- في التسعينات أثناء الأزمة الاقتصادية الحادة لدول جنوب شرق آسيا، كان يوجد إعلان يومي في جريدة بإحدى الدول المنكوبة اقتصادياً عبارة عن صورة زر إغلاق باب المصعد مكتوب تحتها "من فضلك لا تضغط هذا الزرـ سيغلق الباب تلقائياً"، كانوا بيوفروا في الكهربا لدرجة ضغطة زر الأسانسير!!
الحدث ده بافتكره يومياً لما باخد المصعد عشان اطلع مكتبي، باتفقع .. الواحد من دول يدخل المصعد ويدوس على الزر ده ثلاث أو أربع مرات قال يعني مستعجل !! مع إن الباب بيقفل في نفس الوقت سواءً ضغط هذا الزر أو لم يضغط، حتى أنني اتسائل عن سبب وجود هذا الزر داخل المصعد.
- اللي يفقع اكتر إن واحد في الدور الثالث مثلاً ويوقف المصعد ويستناه عشان ينزل التاني أو يطلع الرابع !! وقت الانتظار للمصعد أطول -في المتوسط- من إنه يطلع أو ينزل الدور على رجليه !!
- واللي يفقع اكتر واكتر لما تكون مجموعة مستنية المصعد وييجي مصعدين في نفس الوقت، ومع إن مصعد واحد يستوعب المجموعة المنتظرة مرتاحين، تلاقي واحد أو اتنين راحوا على مصعد تاني ويطلعوا باشوات ويسيبوا باقي المجموعة اللي معاهم في المصعد التاني!!، ويبقى كدة استهلكنا ضعف الطاقة اللازمة لنقلهم !!!
ياترى ده تفسيره ايه؟ استهتار؟ استسهال؟ عدم الحرص على المال العام؟ مش عارف
المفضلات