مفاجاءة .. ادخلوا وشوفوا اخر مشاكلى وصلت لايه مع نيسان مصر ..

شكر و تقدير لنيسان مصر و توكيل السبع و المهندس محمد عبد الحميد


انا كنت كتبت قبل كده ان عندي شوية مشاكل في الصني .. والموضوع ده عشان اوضح اخر المواضيع
:satelite:
و اخيرا اتحلت المشكله الحمد لله .. ازاي هقولكوا

مهندس المصنع جه و وراني 12 عربيه صني الي كانو جوا السبع فيهم نفس بخر الزيت الي لامم تراب عند جوان وش التقسيمه من عند قاعدة الموتور اليمين

الموضوع طلع طبيعي في كل الصني حتى الياباني كله

و كمان الراجل مهندس المصنع وراني عربيته هي تويوتا و فيها كده برضه نفس الموضوع اللى عندى فى عربيتى

و بشكر كل مركز السبع و اولهم المهندس الخلوق محمد عبد المنعم الي ناس كتير معرفهاش قالي انهم كلموه و لما كلموه في المره الاولى و قالوا على ان ضغطي ارتفع و دخلت المستشفى فمحبش اول مره يقولي ان ده في كل الصني و ريحني و قالي هاربط على مسامير الوش و الجوان و لما جه مهندس المصنع سأل المهندس محمد ليه مقولتلوش كده ان ده طبيعي من الاول قال انه خاف عليا لاتعب و مسدقش بسبب شكي في الصناعه نفسها بسبب موضوع الفتيس

طبعا شكر كبييييييييييييييييييييييي ير اوي لكل الاعضاء الي اتصلوا و بعتوا الميل
و اخص بالشكر المعلم الكبير اوي الاستاذ احمد مصطفى منسق قسم نيسان

طبعا انا كده بعد ما قابلت مهندس المصنع و كشف على العربيه مسمار مسمار
حتى التكيف كان ناقص شويه حطوه على الجهاز و عادوا شحنه كله مجانا...

ابصم بالعشره .. لنيسان مصر على اهتمامها بالعملاء ... شكرا نيسان

برضه انا اول واحد يا دوك اقولك مبروك على ان المشله اتحلت

معلش يا دكتورنا حسألك سؤال

هو لما كنت بتشوف بخر الزيت ده كان مستوى الزيت جوه المكنه بيقل ولا كان هو هو

انا فاكر انك قولت انك مسحته مرتين و رجع تانى فهل مسنوب الزيت كان بينقص ولا ايه

مبروك ..... وكمان مره مبروك والحمد لله
وكلما اكدنا علي جودة خدمات التوكيل ولو حصل تقصير يتم تداركه
مبروك

الحمد لله ان المشكلة اولا مكنتش مشكلة .. وان مفيش حاجة فى العربية .. وانك اطمنت على العربية ..

بس شوفت انت وصلت نفسك الى ايه فى صحتك على انشغالك بحاجات مش موجودة من الاساس .. فتعبت صحتك وضيعت فرحتك بالعربية

وعشان كدا كان كلامى كان دايما مع محمد عبد المنعم عليك والله .. انك عميل مختلف عن اى عميل .. لان العربية وصلتك الى تعب نفسى .. وانك فى المستشفى .. ولازم نطمنك ونقف جنبك ..
وحتى قبل ما ابلغ محمد بلغت المدير العام للسبع الاستاذ معتز بالكلام ده

وفى مرة كنت قاعد مع المهندسين فى السبع يوم الجمعة اللى فاتت فى مقابلة خاصة.. واتكلمت على موضوعك .. وقالولى العربية والله مفهاش حاجة .. وحرام اللى بيعمله فى عربيته ده وهى لسه جديدة

وبردوا احنا حنجبله ناس فى المصنع يشوفوا العربية ويشكفوا عليها .. عشان صاحب العربية يطمن ويتاكد ونريحه

ومكنش ينفع ادخل واقول الكلام ده عشان ولا انت حتصدق ولا الاعضاء اللى بتدخل حتصدق .. وخصوصا الاعضاء اللى من اقسام اخرى غير قسمنا ومعاهم عربيات غير نيسان .. والناس اتهمتنا عشان بنهدى الامور اننا بنحازى للتوكيل وبنحب نمدح فيهم .. مش عارف ليه .. اصل على اساس مش معانا عربيات نيسان وبنروحلهم ومجربنهم

بصراحة ومازلت بقول وحفضل اقول ان توكيل نيسان افضل توكيل فى مصر عنده خدمة ما بعد البيع .. وبيهتموا بالعملاء وبمشاكلهم فعلا .. وكلامنا عن تجارب فعلية معاهم

وحتى خدمة العملاء العامة لنيسان اللى بتستقبل الشكاوى باتليفون .. لو كان طفل قالهم باب اتخطف .. حيهتموا بيه بردوا ..

قولنا ومازلنا .. اى مشكلة لازم تتحل بهدوء .. طالما ليك حق حتاخده .. خصوصا ان التوكيل مقلش لحد لا .. وامشى من هنا مش حنعملك حاجة

ازاى الحال دلوقتى بعد ما كنا بنسخن الراجل عشان يروح ويعمل محاضر .. وفى الاخر طلع تشخيصه هو غلط .. والعربية مفهاش حاجة وان الموضوع ده عادى ..

نصيحة ليك يا استاذ احمد

اللى عملته دلوقتى فى العربية من مواضيع كتير كلها مبنية على خوف وتوتر وقلق .. جبته لروحك .. ضيع فرحتك بالعربية وهى لسه جديدة .. وممكن خوفك ده يخليك تبوظ حاجات سليمة من كتر الفك والتركيب والتجريب .. ارجوك متفكرش فى حاجة تانية خالص ومش تفتح كابوت العربية ابداااا

ولو فى مشكلة فى العربية فى الشنابر فى البساتم فى الكرنك فى المانفلد فى جوان وش السلسندر او فى اى حاجة مرتبطة بروح الماتور وبعمرته.. صدقنى حتبان لوحدها ومن غير ما تفتح الكابوت .. وحتبان قبل انتهاء الضمان وفى خلال مشيك بالعربية فى خلال شهور .. يعنى مش بعد انتهاء الضمان بعد 3 سنين .. فبلاش قلق..

وهما من نفسهم بيتعاملوا ويغيروا ويصلحوا ويكتشفوا من روحهم من غير حد يقولهم العربية فيها كذا .. وكلامى عن تجربة

لان قبل كدا بعمل صيانة وقالولى بلى العجل غيرناها ومكنتش عارف ان فى مشكلة ولا بشتكى منها.. وهما اكتشوفوا العيب لما جربوا العربية بعد ما عملوا ليها صيانة

فشوفت الضمير عامل ازاى

فبلاش قلق .. واستمتع بالعربية ارجوك .. وبلاش توتر عشان صحتك

وياريت للاعضاء الللى بالاخص من بره القسم نهدى شوية وبلاش ندخل نسخن ونشوط .. قبل ما نعرف رد التوكيل انه بالرفض .. وانه مش حيعمل حاجة

وصوابعك مش زى بعضها وتوكيل نيسان افضل توكيل سيارات .. و حتى لو فى مشكلة عند حد وقصروا معاه او عملوا وصنعوا عربية معيوبة مش حيقصر على مبيعاتهم ابدا ولا سمعتهم

والا كان كل توكيلات السيارات اتاثرت .. وياريت حد يروح يعمل جولة عند حماية المستهلك

ويشوف كمية الشكاوى جاية من اى توكيل فى مصر وبعدين نتكلم .. حتلاقوا اغلب المشاكل جاية من توكيلات الكورى

فى النهاية .. اتمنى انى اسمع صوتك بقا .. لانك معاك رقمى .. ولغاية دلوقتى ما سمعتش صوتك ولا مرة .. عشان اتعرف عليك واتقابل معاك .. لان لازم يكون لينا قعدة مع بعض


تحياتى والف مبروك

الحمدلله اقولك حاجه
.

.

.

.

.

.

.

.

.

.
مبروك
الف
مره

انا اكتر واحد دافعت عن العربية


لان اسمع عن السبع كل خير

و كنت عارف ان حتى لو لا قدر الله في حاجة حيقوموا بالواجب و اكتر من غير شكاوي و بتاع

مبروك

لو رجعت لردى عليك يا باشا حتلاقينى قولتلك نفس الكلام
كل الصنى كدة
و كنت ريحت نفسك
انا سعيد انك اطمنت

والله ياباشا مش عارف اقول ايه فعلا
لاني بجد حزين علي اللي حصل و اللي حضرتك عملته بقالك من يوم 13-7 .. و بتقول وانك عارف ايه اللي هايحصل وايه اللى حيتفك فى الماتور .. فالناس تتفاعلت وسخنت معاك فاضطروا يقولك روح بلغ و روح اعمل و الاعضاء دول معاهمش عربيه نيسان و داخلين تسخين علينا وعليك.. وطبعا كلام الناس بالنسبالهم سهل لانهم قاعدين ورا شاشات الكمبيوتر .. والكل شايف الكتابة سهلة وخلاص

و نحاول نفهم في حضرتك وفيهم براحه وبردوا مافيش فايده .. و نقولك التوكيل محترم و بردوا مش نافع .. و دخلنا تفاعلنا معاك و نصححلك معلومات غلط عند حضرتك في فك الماتور

و بردوا في الاخر كل ده و يطلع حضرتك اللي مشخص غلط و دا بخر و خلاص كده

و الحمد لله احمد مصطفي اهو متابع معاك الموضوع من الاول .. بس المشكله كلها في انهم ازاي يقنعوا حضرتك .. ان الموضوع عادي مش زي مانت متصوره او وصفه لااعضاء

لان علي فكره السبع بيتابع المنتدي هنا و عارف الاعضاء بيقولوا عليهم ايه و كده و دا علشان سهولة تفادي الاخطاء و سرعة تدارك المواقف .. لان دى سمعة مركزهم وسمعة توكيل نيسان

و ماشاء الله توكيل زي السبع غني عن التعريف و الحمد لله بمواقفه اراء الاعضاء مالكين سيارات نيسان وعن تجاراب .. يعنى مش كلام وخلاص و الاعضاء اللي معهاش اصلا العربيه او اي عربيه نيسان و داخلين يقولوا .. كده حرام و التوكيل حرامى .. والتوكيل مش عارف ايه و الكلام الغريب اللى سمعناه .. ده حتى مش عاجبهم ان التوكيل غيرلك الفتيس في اسبوع وكان ممكن اقل من كدا .. بس حضرتك قولت انك كنت مسافر .. ومع ذلك فضلوا الناس يقولوا بهدله الراجل في تغير الفتيس مش فاهم علي اي اساس من الصحه بيتكلموا يعني .. اصلهم شايفين الهنا مع توكيلاتهم

عموما ياباشا الحمد لله انها جت علي اد كده و حضرتك اقتنعت انه عادي و دا المهم لان التوكيل مهم عنده انك تقتنع باللي في العربيه و كان ممكن يقولك فى التوكيل مفيش لجنه ولا حاجه و هيا العربيه كده و خلاص

بصراحة تحية لتوكيل نيسان عموما

وده درس لكل الناس اللى دخلت فى موضوعك القديم . وفضلوا يهتشوا ويسخنوا على الفاضى .. من غير ما يكون ليهم تجارب مع التوكيل .. او حتى عرفوا رد التوكيل كان ايه على مشكلتك

ونصيحة اخوية يا برنس .. اتمتع بالعربية بقا وعيش حياتك .. ومتفكرش فى اى حاجة فيها .. خد منى واتكل على الله

انا اهو بفهم فى الميكانيكا صرف .. واحيانا بسمع اصوات او اى مشكلة بتحصل عندى .. وبكبر دماغى .. الا فى الحاجات الصعبة .. بركز معاها بس وبضطر لازم احلها

كلام جميل

الحمد الله و الله انا كنت زعلان جدا على مشكلتك و الحمد الله انك فرحتنا و ربنا يباركلك فى العربية و يكفينا جميعا شر الطريق

الف مبروك
وربنا يبارك لك في العربية ويبعد عنك الحسد
وانا والله ماكنتش عايز اشارك فى الموضوع الاصلى لانه طالما ما اعرفش يبقى لا أفتى ولا اسخن وانما انتظر لحد ما اشوف نتيجة الفحص الفعلى ايه ...
الحمد لله وقدر الله وما شاء فعل ...
وعايزين نبقى نشوفك فى المقابلات القادمة ان شاء الله ....

اقتباس:

---

المشاركة الأصلية كتبت بواسطة ahmed.tv

بصراحة ومازلت بقول وحفضل اقول ان توكيل نيسان افضل توكيل فى مصر عنده خدمة ما بعد البيع .. وبيهتموا بالعملاء وبمشاكلهم فعلا .. وكلامنا عن تجارب فعلية معاهم

نصيحة ليك يا استاذ احمد

وهما من نفسهم بيتعاملوا ويغيروا ويصلحوا ويكتشفوا من روحهم من غير حد يقولهم العربية فيها كذا .. وكلامى عن تجربة



وصوابعك مش زى بعضها وتوكيل نيسان افضل توكيل سيارات .. و حتى لو فى مشكلة عند حد وقصروا معاه او عملوا وصنعوا عربية معيوبة مش حيقصر على مبيعاتهم ابدا ولا سمعتهم

---

كالعادة يا احمد بيك خلصت كل الكلام اللى مفروض يتقال
واسمحلى اضيف وأأكد على حرص السبع على اسمه ومكانته فى مراكز خدمة السيارات فى مصر
فعلا اول مكان فى مصر تسلمه عربيك من غير ما تشتكى من اى حاجة وهما هايكتشفوا المشكلة وحلها وده عن تجربة برضه مع تغيير ضفيرة الكهرباء بدون زعيق ولا صريخ وصوت عال زى ما صاحبى عمل فى يونايتد جروب فى تغيير طقم الدبرياج كله فى صيانة ال10.000 كم
فى حياتى ما شوفتش ناس بتستمتع فى حل مشاكل عربيات عملائها وكل طاقم السبع من اول عامل البوفيه والنظافة لحد المدير العام بيروحوا كل يوم المركز عشان يحلوا مشاكل فى وقت غيرهم قرفانين وبالعكس بيبوظوا السليم فى العربيات كمان ومالكش دية
ربنا يبارك فيهم ويكفيهم شر الحسد والى المزيد من النجاح والتفوق على انفسهم باذن الله
وزى ما قولتلك يا استاذ أحمد مفيش مريض رايح يكشف عند دكتور ويجبره على كتابة دوا معين او يشخص مرضه بنفسه
دع الملك للمالك وطالما روحتلهم يبقى سيب نفسك واطمأن واهو شوفت النتيجة ايه
نصيحتى تاخد المدام وتطلع اجازة يومين فى اى مكان بعيد عن تعب الاعصاب ده واستمتع بعربيتك وعيش احلى ما فى اللحظة

الف مبروك واستمتع بالعربية الجديدة بقى

الف مبروك وشكر على توضيح نتيجة هذه المشكلة

اولاً الحمد لله لصاحب الموضوع أن المشكلة اتحلت .. علشان على الأقل يهدأ بالاً ويستمتع بالعربية .. وهو ده الأهم .

اقتباس:

---

المشاركة الأصلية كتبت بواسطة ahmed.tv

وفى مرة كنت قاعد مع المهندسين فى السبع يوم الجمعة اللى فاتت فى مقابلة خاصة.. واتكلمت على موضوعك .. وقالولى العربية والله مفهاش حاجة .. وحرام اللى بيعمله فى عربيته ده وهى لسه جديدة
الله !! ده أنت عميل للتوكيل أهو وباعترافك ..هههههههههههههههه

ومكنش ينفع ادخل واقول الكلام ده عشان ولا انت حتصدق ولا الاعضاء اللى بتدخل حتصدق .. وخصوصا الاعضاء اللى من اقسام اخرى غير قسمنا ومعاهم عربيات غير نيسان .. والناس اتهمتنا عشان بنهدى الامور اننا بنحازى للتوكيل وبنحب نمدح فيهم .. مش عارف ليه .. اصل على اساس مش معانا عربيات نيسان وبنروحلهم ومجربنهم
أنا واحد من الناس بره قسم نيسان ومكنتش حصدق .. لأني عارف أنك عميل لتوكيل نيسان ... ههههههههههههه

بصراحة ومازلت بقول وحفضل اقول ان توكيل نيسان افضل توكيل فى مصر عنده خدمة ما بعد البيع .. وبيهتموا بالعملاء وبمشاكلهم فعلا .. وكلامنا عن تجارب فعلية معاهم

وحتى خدمة العملاء العامة لنيسان اللى بتستقبل الشكاوى باتليفون .. لو كان طفل قالهم باب اتخطف .. حيهتموا بيه بردوا ..
:plusone2:

قولنا ومازلنا .. اى مشكلة لازم تتحل بهدوء .. طالما ليك حق حتاخده .. خصوصا ان التوكيل مقلش لحد لا .. وامشى من هنا مش حنعملك حاجة

ازاى الحال دلوقتى بعد ما كنا بنسخن الراجل عشان يروح ويعمل محاضر .. وفى الاخر طلع تشخيصه هو غلط .. والعربية مفهاش حاجة وان الموضوع ده عادى ..

وياريت للاعضاء الللى بالاخص من بره القسم نهدى شوية وبلاش ندخل نسخن ونشوط .. قبل ما نعرف رد التوكيل انه بالرفض .. وانه مش حيعمل حاجة
مش حهدى .. وريني حتعمل أيه أنت وسحس .

وصوابعك مش زى بعضها وتوكيل نيسان افضل توكيل سيارات .. و حتى لو فى مشكلة عند حد وقصروا معاه او عملوا وصنعوا عربية معيوبة مش حيقصر على مبيعاتهم ابدا ولا سمعتهم
تحية تقدير واحترام لتوكيل نيسان :hrm_prv:اللي بيحترم عملائه ومحسسهم أنهم في أمان دائماً مهما كانت المشاكل .

---

حبيبي يا أبو حميد أوعى تزعل أنا بهزر معاك .. ما أنا برضه كنت متهم أني عميل زيك لمجرد أني بقول رأيي .

ألف مبروك نهاية هذه المحنة على خير والحمد لله .. وتقديرنا لتوكيل نيسان الذى يهتم بعملائه
وربنا يبارك لك فى سيارتك ويعطيك خيرها ويبعد عنك شرها

الف الف الف مبروك علي نهايه المشكله اللي ما كانتش مشكله و الحمد لله
و استمتع بأحلي عربيه ممكن تركبها و ربنا يديك خيرها و يكفيك شرها .
الف مبروك مره تانيه .
شريف

مبروك

الحمد لله على انك مبسوط ... و المشاكل اتحلت
و يا ريت تستمتع بالعربية و ربنا يديك خيرها و يكفيك شرها

والله احنا احسن نباركلك هنا بعد حل المشكلة .... اكتر من يوم ما جيبت العربية....

يا عم الف مبروك ... وعيش واستمتع بالعربية ...

ما فيش حاجة تستاهل الزعل ولا انك تعمل في نفسك كده ...

ربنا يطمنا ويطمنك دايما

الحمد لله انه طلع مافيش مشكلة وربنا يبارك لصاحب السيارة وخلاص يستمتع بيها