فكرة كانت جتلي لإجبار الناس علي ترك مسافات في الطرق السريعة

**MoToRiZeR** · 05-05-2008 09:03 PM

كتير من الناس بتفتكر انه دلع انك تسيب مسافة بينك و بين اللي قدامك و انت سايق في طريق سريع

بس ممكن اللي قدام ده يقف في أي وقت بضرورة او من غير ضرورة هو و مزاجه .. و الألعن ان ممكن فوانيس الفرامل عنده مش شغالة

فا فكرت في جهاز يكون بيشتغل علي السرعات بعد 60 .. يتثبت في الاكصدام الخلفي فوق النمر في كل عربية
يكون زي الباركنج سينسور كدة .. بيقيس المسافة بينك و بين اقرب جسم من الخلف .. و يتم تحديد مسافة قانونية يتم العمل بها
و اذا تم خرق المسافة دي .. الجهاز ياخد صورة فوتوغرافية للجسم اللي خلفه و هتكون الصورة دي فيها نمر العربية اللي وراك

و يكون من حقك تتقدم بشكوي ضده لتعريض حياتك للخطر

و الجهاز ده يشتغل بعد سرعة 60 لأن في الاماكن الزحمة صعب يبقي فيه مسافة كبيرة بينك و بين اللي قدامك
و الجهاز ده هيبخدم في الحد من الغرز و العمل بإشارات "وسع" و اجبارك بأنك توسع عن طريق انه يلزق نفسه فيك فا يرعبك .. يعني ممكن يضيف شوية نظام الي السيرك المصري (الشارع المصري)

طبعا دي فكرة خزعبلية و مستحيل تطبق في مصر .. بس يعني هي كانت جتلي كدة فا حبيت اكتبها

**TaoTao** · 05-05-2008 09:10 PM

فكرة جميلة وبسيطة وعملية وكل حاجة حلوة والله :)،

بس تنفع في دولة تانية يكون ماعندهاش جملة "انت عارف انت بتكلم مين؟"!!

**fahd_628** · 06-05-2008 01:57 AM

فكرة ممكن تتنفز و لكنها مش عملية دة كدة ممكن واحد كل شوية يفضل يفرمل و الى وراة يقرب منة و يقوم متاخد مخالفة

**MoToRiZeR** · 06-05-2008 02:17 AM

ممكن الجهاز يتوصل بالدايرة بتاعة فوانيس الفرامل بحيث لو اشتغلت ميشتغلش

**Dr Ahmed** · 06-05-2008 02:22 AM

فكر رائع ما شاء الله لكن الفكرة تحتاج مكان وظروف خاصة ، ما رأيك فى الفوانيس الزينون الجديدة التى تضئ بالخلف مع نور الفرامل وتعمى من خلفك ؟

**Karim_Monir** · 06-05-2008 11:55 AM

الفكرة الافضل
انك تجيب زرار في التابلوة اول ما تشغلة ينور نور الفرامل والانتظار اللي وراك هايفتكرك قربت تقف يتخط ويفرمل ويسيب مسافة
انا لو حد لزق فيا من ورا ومضايقني بضرب انتظار بيخاف ويبعد

**volcano12** · 06-05-2008 12:21 PM

المشاركة الأصلية كتبت بواسطة karim_monir

الفكرة الافضل
انك تجيب زرار في التابلوة اول ما تشغلة ينور نور الفرامل والانتظار اللي وراك هايفتكرك قربت تقف يتخط ويفرمل ويسيب مسافة
انا لو حد لزق فيا من ورا ومضايقني بضرب انتظار بيخاف ويبعد

ههههههه :) كنت بعمل كده فى الكورسا...

نور الضباب كنت بدوس على الزرار بطفى و أولع فى أكنى بدوس فرامل !!! هههههههه

**Dr Ahmed** · 06-05-2008 02:54 PM

المشاركة الأصلية كتبت بواسطة tutankhamoun

الحل الأمثل
تركيب مدفع ذو فوهتين .... أمامي و خلفي
و اللي يعمل غرزة من قدامك
تُطلق صاروخ عليه ياخدوه في ستين داهية
و اللي يبقى لاصق وراك .... برضه تُطلق صاروخ عليه و برضه يروح في ستين داهية

و بكدا

سيتحول 95 % من سائقي مصر إلى الأماكن اللي فيها الداهية

نيهههههههههههههههه

ههههههههههههههههههههههههه هههههههههههه

مش عارف أنا بضحك إزاى رغم القرف اللى احنا فيه بس فكرتك عجبتنى قوى

**GoldenManEye** · 25-05-2008 09:42 AM

فكرة جامده :)

بس مستحيل تتنفذ!

أنا نفسى فى العربية الـ BM بتاعت جيمس يوند اللى كانت تقريباً فى Tomorrow never die ! حبت الأشكال الغربية اللى كان بنزلها على الطريق يفرتك عجل العربية اللى وراه ! واللى يلزق و يستغبى أديلوه شويه :)

-

الموضوع: فكرة كانت جتلي لإجبار الناس علي ترك مسافات في الطرق السريعة

LinkBack

أدوات الموضوع

عرض

فكرة كانت جتلي لإجبار الناس علي ترك مسافات في الطرق السريعة - انشر الموضوع فى :

-

-

-

-

-

-

المواضيع المتشابهه

نهاية الطفحيط على الطرق السريعة ...!!

التثبيت مستمر على الطرق السريعة

الداخلية تحكم سيطرتها على الطرق السريعة

كل ما تريد معرفتة عن الاطارات و اداءها على الطرق الزلقة و مسافات التوقف الامنة

الكلمات الدلالية لهذا الموضوع

المفضلات

المفضلات

ضوابط المشاركة