المشاركة الأصلية كتبت بواسطة swimmer25
الكلام ده غير صحيح أوي
- اللحمة هي الحاجة الوحيدة اللي أرخص من مصر..ودي مش اللحمة المصري
اللحمة الهندي هنا ب 26 درهم يعني 41.5 جنيه
اللحمة الاماراتي ب 29 درهم يعني 48 جنيه
اللحمة المصري علي ما افتكر لاني مشترتهاش لانها غالية ب 53 درهم يعني 85 جنيه
وفي مصر ب 55 جنيه ال 60 جنيه ...ده في المناطق الشعبية مش بتكلم في مدينة نصر وكده
- الحاجات الاستهلاكية التانية (البقالة) اما بسعر مصر أو أغلي وانا ممكن أكتبلكم كل الاسعار وتقارنوها بمصر
مثلا اللبن هنا ب 5 درهم يعني 8جنيه...في مصر بالكتير اوي احسن الانواع ب 7.5 والبلدي ب 6
- الخضار هنا في الامارات تقريبا زي مصر او اعلي كمان ده غير انهامالهاش طعم خالص زي خضار مصر (احمدوا ربنا اننا بناكل اكل طعمه جميل)
ولكن الطماطم لا
هنا الطماطم نوعين: مستوردة ودي بتدخل في 20 درهم يعني 32 جنيه وفيه مرة جبتها لاني مكنتش لاقي غيرها وده كتير
طماطم محلي ودي ب 2.5 درهم يعني 4 جنيه بس مش عايز اقولم شكلها ايه .. طبعا مش حمرا خالص لاني بقعد انقي فيها ربع ساعة عشان احاول بس اجيب لون اقرب للاحمر
- الفاكهة في الامارات غالية جدااااااااااا أغلي من مصر بكتير لان معظمها مستوردة ماعدا مثلا التفاح زي مصر
- الملابس أغلي في الامارات بس يمكن أحسن جودة...يعني قيمتها اكبر فعلا
- الاجهزة الكهربائية والموبايلات ارخص من مصر بصراحة...ودي الحاجة الوحيدة اللي فعلا تحس انها ارخص بس ده مش مقياس للسلع الاستهلاكية
لو حد عايش في الامارات يأكد علي كلامي بس:
إيه بقي لازمة الموضوع المغالط اللي هي كتبته ده ؟