فى علاقة بين بلى العجل و السحب

**megadeath** · 20-07-2011 09:54 PM

انا عربيتى لانوس 1 اتومانيك من اسبوع بعد ما غيرت الزيت بقيت بسمع صوت بحه بعد 60 و انا ماشى زى صوت الكرونه مع العلم انت عربيتى اتوماتيك و السحب بقى سيى
و انا شاكك انه ده بلى العجل بس اللى عايز اعرفة هو فيه علاقة بين سحب العربية و بلى العجل لان السحب بقى سىء جدا ...... و برده هو فيه علاقة بين سحب العربية و تلف الكوبلن

**megadeath** · 21-07-2011 10:56 AM

ايه يا وحوش ما فيش حد عارف هو صعب قوى جدا

**احمد المصرى** · 21-07-2011 11:20 AM

بلى العجل لما بيبوط بتسمع صوت ذى صوت الهواء بالظبط وممكن تروح لميكانيكى يرفع العربيه ويلف كل عجله على حدى ويشوف البلى كويس ولا تعبان ولو بايظ طبعا بياثر على السحب

**megadeath** · 21-07-2011 07:20 PM

الف شكر
هو فعلا انا حاسس ان صوت الموتور زى الطيارة بس مينفعش اجيب العربية على n و هى ماشية كده الفيتيس يبوظ

**alynubira** · 22-07-2011 01:23 AM

المشاركة الأصلية كتبت بواسطة megadeath

الف شكر
هو فعلا انا حاسس ان صوت الموتور زى الطيارة بس مينفعش اجيب العربية على n و هى ماشية كده الفيتيس يبوظ

لا

**sherifnagy1988** · 22-07-2011 02:33 AM

في الغالب عندك البلي بايض ز في علاقه اكيد بين البلي و السحب ومفيش اي مشكله في انك تحط العربيه علي n و انت ماشي بالعكس دا احسن للعربيه و توفير البنزين و انت ماشي كأنك بتحطها على الموووررررر

**megadeath** · 22-07-2011 10:07 AM

طيب انا عايز اعرف ايه فايده بلى العجل و العلاقة بين الكوبلن و السحب و ايه احسن نوع بلى عجل اجيبه

**sherifbmw** · 22-07-2011 05:05 PM

بلى العجل ده محور الاحتكاك الى بيخلى العجله تدور وتتحرك
البلى قافش او فرط يعنى خشونه ف صوت العجله اثناء دورانها وبالتالى هيبقى فيه تلفيات اكبر وخطوره شديده
بالنسبه للبلى بيأثر ع السحب نسبيا وليس كليا وكلما قل العمر الافتراضى للبلى هتسمع صوت الاحتكاك اعلى تدريجيا زى ماتكون ماشى على اسفلت خشن مسمع ف العربيه كلها
مفيش اى خطوره عند سماعك صوت الاحتكاك ولكن كل ما يعلى اكتر هتحتاج انك تعجل بتغير البليه قبل ما تفرط
لا يتم تغير البلى الا عند سماع الصوت العالى الملحوظ والغريب عن المعتاد ف صوت سيارتك المألوف
العجل الامامى كل عجله تحتوى على بليه واحده كبيره متاح منها الكورى واليابانى نفس السعر مختلفتين الكفائة سعرها 75 - 85 جنيه
بيتم تركيب البليه عن خراط لكبسها الميكانيكى بيفك المساعد بالدراع وبتروح للخراط يكبسها تكلفت الخراط 15-20 جنيه
ممكن تعمل اختبار اكتشاف خشانه البليه بنفسك , ارفع العربيه بالكوريك مكان العجله المراد الكشف عليها وحركها بايدك بسرعه هتسمع صوت الاحتكاك وهتقدر علو الصوت - لو البليه فعلا بايظه هتسمع صوت عالى وخشانه جامده ملحوظه لو احتكاك عادى مش قادر تميزه يبقى مفيهاش حاجه سيبها
العجل الخلفى كل عجله بتحتوى على بليتين كبيره وصغيره وبيتغيرو مع بعض برده للامان تكلفتهم 70 جنيه تقريبا

**sherifbmw** · 22-07-2011 05:18 PM

الكوبلن مش بيأثر ع سحب العربيه لو بايظ هتسمع طقطقه ف الملفات عند كسر الدريكسيون قوى
الكوبلن بيعمل ف حدود 90 جنيه
يتم معرفه الكوبلن البايظ من اتجاه كسر الدريكسيون عليه وسماع صوت الطقطقه
سبب طقطقه الكوبلن خشونه البلى الداخلى للكوبلن او تأكل الكاوتشه الخارجيه ونقص الشحم الداخلى
للحفاظ ع الكوبلن تأكد من الكشف المستمر على الكاوتشه الخارجيه والتاكد من انها سليمه ولا تسمح بخروج الشحم من داخلها
لو تالفه قم بشراء كاوتشه كوبلين وغيرها عن الحاجه
عند الدوران يجب الحرص على عدم كسر الدريكسيون الى اقصى درجه تفادى كسر الدرسكيون الى اقصى درجه حتى وقوف الحركه
عدم كسر الدريكسيون لاقصى درجه على سرعات او على ارض غير مستويه يقلل من تلفيات الكوبلين ويطيل عمره
كل ده عن الكوبلين الداخلى الى احنا بنغيره كل فتره وليس الكوبلين كامل ! دى قصه تانيه اكبر

-

الموضوع: فى علاقة بين بلى العجل و السحب

LinkBack

أدوات الموضوع

عرض

-

-

-

-

المواضيع المتشابهه

وجه الاختلاف في السحب للسيارة ريو الجديدة بعد الالف كيلو في السحب ةالتجميع

علاقة مراتك مع عائلتك

ياتري في علاقة بين المروحة الجديدة وضعف السحب

ما علاقة هذه السيارة بالجين 2

الكلمات الدلالية لهذا الموضوع

المفضلات

المفضلات

ضوابط المشاركة