الموضوع: هل إحنا فعلا بنتطرد من البلد ؟!

انتماء ايه يا جماعه اللي انتم بتتكلموا عليه

لما تلاقي السفير الكندي بكل جرأة بيقول
ان موضوع مصنع السماد بتاع دمياط مصروف عليه 250 مليون دولار رشاوي لموظفين كبار في الحكومة

لما تلاقي ابن بلد الذي يدعي ذلك وماسك منصب كبير بيبيعك ويبيع بلد كامله وشعب علشان يموتوا بالتلوث او يصابو بعاات وتشوهات في خلفتهم كلها علشان شوية فلوس هو مش هيعرف يصرفها طول ما هو عايش من كترها

حسبي الله ونعم الوكيل

والله بجد الواحد مهموم من الموضوع ده بالذات
لأنها قذارة ومفيش كبير يقول هاتولي الناس دي لما احاسبهم
لأنهم كلهم في نفس المشكلة وهيا حب الدنيا وكراهية الموت

ولا حول ولا قوة الا بالله

اللهم ما ارحمنا وادخلنا فسيح جناتك

قال تعالى
بسم الله الرحمن الرحيم
(قالوا فيمَ كنتم قالوا كنا مستضعفين في[FONT=/'Tahoma/'][/FONT][SIZE=/'2/']الأرض قالوا ألم تكن أرض الله واسعة فتهاجروا فيها )[/SIZE]
صدق الله العظيم

يا جماعه هو فعلا" اي مكان تاني هيبقي احسن من هنا وربنا يرحمنا جميعا"

انتماء ايه يا جماعه اللي انتم بتتكلموا عليه

لما تلاقي سفير كندا بيقول بكل جرأة ان مشروع مصنع الأسمدة بتاع دمياط مصروف عليه 250 مليون دولار رشاوي لبعض مسؤولي الدولة

لما تلاقي ابن بلدك الذي يدعي ذلك ويدعي الوطنيه والمهلبية بيبيع اهل بلده وشعبه وبلد كامله وشعب كامل علشان شوية فلوس هو ليس في حاجه لها ولو قعد يصؤف فيها طول عمره هو مش هيخلصها

تبقى تقولي انتماء

لما اطفال هتتأثر بالتلوث ده واطفال لسه لم تولد تطلع مشوهه علشان تلوث اقل من كده بكتير
يبقى المصنع هيعمل ايه في الناس
لما يدولهم كميه مياه اد كده
وياتي الموظف المحترم يعمل لواحد صاحب محل غلبان محضر علشان بيرش ميه امام المحل بتاعه

دي بلد بنت تيتتتتتتتتتتتتتتتتتتتتتتت تتتتتتتتتتتتتتتتتتتتتتتتت تتت

وناس ولاد تيتتتتتتتتتتتتتتتتتتتتتتت تتتتتتتتتتتتتتتتتتتتتتتتت ت


يا اخواني نحن على مشارف انهيار وانفجار مع الانهيار
وناس دي شكلها مش متخيله الوضع لأنهم مالهومشي فيها اصلا

وانتظروا الانفجار قريب

المشاركة الأصلية كتبت بواسطة sss

أنا معاكوا جميعا ان الوضع من أسوأ ما يمكن وان مفيش بارقة امل و ان الفساد طاغي ومفيش عدالة ولا ادمية و......و......و.......وكل الواقع اللي أحنا عايشينه كل لحظة من لحظات حياتنا
محدش فينا "الشباب المتعلم المثقف عماد الطبقة الوسطى" ما بيفكرش في السفر لكن دائما بيكون الدافع انه يخلص بنفسه وبالكتير اوي بأسرته و اهله
لكن محدش وأنا منكم بيفكر في الناس اللي هايسيبهم وراه في" الجحيم "لكن كنت بسال نفسي دايما لو انا بحب البلد دي وهي بالوضع ده و سيبتها و سافرت انا و غيري وغيري من الشباب مين اللي هيفكر في الغلابة؟
مين اللي هيبقى في أيده انه يغير واقعهم المشؤم ده اذا كنا احنا اتخلينا عن مسؤليتنا؟
مين اللي هيرحمهم لما كلنا نسيب البلد و نطفش ؟
الفلاح الغلبان و لا العامل الفقير ولا الموظف اللي على المعاش و لا ولا ولا
لو كل واحد عنده فرصة للسفر سافر و خلص بنفسه هيرجع بعد خمسين سنة يلاقي الحال زي ما هو او اسوأ "و معتقدش انه حيبقى سعيد بده مهما كان النعيم اللي هوه فيه بره"وده اللي حصل مع كل اللي سافروا قبل كده
ان مكناش احنا اللي هنعاني النهاردة عشان نبدأ نغير .....ولادنا واحفادنا هما اللي هيعانوا بكره وهتبقى مشاكلهم اكبر
صحيح الوضع دلوقتي شبه موقف من المواقف المستحيلة اللي كان أدهم صبري بيبقى فيها لكن كان هو اللي في الاخر بينتصر:D:D:D:D:D
كلنا فاهمين غلط ان البلد عشان تنصلح لازم التغيير يبقى من فوق لكن سنة الله في الكون غير كده "ان الله لا يغير ما بقوم حتى يغيروا ما بأنفسهم" يعني التغيير لازم يبقى من تحت لفوق
كل واحد فينا لسه في اول حياته و لازم كل واحد يبص لنفسه الاول هل هو سبب في جزء من غضب الله عز وجل علينا الجواب : انا اولكم نعم والف نعم
ربنا اكرمنا بالاسلام و احنا اللي ذلينا نفسنا بالبعد عنه و ارتضينا لنفسنا فكر و ثقافة و سلوك مش بتاعنا
ابسط دليل على كلامي هو حال الشارع المصري هل كل اللي احنا بنعاني منه ده مش غلط مننا احنا في بعضنا بعيد عن المرور و النظام و كل الكلام ده
انا شايف ان كل واحد فينا لازم يغير من نفسه و اسرته على الاقل و يعمل حسابه ان يصلح على أد ما يقدر في بلده سواء كان هنا او بره يعني حتى لو سافر فعشان يبقى عنده قدرة اكبر على التغيير قدرة مادية او علمية او حتى اجتماعية
يعني لو واحد زيي طالب طب سافر بعد ما اتخرج يأهل و يقوي نفسه ماديا و علميا وخد ماجيستير و دكتوراة في خمس سنين او عشر سنين اكييد و رجع بنية الاصلاح هيبقى احسن من اللي قعد هنا و معملش حاجة و بالتأكيد احسن من اللي هاجر بره و ساب الناس اللي مقدرتش تسافر بتعاني
اسف على التطوييل لكن يمكن يكون كلامي في شئ من التذكرة ليا و لاخواني هنا قبل ما البلد تفضى او تنفجر و ساعتها ......... لن يجدي البكاء على اللبن المسكوب

ياااااااااااه
تصدق بالله
كنت باقول الكلام ده (عن اقتناع تام) لحد امتياز
و يوم بعد يوم بدأت الحقيقة نكشف وجهها القبيح , القبيح جدا.........جدا
و يوم بعد يوم بحثت عن بوادر الأمل
و قررت أن اصلح ما بنفسي
و يا ليتنى مافعلت
فالشئ يعرف بضده , كلما استقمت اكثر , كلما رأيت انحراف الآخرين أوضح
و كلما كنت مؤدبا أرى قلة أدب و ذوق الناس
و عاما بعد عام
لم يعد الوجه القبيح يتجمل
بل طل على بكل قذارته
و نسف كل كلمة مما قلته في اضافتك الثمينة من عقلي
و قتل آمالي و أحلامي في هذا البلد
و ادركت انه لا فائدة
لست متشائما نهائيا , ولكن التفاؤل له حدود ....حدود الواقع الذي لا تستطيع تغييره كفرد
ولن تستطيع الانضمام لمن يستطيعون تغيير الواقع
و لو استطعت ان تنضم اليهم فهذا يعني انك لن تهتم بتغيير الواقع لأنك لن تكون انت
انا اسف
بس مفيش فايده:(:(:(:(:(:(:(