الموضوع: الغاء رفع اسم مبارك من الميادين و المنشأت الحكومية

المشاركة الأصلية كتبت بواسطة dr-mohamed

يا ريت الاخوة اللي دخلوا في الموضوع وكل واحد فيهم بيهاجم حكم المحكمة او بيسئل ليه تم نظر الدعوي امام محكمة استئناف القاهرة للامور المستعجلة يسئلوا محامي الاول قبل ما يتكلموا ويهاجموا المحكمة او ممكن يسئلوا طالب نجح في تالتة حقوق وهو يعرفهم ان كل كلامهم غلط
1- تم رفع الدعوي من البداية امام محكمة الامور المستعجلة بطلب حذف الاسم ووافقت المحكمة
2- استانف البعض الحكم امام محكمة استئناف الامور المستعجلة - يعني المفروض يستانف مثلا امام محكمة النقض ؟؟؟؟؟ -
3- حكمت محكمة مستانف الامور المستعجلة برفض الدعوي شكلا واحالتها الي محكمة القضاء الاداري لعدم الاختصاص وهو عيب يتعلق بالنظام العام
4- يا ريت نعرف الخلفيات الاول قبل ما نهاجم
وبلاش ندخل المجلس العسكري ونتهمه باتهامات غير لائقة في وسط الكلام
وشكرا

اكيد يا دكتور كلام حضرتك كله تمام .
بس مش كل الناس دارسة قانون المرافعات .وبتهاجم عن عدم علم باجراءات وقوانين النقاضى .
واؤيد حضرتك الراْى طبعا .لانها امور خاصة بقانون المرافعات .
يعنى الخلاصة كده .رفض المحكمة لعدم الاختصاص واحالة الدعوى للمحكمة المختصة ,وهى محكمة القضاء الادارى .
يعنى المحكمة عملت كده مش حبا فى الرئيس السابق او باقية عليه يعنى
وطبعا شكرا لتوضيح حضرتك لباقى الزملاء

المشاركة الأصلية كتبت بواسطة hash_mafia

قررت المحكمة قبول الاستئناف رقم 418 و430 لسنة 2011 شكلاً، وفى الموضوع إلغاء حكم محكمة أول درجة برفع اسم مبارك من الميادين لعدم اختصاص المحكمة ولائياً بنظر الدعوى وإحالتها لمحكمة القضاء ومجلس الدولة للاختصاص وحددت جلسة 4 أغسطس لنظر الدعوى.

الأمر كدا واضح؟؟؟؟ بلاش غلط في القضاء أو في أي مؤسسة أو أشخاص بدون فهم!!!

للاسف يا ا هاش اللى ميعرفش يقول عدس ومعظم الشعب دلوقت بيقول عدس وبيهاجم اي حد لاي سبب وخلاص ما احنا في ثورة بقة