شوية استفسارات عن سيراتو 2011 6 نقلات

في الأول احب اقول مساء الخير علي اعضاء المنتدي العسل ده
انا كان عندي شوية اسئلة ونفسي ملاك السيراتو يجاوبوا عليها
انا سمعت ان ثبات العربية مش قد كده علي السرعات العالية
وحكاية العفشة الناشفة دي ايه يعني في المطبات كويسة ولا متعبة (انا بتكلم علي جنط17)
وبالنسبة للمساعدين اللي ورا بيزيقوا فعلا زي ما الناس بتقول
و تكييف السيراتو عامل ازاي ياريت مقارنة كده مع تكييف اللانسر
بالنسبة للحساسات ممكن حد يشرح هي بتشتغل ازاي يعني ليها شاشة ولا صوت بس وياريت لو صورة او مقطع فيديو يوضح الموضوع ده
وفي الاخر لو انا عايز واحده اعلي مواصفات مين احسن معرض يبيعها وبكام

ازاي الموضوع ده منقول ومين --------------- اللي كتبه كده وعلي فكرة انا عمري ماشفت اي موضوع في المنتدي ده فيها الاستفسارات بتاعتي
وبعدين الموقع بتاعكوا كويس -----------------------------------------

موضوعك فى الاساس كان فى القسم التعليمى وبالتالى كان فى المكان الخطا والمشرف وضعه فى مكانه الصحيح
هنا فى قسم كيا حتى تحصل على اجابتك من ملاك السيارة بانفسهم ...ولكنك تسرعت فى الحكم وتطاولت على المشرفين
والادارة والذين هم فى الاساس فى خدمتك وخدمة الاعضاء .

تم ايقاف عضويتك لارتكابك افعال مشينة

مشرف7ب
22/7/2011
3.10am

اقتباس:

---

المشاركة الأصلية كتبت بواسطة mr_x

في الأول احب اقول مساء الخير علي اعضاء المنتدي العسل ده
انا كان عندي شوية اسئلة ونفسي ملاك السيراتو يجاوبوا عليها
انا سمعت ان ثبات العربية مش قد كده علي السرعات العالية

متفاوته من واحد للتانى هل هو مربط العفشه كويس و الا لا هل حالة الكاوتش و ضغطه مظبوطين و الا لا .و المساعدين و استعماله هو هاينها و الا لا و الجنوط معوجه و الا مظبوطه ,و بالنسبه للعربيه الجديده اللى مفيهاش مشاكل من دى ,العربيه بتلم نفسها بسرعه من مطبات الهوا ,و لو عومت منك مثلا فى اديق الظروف بتلم نفسها بسرعه مش زى باقى العربيات و كده ,انا كنت بجرى بيها ايام الثوره لما قالوا ان فى بلطجيه على الدائرى و القلق ده :و كنت بجرى 170 و باخد بيها غرز غبيه لانى كنت بجرى و انا خايف و مستبيع :من اقصى اليمين الحاره 1 الى 4 الى 1 الى 4 الى 1 الى 4 على 170 و الله و الطريق مكنش فاضى ,و فجاة قفلت عليالا الغرزه مره وحده و انا فى الحاره التالتهو داخل على الرابعه ,اتغابيت و دوست فرامل جامد جد و كبست و الدركسيون كان ملفوف ,و الله العظيم انا احمد ربنا انها متقلبتش بيا ,اللى حصل انها عملت دريفت على 170 و الله العظيم و حظى الحلو او نقول ستر ربنا انها خدت غرزهو دخلتنى الحاره الرابعه و الاخيره ببوز العربيه و الدائرى كان لافف شمال كمان فى اتجاه الدريفت .و الله العظيم عملت دريفت رهيب و فضلت مسافه بينى و بين السور تقريبا نصف متر او اقل ,و لمت نفسها لما كلبشت فى الدركسيون و عدلته و قفشت فيه ,ظبطت و مشيت عدل و بصيت فى العداد لقيت السرعه قلت بقت 120 و كملت باقى الطريق و الحمد لله على كل شىء
و الله العظيم الدريفت ده كان عاوز يتصور مع انى مكنش قصدى اصلا بس كان بيفكرنى باللى بيعملوه بالسوبارو امبريزا ,حاجه كده قريبه .و جبت بيها 200 و 205 على الدائرى و طريق مصر اسكندريه الصحراوى بعد التجديد و كانت للتجربه و اخدت بيها غرز على 200 يوميها بس غرز عاديه و الطريق كان فاضى ,و لكن كنت خايف جدا و مش مطمن لانى كنت اول مره اجيب السرعه دى و مكررتهاش لانى حسيت انها خطر اوى و لازم تبقى مركز جدا لان الغلطه بفوره .زى اللى كان هيحصلى زى ما انا كتبت فوق ,الملحوظه التانيه انها على السرعات العاديه بتعوم من مفارق الكبارى و فى عضو غير الكوتش و جاب مقاس اتخن سنه و هو 225/45/17,و المشكله اتحلت و كمان النشوفيه بتاعة العفشه اتحلت كمان

وحكاية العفشة الناشفة دي ايه يعني في المطبات كويسة ولا متعبة (انا بتكلم علي جنط17)
معقوله بالنسبه لاى جنط كبير زى ال 17 ,انت بس تظبط الضغط بتاع الكوتش على 32 نيتروجين و تربط عفشه كل 5000 كم و تاخد المطبات شويه على الهادى و ان شاء الله هتلاقى العربيه معقوله فى الحته دى لان ده اللى بعمله و معايا الجنط ال 17
وبالنسبة للمساعدين اللي ورا بيزيقوا فعلا زي ما الناس بتقول
لا الحمد لله محصلتش معايا و المفروض اللى تحصل معاه يروح التوكيل يبوصلوا عليها و ممكن يكون الصوت من حاجه تانيه اصلا و الله اعلم

و تكييف السيراتو عامل ازاي ياريت مقارنة كده مع تكييف اللانسر
التكييف جيد جدا بس لازم تشغله بطريقه معينه عشان تاخد اقصى جوده و كفائه منه :
اول ما تركب العربيه تفتح كل الزجاج و تهوى العربيه و تدور العربيه و تشغل التكييف عشان يساعد فى التهويه و كده ,و يكون تدوير الهوا من الخارج ,و بعد دقيقه او نصف دقيقه اقفل الازاز كله و اخرج لمع العربيه ,و اركب تانى هتلاقى التكييف بقى احسن بكتير و بيبقى اقوى لو انت ماشى على سرعه كمان (يعنى لما تتحرك بالعربيه بيسقع احسن كمان اكتر بكتير)و يا سلام بقى لو انت اصلا راكن فى الظل هتلاقى العربيه بتسقع بسر عه اوى .و متنساش تظبط فتحات التكييف كويس لانها بتفرق جدا فى الاحساس بالحر او بقوة التكييف ,اظبطهم اللى فى النصف يبصو على الكنبه و خليهم فى النصف مش فوق و لا تحت ,و اللى جنبك و اللى عندك اظبطهم على وشك او زى ما يريحك ,و ان شاء الله هتلاقى نتيجه كويسه
تكييف الانسر مجربتوش فمش هعرف اقارن بس اسمع ان تكييف اليابانى كله كويس جدا او ممتاز

بالنسبة للحساسات ممكن حد يشرح هي بتشتغل ازاي يعني ليها شاشة ولا صوت بس
شاشه فى التابلوه و صوت و صوره كمان
و الموديلات الجديده نازله بشاشه فى نصف المرايه و كاميرا خلفيه و اضاءه للكاميرا و و اشارات و مسافات و كده يعنى 100% سهله جدا

وياريت لو صورة او مقطع فيديو يوضح الموضوع ده
وفي الاخر لو انا عايز واحده اعلي مواصفات مين احسن معرض يبيعها وبكام

---

احسن معرض جابر عبد الشهيد و افضل سعر اوتو سمير ريان
و لو انت تعرف حد معرفه شخصيه معرض جنبك مثلا يعنى يبقى احسن
بكام بفى انا مش عارف بصراحه ممكن نتقابل و ننزل نلف شويه