16-24-27-32-35-40-43
حد عنده فكرة ايه المتوالية العددية الغربية دى وايه اللى يربط الأرقام دى ببعضها
هذا ليس احد اسئلة الذكاء ولا سؤال فى برنامج من سيربح البنطلون ولا اى حاجة
لكن المتوالية العددية دى تمثل الأرقام اللى مستخدمى بنزين 92 هيبرمجوا نفسهم عليها فى الفترة القادمة بعد تطبيق الأسعار الجديدة
16 لتر تمنهم تسعة وعشرين جنيه وستين قرش ، يعنى تلات ورقات بعشرة فيهم 40 قرش للعامل
24 لتر تمنهم اربعة واربعين جنيه واربعين قرش، يعنى ورقتين بعشرين وورقة بخمسة او ورقة بخمسين يرجعلك منها خمسة وياخد 60 قرش بقشيش
27 لتر تمنهم 49 جنيه و 95 قرش، يعنى ورقة بخمسين مقفولة، تحط عليها الفكة اللى انت عايزها للعامل او متحطش انت حر
32 لتر تمنهم 59 جنيه و20 قرش ، يعنى تلات عشرينات او خمسين وعشرة، وفيها 80 قرش للعامل
35 لتر تمنهم 64 جنيه و75 قرش، يعنى خمسة وستين (شكلهم زى ما تحب) فيهم ربع جنيه للعامل
40 لتر تمنهم 74 جنيه، يعن 75 فيهم جنيه للعامل
43 لتر تمنهم 79 جنيه و 55 قرش ، يعنى 80 فيهم 45 قرش للعامل
ياللا احفظوا معايا
16-24-27-32-35-40-43
ولنترحم جميعا على ايام العز ، وندعو الله ان يأخذنا من هذة الدنيا قبل ان يحل علينا يوم لا نجد فيه تمن رغيف فاضى نسد بيه جوعنا او بنطلون نستر بيه جتتنا (وهو قادم قريبا بلا ريب قولوا آمين)
