بروتون السعوديه - جين 2 و بيرسونا 2011

السلام عليكم
انا روحت وكيل بروتون السعوديه واشوف النظام عنده بس الاول هو وكيل تعبان بس ده يرجع فى الاساس ان السوق السعودى مختلف عن المصرى يعنى عربيه بامكانيات الجين 2 هنا شىء عادى خصوصا مع الاسعار ويمكن هنا معتبرين سعرها غالى كمان على امكانياتها وامكانيات الوكيل
المهم لما روحت لقيت عنده جين 2 سألته عن الاتومتيك قالى فى Standard وفى Full Option قولتله ايه الفرق قالى
الفل فيها جنوط اما العادى طاسات
سينسور خلفى
سبويلر ومساحات خلفيه
زجاج كهربى للاربع ابواب اما العادى للبابين الاماميين بس
وقالى ABS و EBD بس مش متأكد انه قال للفل بس

وانا لاحظت وجود Strut Bar جاى مع العربيه بس مش عارف فى Lower Arm Bar ولا لا ومش متأكد انه موجود فى كل الموديلات

سألته على الفرش الجلد ... قلى مش بينزل دلوقت خصوصا فى الخليج لان بيسبب حراره عاليه
سألته امتى الموديلات الجديده بتنزل... قلى على شهر شوال
سألته فى تغييرات هتحصل على 2012 ... قالى مش عارفين

قلى ان البيرسونا اطول قولتله تقصد اطول من عند الشنطه قلى لا من جوه هتلاقيها اوسع من الجين ... ياترى الكلام ده صح؟

قلى لولا ان البيرسونا الفل خلصت كنت رشحتها بدل الجين 2 ... ايه رأيكوا؟

ولما دخلت البيرسونا شكل العدادات بتاعتها مختلفه عن الجين وشكله اشد ... هل كده بردوا فى مصر؟

وبيقولى بردوا ان مبقاش يجى مثبت سرعه فى الجين 2 من اول موديل 2008 ... الكلام ده صح ولا ايه؟

طلبت منه Test Drive قلى عربيتى موجوده خدها دلوقت وهى 2009 اتومتيك فل اوبشن .. بس مع الاسف كان معايا الاسره ومش هينفع وهحاول انزل بكره اخد عربيته لفه واقولكوا بردوا لو لاحظت اى ملحوظه جديده ان شاء الله

لو حد عنده استفسار من هنا لبكره يسأله يمكن نستفاد باى حاجه من الموضوع ده.

نسيت اقول ان سألته على المحرك Campro CPS قلى كل الجين والبيرسونا Campro فهل انا فاهم غلط ولا فى فعلا نسخ بتيجى بـ Campro CPS

وقلى على فرق تانى بين الفل والاستاندرد وهى فوانيس الشبوره

الاسعار كام لو سمحت وشاملة اللوحات والاستمارة ولا لا؟

السعر 41,500 ريال شامل اللوحات والاستماره
ودى اول كلمه طلعت منه مش عارف ممكن ينزل فى السعر ولا لا
همه شباب سودانيين والتعامل معاهم حلو اوووى يعنى ممكن تتكلم فى السعر معاهم وبراحتك ... (انا بحب اتعامل مع السودانيين بصراحه)

بالمناسبه انت فين فى السعوديه؟ ... انا فى جده

اقتباس:

---

وانا لاحظت وجود Strut Bar جاى مع العربيه بس مش عارف فى Lower Arm Bar ولا لا ومش متأكد انه موجود فى كل الموديلات

---

انتا شكلك فحصت العربيه فوق وتحت

اقتباس:

---

قلى ان البيرسونا اطول قولتله تقصد اطول من عند الشنطه قلى لا من جوه هتلاقيها اوسع من الجين ... ياترى الكلام ده صح؟

---

اينعم ... الكراسى الخلفيه فيها وسع اكتر شويه

اقتباس:

---

وبيقولى بردوا ان مبقاش يجى مثبت سرعه فى الجين 2 من اول موديل 2008 ... الكلام ده صح ولا ايه؟

---

من 2008 مفيش مثبت سرعة ... هو رجع مع البرسونا الاليجانس 2011

اقتباس:

---

قلى لولا ان البيرسونا الفل خلصت كنت رشحتها بدل الجين 2 ... ايه رأيكوا؟

---

البيرسونا عائلية أكثر , والشنطه اوسع وفيها مثبت سرعه

اقتباس:

---

ولما دخلت البيرسونا شكل العدادات بتاعتها مختلفه عن الجين وشكله اشد ... هل كده بردوا فى مصر؟

---

الاليجانس 2011 من جوه شكلها متغير فى العدادات و الكاسيت

اقتباس:

---

لو حد عنده استفسار من هنا لبكره يسأله يمكن نستفاد باى حاجه من الموضوع ده

---

1- اى اخبار عن الساجا فيس لفت
2- الضمان ايه نظامه .. اشاعه فى مصر انه هيبقى 100 الف بدل من 60 الف
3- فى اى موديلات جديده فى الخطه من بروتون للشرق الاوسط زى Proton Savvy
4- ايه الالوان المتوفره للبرسونا اليجانس

وشكرا مقدما

1- لا والله لسه مفحصتهاش كويس لان الاسره كانت معايا وكنت عايز انجز, بس ان شاء الله بكره ليك عليا اقضى معاه الدوام كله وادخل الورشه بتاعتهم كمان . وموضوع Strut Bar لفت نظرى لانى كنت لسه بشوف الطقم بتاع الجين النهارده على النت بكام, بالمناسبه هو Strut Bar موجود فى النسخ اللى بتتباع فى مصر ولا؟
2- زعلت جدااااا لماعرفت ان مثبت السرعه مش موجود فى الجين, لانه بصراحه مريح جداااا فى السفر.
3- بصراحه مشوفتش ساجا فى المعرض, كله بيرسونا وجين2, تقريبا انت زعلت لان شكلك معجب بالساجا :) بس هسألك عليها بكره ان شاء الله.
4- الضمان 100 الف او 3 سنين مع انى كنت متوقع يقولى 5 سنين.
5- شكلهم مش عارفين ايه اللى هيحصل السنه الجايه والموديلات الجديده, خصوصا ان الوكيل هنا ضايع مقارنه بالمصرى
6- سؤال الالوان بتاعه البيرسونا انت جيت بيه على الجرح,لان كان فى لون لؤلؤى تحفه على العربيه وطبعا الابيض والاسود وعنيه زاغت على البيرسونا صراحه
اما الجين كان ابيض واسود بس بكره هغلس عليه واخليه يشوف الالوان المتاحه فى المعارض التانيه ان شاء الله.
7- انا بشوف دلوقت تقريبا الجمارك بتاعه العربيه كام عشان انسب ظروفى وانه افضل السعوديه ولا مصر ,فلو حد يعرف تقريبا كام ياريت يقول؟
على حساباتى بعد ما قضيت حوالى ساعتين على النت بدور هيطلع تقريبا 36,300 وطبعا لو جبت العربيه دلوقت وجمركتها فى شهر اكتوبر هيتعمل تخفيض 10% على المبلغ ده, وابقى كده طبعا خسران فى البيعه انما البيعه تكسب لو هخلى العربيه فى السعوديه سنتين كمان.

لو فى اى سؤال او ملاحظه ياريت تقولوها قبل ما اروح بكره عشان انا بكتب كل الكلام ده عشان اشوفه واسأل عليه حته حته :) ان شاء الله بكره

على فكره انا بعت لبروتون ماليزيا النهارده اقولهم ليه محركات Campro CPS مش بتنزل الشرق الاوسط, وسألتهم بردوا عن اى تعديلات كبيره ممكن تحصل على العربيات فى 2012..... ياترى هيردوا عليا امتى؟

جزاك الله خير ياباشا علي ردك عليا انا في الشعيبة بعد جدة جنوبا 100كم وحضرتك جداوي شمالي ولا جنوبي
انا سألت الناس المواطنين هنا عنها اللي عندهم فكرة الاراء مش كتير بس الشرق والغرب ومش عن قرب المعرفة سماعي فقط بلد التويوتا والامريكاني وكل سنة وانت طيب
اخر مرة سألت عليها ايام العرض علي موديل 2009 يبدأ من 30000رس

انا لسه معدي على توكيلهم في الخبر من شويه وكنت هكتب موضوع بس للأسف كنت مستعجل ومدخلتش أسأل

اقتباس:

---

المشاركة الأصلية كتبت بواسطة waelfarid

جزاك الله خير ياباشا علي ردك عليا انا في الشعيبة بعد جدة جنوبا 100كم وحضرتك جداوي شمالي ولا جنوبي
انا سألت الناس المواطنين هنا عنها اللي عندهم فكرة الاراء مش كتير بس الشرق والغرب ومش عن قرب المعرفة سماعي فقط بلد التويوتا والامريكاني وكل سنة وانت طيب
اخر مرة سألت عليها ايام العرض علي موديل 2009 يبدأ من 30000رس

---

العفو يا باشا انت تأمر. انا جداوى شرق وسط
الناس هنا ميعرفوش كتير عن العربيه وبردوا محدش بيشتريها الا اللى غاويها لان وكيلها مش بيفكر حتى يقول انه بيبيع عربيات بروتون ومش بيردوا حتى على التليفونات

اقتباس:

---

المشاركة الأصلية كتبت بواسطة yoko

انا لسه معدي على توكيلهم في الخبر من شويه وكنت هكتب موضوع بس للأسف كنت مستعجل ومدخلتش أسأل

---

ياريت الله يكرمك تروح التوكيل هناك او اتصل بيهم واعرف السعر كام تقريبا عشان نعرف همه بيلعبوا علينا فى السعر ولا عادى وكمان شوف هناك فى الوان وامكانيات ... مش هوصيك لو هتسأل طبعا تسألنا عن اتومتيك فل اوبشن جين وبيرسونا

يا عم الشيخ ... فيه حد يبقى في السعودية و يجيب جين 2 !!! احنا جبنا الجين 2 هنا لأنها بتمن الكورولا عندك :)

اقتباس:

---

ياريت الله يكرمك تروح التوكيل هناك او اتصل بيهم واعرف السعر كام تقريبا عشان نعرف همه بيلعبوا علينا فى السعر ولا عادى وكمان شوف هناك فى الوان وامكانيات ... مش هوصيك لو هتسأل طبعا تسألنا عن اتومتيك فل اوبشن جين وبيرسونا

---

حاضر هحاول بس مش قبل 4 أو 5 أيام لإن أنا ساكن في بلد تانيه التوكيل بيني وبينه فوق ال120كم

اقتباس:

---

المشاركة الأصلية كتبت بواسطة boory

يا عم الشيخ ... فيه حد يبقى في السعودية و يجيب جين 2 !!! احنا جبنا الجين 2 هنا لأنها بتمن الكورولا عندك :)

---

هههههههههه انت معاك حق بس خلينى اقولك الحكايه يمكن تلاقى حل ليه
اولا: الكرولا تمنها هنا بتاع 50 الف ريال يعنى بتاع 75 الف جنيه ودى اول نقطه :)
ثانيا: انا مش عايز اجيب كرولا ولو هجيب حاجه عاليه هجيب المازدا 3 اجمد واشيك ومختلفه زى الجين 2.
ثالثا:انا معايا عربيه هنا لانسر بس بتاعه الشركه فى الاخر وانا عايز عربيه بس عشان انزل بيها اجازات ولما انزلها معايا وده ممكن يحصل قريب مدفعش فيها اكتر من تمنها فى مصر جمارك وخلافه وكمان الوكيل يتنطط عليا عشان جايب العربيه من برا.

انا لغايه دلوقت مخدتش قرار بالشراء من هنا ,بس تصدق عندك حق انا فقرى وهشوف المازدا 3 بردوا :)

اقتباس:

---

المشاركة الأصلية كتبت بواسطة yoko

حاضر هحاول بس مش قبل 4 أو 5 أيام لإن أنا ساكن في بلد تانيه التوكيل بيني وبينه فوق ال120كم

---

ربنا يكرمك, وان شاء الله لو جبت اخبار تبقى قولنا

بالنسبة لموتور السي بي أس Campro CPS
ما نزلش غير في دول آسيوية فقط لا غير .
نظرا لحاجة رئيسية و رأي شخصي من عندي :
أمكانيات المصنع أنتاجيا مش كبيرة و بالتالي التكلفة عالية للموتور ده
لأنهم ببساطة بينتجوا الكامبروا العادي كموتور قياسي لكافة سيارتهم
و لو نزلوا الموتور السي بي أس في العربيات ثمنها هايرفع لأن تكلفة الموتور أعلى من الكامبروا العادي

و أنا هاقولك رد ماليزيا على رسالتك
هايقولك الموتور بيأخد بنزين 98 فقط ........ و أنتوا في مصر البنزين المتوفر هو 95 و كمان غالي و مش كل الناس بتشتريه .

هما من الآخر لسبب ما بيعتمدوا على الكامبروا في الأنتاج أكتر من الكامبروا سي بي أس علشان التكلفة بالاضافة لشئ آخر معرفروش .
هنا في مصر العربية بتنزل كاملة بدون مثبت سرعة من أول سنة 2009 .
و كمان فيها strut bar من أول ما نزلت في 2005 لحد دلوقتي .

لو أشتريتها من السعودية طبعا تعرف تعمل صيانة و كل حاجة بس ملكش ضمان مع الوكيل المصري (عز العرب ).

اقتباس:

---

المشاركة الأصلية كتبت بواسطة tutankhamoun

بالنسبة لموتور السي بي أس campro cps
ما نزلش غير في دول آسيوية فقط لا غير .
نظرا لحاجة رئيسية و رأي شخصي من عندي :
أمكانيات المصنع أنتاجيا مش كبيرة و بالتالي التكلفة عالية للموتور ده
لأنهم ببساطة بينتجوا الكامبروا العادي كموتور قياسي لكافة سيارتهم
و لو نزلوا الموتور السي بي أس في العربيات ثمنها هايرفع لأن تكلفة الموتور أعلى من الكامبروا العادي

و أنا هاقولك رد ماليزيا على رسالتك
هايقولك الموتور بيأخد بنزين 98 فقط ........ و أنتوا في مصر البنزين المتوفر هو 95 و كمان غالي و مش كل الناس بتشتريه .

هما من الآخر لسبب ما بيعتمدوا على الكامبروا في الأنتاج أكتر من الكامبروا سي بي أس علشان التكلفة بالاضافة لشئ آخر معرفروش .
هنا في مصر العربية بتنزل كاملة بدون مثبت سرعة من أول سنة 2009 .
و كمان فيها strut bar من أول ما نزلت في 2005 لحد دلوقتي .

لو أشتريتها من السعودية طبعا تعرف تعمل صيانة و كل حاجة بس ملكش ضمان مع الوكيل المصري (عز العرب ).

---

اولا شكرا على تعليقك
ثانيا موضوع الـ cps فعلا ناس كتير قالوا نفس الحاجه على موضوع البنزين, بس انا مش متخيل ان فى بنزين 98 فى دول اسيويه اللى البنزين فيها غالى والسعوديه اللى اللتر بنزين 95 بحوالى 75 قرش مفيهاش 98
ثالثا الموضوع انى روحت حب استطلاع يمكن الاقى فروقات جوهريه تخلينى اضحى واشترى من هنا, زى واحد صديق جايب مازدا 3 فيها اوبشنز وحاجات مش بتنزل مصر اصلا, وانا قولت فى تعليق قبل كده ان البيعه هتطلع خسرانه لو اشتريت من هنا , عشان كده انا مابين نارين ياما اجيب حاجه تانيه زى المازدا ودى مستحرم اجيبها صراحه لاسباب فى بالى وكذلك الكرولا ياما استنى لما انزل مصر واجيب العربيه وده بردوا مش حل عملى بالنسبه ليا خصوصا فى اجازاتى

وفى الاخر شكرا على النصيحه

اقتباس:

---

المشاركة الأصلية كتبت بواسطة memo_sms

اولا شكرا على تعليقك
ثانيا موضوع الـ cps فعلا ناس كتير قالوا نفس الحاجه على موضوع البنزين, بس انا مش متخيل ان فى بنزين 98 فى دول اسيويه اللى البنزين فيها غالى والسعوديه اللى اللتر بنزين 95 بحوالى 75 قرش مفيهاش 98
ثالثا الموضوع انى روحت حب استطلاع يمكن الاقى فروقات جوهريه تخلينى اضحى واشترى من هنا, زى واحد صديق جايب مازدا 3 فيها اوبشنز وحاجات مش بتنزل مصر اصلا, وانا قولت فى تعليق قبل كده ان البيعه هتطلع خسرانه لو اشتريت من هنا , عشان كده انا مابين نارين ياما اجيب حاجه تانيه زى المازدا ودى مستحرم اجيبها صراحه لاسباب فى بالى وكذلك الكرولا ياما استنى لما انزل مصر واجيب العربيه وده بردوا مش حل عملى بالنسبه ليا خصوصا فى اجازاتى

وفى الاخر شكرا على النصيحه

---

يا ريت حضرتك متجبش كورولا انا عارف اني كلامي ده هيدايق ناس كتير بس الكورولا في السرعات العالية تحس انها بتكون خفيفة جدا علي الطريق غير اني فراملهامش اوي من وجهة نظري
انا في السعودية باجي كل فترة كده و ارجع مصر و سقت مازدا 3 القديمة و الجديدة و كورولا و سيفيك و افضلهم من حيث الثبات السيفيك بعدها المازدا 3 بعدها الكورولا.