الله يخليك ياباشا
ده من ذوقك والله
عرض للطباعة
مفيش حل ليها
أنا أول مره أقرأ موضوعك دا يا أستاذ مصطفى لأنى كنت مشغول حبتين اليومين إللى فاتوا ، لكن إسمحلى أقولك إنك إنت صاحب الموضوع المتميز عن أماكن وأسعار قطع غيار اللوجان ، يعنى إحنا إللى نرجعلك لما نحب نسأل عن اكسسوار أو قطع غيار اللوجان .
بالمناسبه أنا عملت إتصال بمحلات البدرى بمجرد ما قرأت موضوعك علشان أسألك ، لكن مافيش رد لأنهم بيقفلوا قبل الساعه 9 وبكره إن شاء الله هسألك عندهم لأنهم بيشحنوا لأى مكان فى مصر وممكن يوصلهالك لحد عنوانك لو بتفكر تشترى جريده جديده ، لكن لو لقيت عند حد غير البدرى مش هأعرف إزاى ممكن توصلك ، ولا انت بتسأل فى حدود اسكندريه بس يا درش ؟؟
لكن لو لقيت الجريده القديمه أو بديل ليها ومش راضيه تثبت مكانها هأقترح عليك حاجتين :
- تفكر لو تعرف سمكرى كويس ممكن يركبهالك ، أنا كان الاكصدام عندى فلت من مكانه فيه حاجه اتكسرت ورحت لسمكرى قام عمله حماله صاج من جوه وركبهاله ورجع زى الأول وأمتن ، وأخد بس 10 جنيه .
- لو المشكله فى كليبسات التثبيت ، فيه ناس متخصصين فى تجارة جميع أنواع الكليبسات إللى بتستخدم فى العربيات ، بس متخصصين كليبسات ، منهم إتنين فى مدخل شارع زكى فى التوفيقيه على ناصية الشارع وإنت داخل من ش رمسيس الاتنين بيبيعوا كل أنواع الكليبس والأفيز وكماليات التربيط لأى حاجه فى العربيه ، وأكيد فى اسكندريه ممكن تلاقى واحد متخصص فى الموضوع ده .
انا جبت الجرايد من عند لي لي في صلاح الدين الاسكندرية و كانت عاملة 50ج للجريدة الواحدة و رقمة 033927365
ازيك يادكتور اسامه
المشكله ان مش حينفع اجيبها من مصر وكل المحلات اللى حاطينها فى الموضوع فى القاهره وبعدين الحاجات اللى زى دية بيبقى صعب تلاقيها
ياريت لو سالتلى عليها و تعرف سعرها كام يمكن ابقى انزل فى مره واجيبها
ياااااااااااااااااه
وأنا إلى أتكسفت أسأل
أنا برضه من يومين ملقتش الجريدة إلى على الباب اليمين الخلفى
شكلتها وقعت عشان كانت إتشالت قبل كده أو عيل شالها