الموضوع: اعدموا حازم عبد العظيم أو اصلبوه في ميدان عام!

السلام عليكم ورحمة الله وبركاته أولاً أنا ما نزلتش ميدان التحرير أثناء الثورة نزلت أيام تانيه بعدين ويارب ما حدش يقول إن الرجاله بس هما إلي نزلوا والباقي ........
بس الحكم على د.حازم ما يبقاش من خلال نزوله الميدان ولا لأ ، لأن الراجل ده إشتغل في العديد من الشركات العالمية ، وجاب شغل لمصر من بق اللأسد زي ما بيتقال وخلي لينا مكان في مجالات ما حدش دخلها قبل كده ، ومش معني إنه كان بيقوم للوزير يبقي فاسد او منافق ، مين فينا مكانش بيقوم لرئيسه في الشغل قبل ولابعد الثورة دي مسألة إحترام مش اكثر ، بالنسبة لمواضيع التعاون مع إسرائيل ومش إسرائيل فدي حكايات تقنية يطول شرحها نتيجتها في الآخر حاجة نفعت مصريين وشغلتهم بدلاً ما الشغل ده يروح إسرائيل وخلي لينا اليد العليا أمام ناس كثير(دول آخرى) ده مني انا شخص جوه الدائرة دي والحمد لله عارف إلي بيحصل فيها .
أنا عمري ما إتدخلت في مواضيع سياسية بس قولت شهادة حق أتحاسب عليها أمام الله وياريت نبطل نبدي أرئنا الشخصية في الناس إلا نتيجة تعامل مباشر . أو نقوم بإطلاق كلامنا على العام ولا نخص به أحد
إحترامات