تركيب الفامية للأهمية وليس للمنظرة او التكييف

اولا السلام عليكم ورحمة الله وبركاته

ربنا يستر طريقنا جميعا

بس في عيب عندنا في عربيتنا الأبيزا كنت متخيل انهم عمله علاج ليه لكن يبدو ان السيناريو واحد
وهو زجاج السيارة

انا شخصيا عربيتي 99 ونازلة بزجاج مكتوب عليه ابيزا وتحتها سيكوريت

الزجاج السيكوريت جميل جدا لأنه لما بيتكسر مش بينزل الواح ولكن بينزل بشكل السرطاني اي بينزل فتافيت، بس للأسف جماله دة لو كان لواجهة محل او باب عمارة او ماشابه لكن في العربيات فهو سلاح قاتل

وحط خطين تلاتة تحت سلاح قاتل
لو لا قدر الله الزجاج الأمامي هو الي اتكسر معاك بالشكل السرطاني وانت ماشي يبقي ربنا يحفظنا ممكن يدخل فعينك او الف بعد الشر فعين حد من ولادك او المدام (اياً كانت درجة حبك للمدام)

وعلي هذا
انا من هذا المنبر بنادي بضرورة تركيب الفامية الخفيف اول درجة واعتقد درجته اسمها "LL Black" ودة مش هيبان تماما انك مركب فاميه ولكن هيلعب دور الفيلم الواقي من موقف زي الي حصل لأحد اصدقائي في هذا المنتدي وهو أحد الأعضاء الفعالة وليه موضوعات متميزة جدا وكتب موضوع ينبه فيه عن كسر زجاج سيارته ودة لينك الموضوع بتاعه http://www.nilemotors.net/Nile/23424...post3873671917

وعيب الزجاج السيكوريت انه ممكن يتكسر لوحده دون ادني تحذير او مقدمات وممكن من اختلاف درجات الحرارة وممكن من شدة ضغط الهواء عليه مع السرعات او لو قافل الزجاج ودرجة الحرارة مرتفعة وبالتالي هترتفع درجة الحرارة بالداخل ودة هيزيد من الضغط

انا شخصيا هركب الفاميه في اول فرصة لحين اني اركب الفيلم الحراري العاكس لأشعة الشمس

الهم اني بلغت الهم فاشهد

والله المستعان
،
،

هو الفاميه الغامق او اللي بيتحط علي الشبابيك الجانبية وبيكون لونه غامق ده فعلا بيخلي حرارة الشمس متخشش جوه العربية؟ اصل دايما رابطة معاايا ان الالوان الغامقة هي اللي بتجذب الشمس لجوه العربية زي التي شيرت الاسود ولا ايه؟