو أحسن نوع كاوتش فى مصر و سعره كام؟
أفيدونى أفادكم الله
و هل أغير الثلاث عجلات الاخرين مع انهم عملوا 30 ألف بس
وقت مكنت بغير بتاع الكاوتش كان عمال يزم فى بيريللى و انه ماركه سيئه جدا
أعمل ايه؟