متابع باهتمام
متابع باهتمام
كل اللى أنت قولتة ماشى لكن موضوع البنزين دة هل حضرتك فعلا أنت اللى بتستخدمة فى العربية بتاعتك ولا حضرتك بتتكلم عن حد تانى .....دية أول نقطة
تانى نقطة .... أنت مش خايف مع الوقت البنزين 80 يعمل مشكلة للعربية حتى لو ما ظهرش حاجة دلوقتى الحمد لله .. وربنا يسترها معانا جميعا
انا مجربه بقالى شهر و العربيه مفيش اى فرق غير ان السحب قل شويه بسيطه
مظهرش عندى اى تسقيفه فى الموتور خالص حتى مع التكييف
شفت عربيات لانوس و فيرنا و اسبرنزا و لانسر بومه بتسخدم بنزين 80 و ماشيه اكتر من 150000 الف
اللوجان عربيه 8 صباب و بوجيهتها 2 شمعه بتحرق البنزين كويس اوى
غير ان الموتور تكنولوجيا قديمه و معمول حساب ان العربيه لدول العالم التالث
ده رأى يحتمل الصواب او الخطاء
بص هو فعلا أنا قريت كتير أن العربية مصممة لأستخدام بنزين قليل فى الأوكتان
بس فى حاجتين الصراحة تخلينى ممونش 80
1- لو حضرتك بصيت على ظهر غطا البنزين هتلاقى ورقة ملزوقة مكتوب فيها 91 - 95 - 98
2- أخاف ال 80 يبوظلى حاجة أو يسدلى الرشاشات لانو مبيبقاش موجود غير فى بنزينات تعبانة وطبعا اغلب البنزينات دى بتكون مش تمام
أنا بعمل بالعربيه حوالي 2000 في الشهر و بعمل كل الصيانات في مواعيدها في التوكيل و ما شاء الله حالتها زي ما هيا و مفيش أدنى مشكله من تشغيل التكييف على الإطلاق مع العلم إني بشغله بإستمرار و في كل أوقات اليوم تقريبا.
بسم الله ما شاء الله
ربنا يبارك للكل فى عربيته و يرزقنى واحده قريبا
ان شاء الله
على حسب ممكن اعدى ال 2000 فى الشهر
وممكن معملش حتى 1000 فى الشهر
على العموم عدادى لغايت دلوقتى عامل 35 الف وبقالهاا معايا سنه و 8 شهور تقريبآ
وتلت تربع المشى بتاعى فى شوارع زي الزفت
ولافيت بيهاا مصر من ساعة ما جبتهاا
والحمد لله العربيه مشتكتش
ومش بعمل صيانات فى التوكيل لانى بعملهاا بنفسى بره
غيرت فلتر هوا وتكييف وزيت .. وتم تغيير تيل الفرامل الامامى
+ تربيط عفشه + تزييت دواسة الدبريااج + شد فرامل اليد
والحمد لله العربيه مختلفتش عن الاول فى شئ
ده بالعكس اتحسنت وسحبهاا بقى احسن
مع العلم انى اكتر واحد حطيت بنزين 80 فى العربيه تقدر تقول مشيت بيه 20 الف