يعنى مثلا انا شوفت النهارده واحده 250 عاده ماشيه 24 الف
فمش عارف ده كتير ولا قليل
فعاوز اعرف رائيكم ؟؟
انهى رقم كيلومترات لو وصلتله البايك متفكرش تشتريه
يعنى مثلا انا شوفت النهارده واحده 250 عاده ماشيه 24 الف
فمش عارف ده كتير ولا قليل
فعاوز اعرف رائيكم ؟؟
انهى رقم كيلومترات لو وصلتله البايك متفكرش تشتريه
مبهتمش بالرقم انا مره اشتريت سوزوكي gsxr 1000 كانت ماشيه 58000 مايل وكانت كأنها زيرو بمعنى الكلمه مع انها كانت مويل 2004
اغلب الي في مصر بيقلبوا العداد ولا التيت
اهم من عدد الكيلو مترات
الحاله
بمعنى
غيار الزيت ف معاده
والفلاتر ف معادها
و الصيانه بقطع غيار اصليه
كده
ممكن البايك يعيش عدد لا نهائى من الكيلو مترات
وبخاصه الموتوسيكلات الكاستم
انا كان معايا فيراجو ماشى بيها 75000 كيلو
طيب جميل جدا
بس يعنى مش ممكن تفرق لما يكون مكنه صغيره 250 يعنى
يأثر عيلها عدد كيلومترات كبير ؟؟
وعندى استفسار
عشان اركب السلايدرات اللى عالجنب دى بيتخرم فى الفيبر صح ؟؟
الاخرام دى مش بتأثر على البايك او سعره ؟؟
فيه سلايدرات بتتركب من غير ماتخرم ف الفيبر
كل ما كانت المكنه اقل في السعه اللتريه كل ما كانت عمرها الافتراضي اقل بالنسبه للمشي بتاعها وده علشان انته لما بتمشي مثلا بيها علي 180 بتبقي علي لفات موتور اعلي ممكن توصل للريد لاين في ال 250 او ال 400 مثلا بينما في ال 1000 مثلا ال 180 دي بتمشيها علي لفات موتور لا يتعدي النصف من عدد اللفات الافتراضي وبكده بتبقي المكنه ماشيه بنصف حمل الموتور وبتبقي مرتاحه خالص وكمان في الرفع او الحرق لما تكون المكنه حجمها صغير هتضطر ترفع او تحرق علي لفات عاليه خالص بعكس المكن الاكبر ال 1000 والاعلي مثلا وبخصوص السلايدرات في سلايدرات ممكن تطلبها من بره مش بتحتاج تخرم في الفيبر بتاع المكنه ولكن لو اضطريت تركب سلايدرات من المتوفره في مصر وخرمت الفيبر يبقي خلي السلايدرات راكبه مكانها علشان شكل الفيبر بيبقي مش حلو هو ومتخرم ولكن لو السلايدر موجود بيكون عادي خالص والي بيشتري بحس ان في حاجه زياده في المكنه
يعنى مثلا استحالة يقعد البايك مثلا cb400 لو الواحد محافظ عليه 100.000 كيلو متر
لا طبعا مستحيل يقعد ١٠٠ الف ازا كان المكن الالف علي ٧٠ الف و٨٠ الف وبيبقي عاوز توضيب خلاص