يا ريت حضرتك توضح سبب اختيلرك لل elentra
السلم عليكم
انا كنت بتصفح و اريت الموضوع بتاع حضرتك . انا اسمى هشام
بالنسبة لاختيارات اللى حضرتك عرضتها , اللانسر 2011 الان ك quality مش زى زمان بتاعت 2009 بسبب ال finishing بتعها و الخامات المستخدمة الان فى صناعة السيارة اللانسر .
elantra انا مش بحبها لاسباب شخصية و نفسية ملهاش علاقة ب اداءها او حاجة بس فى ناس بتشكر فيها جدا جدا .
chevrolet cruze for the price tag اللى حضرتك ذكرتها هى الاختيار الانسب .
ملاحظات شخصية :
chevrolet cruze سيارة عامة و اوبشن حلوة جدا , بس يرجى الاحاطة بشئ . المفروض ان الكروز كانت تنزل ب موتور ECOTEC مش E-TEC II بتاع الاوبترا . الموتور حلو على الاوبترا . و بصراحة معنديش استعداد احط مبلغ زى ده على بمعنى اصح اوبترا من الاول للاخر بس معمول ليها تغير شاسيه الشكل الخارجى فقط.
نقطة ان الكورى مش بيعيش دى عندى عليها تعليق مع احترامى الكاااااامل لجميع الناس هنا فى المنتدى . الكورى بوجه عام , تاخد بالك من السيارة كويس جدا و ترعيها , هتعيش معاك حلو. الحاجة اللى بعيب فيها هو ان الكورى اذا ظهر مشكلة مثلا مثلا مثلا فى مسمار فى العفشة , بيسممع فى كل اجزاء السيارة و هيخليك تشخص المشكلة اللى عندك فى بعض الاوقات غلط و تقول ان ده مثلا مثلا الدركسيون فى حاجة غلط و فى هذه الحالة ملكش غير التوكيل عسان لو مكانيكى هقولك الله يرحم السيارة .
اذا كان امامك اختيارات يابانية يبقى احسن . لكن اذا انت عايز حاجة من اختياراتك , انا ارشح chevrolet cruze احسن حاجة فيهم و شياكة و مبروك مقدما و ربنا يباركلك في اى حاجة تجبها .
النترا تتفوق على الكروز فى الاتى
استهلاك البنزين - العفشه الاريح - البور الكهرباء الاخف - الموتور الاقوى والاحدث والانعم 130 حصان
الشكل الاحدث - التكنولوجيا المتقدمة جدا - قلة الاعطال - الاوبشن الاكثر - سهولة الصيانة - انتشار قطع الغيار - اعادة البيع
طبعا اسعار الالنترا فيها استهبال جامد لاكن عامتا كل العربيات فيها استهبال فى الاسعار فتعتبر الالنترا احسن الوحشين
و عليكم السلام و رحمة الله
الإختيار إلنترا طبعا بدون نقاش
حضرتك أتفرج عليها و شوف خامات العربيه و شكلها و و الوسع لو عجبتك يبقي العربيه فازت بنقاط العامل النفسي اللي هو القبول العام (علي فكره أنا أتفرجت علي العربيه في أكثر من فئه العربيه متقنه في التقفيل و خاماتها عاليه ) و أظن من ركوبي لمعظم العربيات المذكوره في الموضوع إن مفيش عربيه تتساوي معها
الموتور جديد كليا موفر في البنزين صوت يكاد يكون معدوم أداء أكيد هايبقي رائع (لسه مسوقتهاش و الكلام إستنتاج من الأرقام المعلنه و تقييم من أشتراها قبل ما يلين حتي)
الفتيس جديد بـ6 سرعات مفيش كلام عليه و شبيهه متجرب في أبنة عمها السيراتو
نيجي للسعر مقابل القيمه و ده عامل مهم و المشهور عن هيونداي إنه مبيقلش كتير و الدليل علي كده الموديلين السابقين و شوف أسعار الإلنترا 2006 مستعمل أعلي من سعر حاجات فرنساوي أغلي منها زيرو و أحدث بسنتين أو ثلاثه
قطع الغيار إن شاء الله علي نهاية العام هاتكون معظم إن لم يكن كل قطع الغيار موجوده في معظم محلات قطع الغيار و الأسعار بتبقي أقل أسعار الفئه في السوق
التوكيل و دي النقطه المهمه : أنا معايا ثلاث عربيات هيونداي أي شئ بيحصل فيهم (حاجات بسيطه) بيتغير من جذوره بدون نقاش و بيتحمل علي الضمان الحمد لله
المصنعيات قليله و فيه مراكز خدمه معتمده منتشره في محافظات مصر
أنا شايف بعد ركوب عربيات كتير إن غبور بيقدم خدمه جيده بالنسبه للأعداد المهوله من العربيات اللي بيتم خدمتها في اليوم و ده مش موجود في توكيلات تانيه بتدفع العملا في فترة الضمان ثمن كبلن أو توكيل تاني بيدفعهم ثمن علبة دركسيون و بيساوم في نص ثمن القطعه
نتمني لك التوفيق
تم بحمد الله
الكروز هى اللى كسبت