الريداتير باظ والموتور كان هيتحرق

الحمد لله علي كل شي اولا
النهارده وانا راجع من الشغل ومشغل التكييف وبسمع اناشيد واخر دلع وفجاه التكييف فصل والعربيه بقي سحبها وحش جدا كانها فيها 6 ومشغل التكييف وادوس بنزين مفيش وبطلت قمت مدور تاني وطافي التكييف ومكمل من عند كوبري ابيس لحد مصطفي كامل من علي الدائري عند سيتي لايت وبدات اسمع صوت خروشه او خبطه مع الغيار وفجاه عيني جت علي مؤشر الحراره ولاول مره لقيته معدي النص علما باني المؤشر ده عمره مابيعدي النص مابين الشرطتين الأولين وهو كده من يوم ماجبته

ركنت علي جنب وفتحت الكبوت ولقيت بخار كتيير وشبه دخان من الموتور وساعتها قلت بس الموتور راح في خبر كان
استنينت لما العربيه بردت ودورت وحطيت مياه ولقيت المياه عماله تنزل من عند الناحيه اليمين من الريداتير من عند الخرطوم الصغير اللي بيبقي طالع منه

كلمت واحد صاحبي قالي علي واحد في ميدان الساعه وبصراحه دورقت العربيه ومشيت براحه لحد ماوصلت

ساللت وانا ماشي علي تمن الريداتير لقيت 300 وفي 350 وفي اللي بيقول اصلي واللي يقول بتاعها ولما اساله صيني ولا لآ يقولي ده بتاعها هي العربيه صيني

المهم رحت للصنايعي قالي 500 جنيه ليه ياعم قالي الأصلي قلتله ده ب 300 قالي صيني ومش هيعيش معاك شهرين

ركبه ودفعت 500 وكان مصمم ياخد القديم وانا رفضت وانتخانقت معاه وبيقولي ده بيجيلي 10 جنيه وهات ال 10 جنيه دي وبتاع عشان انا كنت في الأول بقوله لو علي ا10 جنيه انا هديهالك
هو طبعا نضف دورة التبيرد وسربنتينة التكييف وبصراحه كل حاجه كانت بتنزل طينه

وبصراحه العربيه فاقت قوي بس انا عايز اتاكد هل السعر كده كويس ولا لآ

هو قالي الريداتتير ب 450 ومصنعيته 50 مش عارف ليه بس المضطر بقي مع اني كنت ممكن عملتها عند الناس اللي بشتغل عندهم ب 20 جنيه

هل انضحك عليا ولا لآ وهل في خطوره كده علي الموتور ولا لآ وازاي اتاكد

علي فكره المياه كانت بتنقص بقالها فتره ومكنتش عارف اجيب العيب منين

ناس كتيرة شفتها مركبة الصينى وزى الفل

ماهو انا كنت هجيبه واركبه واديله ال 50 جنيه مصنعيته ويبقي كله 350 بس شكيت في ابو 300 وقولت 350 + 50 يعني 400 يبقي اريح دماغي واجيب ابو 500 وخلاص بس حاسس اني انضحك عليا وخصوصا ان مفيش اي حاجه مكتوبه عليه بتقول انه اصلي

ايه ياجماعه محدش شاف الموضوع لسه ولا مفيش اسعار ؟

اقتباس:

---

المهم رحت للصنايعي قالي 500 جنيه ليه ياعم قالي الأصلي قلتله ده ب 300 قالي صيني ومش هيعيش معاك شهرين

---

الكلام ده صح جدا

اقتباس:

---

وبصراحه العربيه فاقت قوي بس انا عايز اتاكد هل السعر كده كويس ولا لآ

---

كويس

انت اضحك عليك... كل اللى كنت محتاجة لحل المشكلة دى هو الخزان الفبر فقط... و الراجل كان حياخد منك الرادياتير و يغيرلة الخزان و يبيعة على انة استيراد ب 200 ولا 250 جنية لزبون تانى

عموما انت مخسرتش كتير لانك اخدت الرادياتير القديم... نضفة و غيرلة الخزان و خللية عندك احتياطى او بيعة لحد محتاجة

MMamdouh

اقتباس:

---

المشاركة الأصلية كتبت بواسطة mmamdouh

انت اضحك عليك... كل اللى كنت محتاجة لحل المشكلة دى هو الخزان الفبر فقط... و الراجل كان حياخد منك الرادياتير و يغيرلة الخزان و يبيعة على انة استيراد ب 200 ولا 250 جنية لزبون تانى

عموما انت مخسرتش كتير لانك اخدت الرادياتير القديم... نضفة و غيرلة الخزان و خللية عندك احتياطى او بيعة لحد محتاجة

mmamdouh

---

انا بس عايز اعرف انضحك عليا في سعر الجديد ولا لآ
انا كنت حاسس انه فعلا عايز القديم عشان كده بس الحمد لله بعد خناقه معاه مرضيتش اسيبه بس بيني وبينك البتاع شكله يقرف وفيه برومه كتيير من تحت ومن فوق بس زي مانت بتقول انا عارف انه كان هيغير الخزنه وهيشتغل وهو نفسه قالي انه ممكن يعملهولي وهياخد 80 جنيه بس ممكن يبوظ تاني وبما اني بقيت بسافر كتيير القاهره بالعربيه اليومين دوول فبصراحه قلقت مع اني والله مش عايز اصرف كتيير

ممكن ابقي اصلح القديم وابيعه ان شاء الله بس كل اللي عايز اعرفه انا انضحك عليا في في الجديد ولا لآ
يعني افترض ان القديم كان ميت خالص وهو قالي كده وقالي انه مواسيره كلها ضربه تقريبا وطالما عمل كده يبقي مش هيكمل وسالني اذا كنت عملتله صيانه قبل كده ونظفته ولا لآ وطبعا قلتله انا معايا العربيه بقالها 3 سنين وشويه ومعملتش الكلام ده قالي ليه حق وباين عليه انه متبهدل

بالنسبه للقديم ياتري اعرف اتصرف فيه بعد مااصلحه ويجيب كام؟
وسعر الجديد الأصلي كام ومصنعيت تركيبه كام علما بانه نضف السربتنيه بتاعة التكييف ودورة التبيرد كلها

الواحد بيطلع عين الميكانيكي وشحم وبهدله وتراب وقرف وفي الأخر بياخد ال50 حنيه علي استحياء وده يادوب شال القديم وشوية مياه وركب الجديد ودور يااسطي وشكرا واقوله مصنيعتك غاليه يقولي انا بعمل حاجه نظيفه ومبداي معنديش فصال زي مايكون بيبيع جزم

انا عارف ان الشغل ميستهلش حتي 20 جنيه بس بدفع وانا محروق ومضطر بقي هعمل ايه يعني

اقتباس:

---

المشاركة الأصلية كتبت بواسطة shaddadfalcon1

انا بس عايز اعرف انضحك عليا في سعر الجديد ولا لآ
انا كنت حاسس انه فعلا عايز القديم عشان كده بس الحمد لله بعد خناقه معاه مرضيتش اسيبه بس بيني وبينك البتاع شكله يقرف وفيه برومه كتيير من تحت ومن فوق بس زي مانت بتقول انا عارف انه كان هيغير الخزنه وهيشتغل وهو نفسه قالي انه ممكن يعملهولي وهياخد 80 جنيه بس ممكن يبوظ تاني وبما اني بقيت بسافر كتيير القاهره بالعربيه اليومين دوول فبصراحه قلقت مع اني والله مش عايز اصرف كتيير

ممكن ابقي اصلح القديم وابيعه ان شاء الله بس كل اللي عايز اعرفه انا انضحك عليا في في الجديد ولا لآ
يعني افترض ان القديم كان ميت خالص وهو قالي كده وقالي انه مواسيره كلها ضربه تقريبا وطالما عمل كده يبقي مش هيكمل وسالني اذا كنت عملتله صيانه قبل كده ونظفته ولا لآ وطبعا قلتله انا معايا العربيه بقالها 3 سنين وشويه ومعملتش الكلام ده قالي ليه حق وباين عليه انه متبهدل

بالنسبه للقديم ياتري اعرف اتصرف فيه بعد مااصلحه ويجيب كام؟
وسعر الجديد الأصلي كام ومصنعيت تركيبه كام علما بانه نضف السربتنيه بتاعة التكييف ودورة التبيرد كلها

---

معتقدش الجديد سعرة مختلف عن كدة... انا لما كنت سالت عند ابو الحسن كان قالى 500 او 550 حاجة كدة... المهم بس ان اللى ركبهولك يكون الاصلى فعلا مش تايوانى ولا صينى

MMamdouh

اقتباس:

---

المشاركة الأصلية كتبت بواسطة mmamdouh

معتقدش الجديد سعرة مختلف عن كدة... انا لما كنت سالت عند ابو الحسن كان قالى 500 او 550 حاجة كدة... المهم بس ان اللى ركبهولك يكون الاصلى فعلا مش تايوانى ولا صينى

mmamdouh

---

ماهو انا بقي اتاكد ازاي؟ انا اخدت كلامه ثقه وحتي مفيش حاجه مكتوبه عليه بتقول هو صناعه ايه ولما قلتله قالي هات القديم وشوف مكتوب عليه ولا لآ ومش هتلاقي حاجه

انا بصراحة مشوفتس الرادياتير الجديد بيبقى فى كرتونة شكلها ايه او ايه العلامات المميزة اللى تقدر بيها تفرقة عن اللى مش اصلى

MMamdouh