قصه تغير كاسيت الافيو ببايونير deh-9350sd

بسم الله الرحمن الرحيم..

السلام عليكم ...

- في الموضوع البسيط ده هقدم للاعضاء قصه كفاحي في تغيير كاسيت الافيو ..(ببساطه الكاسيت اللي فيها ده مش كاسيت ..ده ترانزستور صوته مستفز..)

ما علينا ..المهم..

- بدأ الموضوع من اول ما جيت استلم العربيه و لقيت فيها كاسيت بشرايط..! و كمان مفيهوش aux ..و تهزييئ للراجل اللي بيسلمني العربيه و انا بقولو عربيه فول اوبشن حاطنلي فيها كاسيت بشرايط و الازاز اللي ورا بكره ...!:angry26:

برضوا ما علينا ..

- بدأت رحله المعاناه..الصوت وحش اوي ..و لاني مكنتش فاهم قولت اشطه اقديها ب FM Modelator ب 35 جنيه و الدنيا هتظبط..

طبعا الدنيا مظبتش و الصوت كان سئ جدا جدا..:17:

- قولت ده اكيد من السماعات.. غيرتها بجوز بايونير 16 سم.. 3way..و كانو سعتها غالين ب 320 جنيه.. وده الموديل TS-A1672S..و لما فكيت لقيت السماعات اللي ورا اللي راكبه اصلا مصري..!:angry26:

- برضوا الصوت زي الزفت..:17:

- قولت اعمل مباحثات علي النت و اشوف اجيب كاسيت ايه و طبعا ..بالصدفه عرفت ان موش هنا علي المنتدي ! ..لانه اصلا صاحبي من قبل ماعرف انه هنا علي المنتدي..!

- طبعا نزلت قعدت ادور في الاول علي الموديلات الدبل لاني مكنتش مقتنع ب شكل السينجل علي التابلوه ..خصوصا اني مش عايز حلجه تشوهلي شكل التابلوه ..
نزلت دورت و جبت اسعار و عملت الموضوع ده..

- بعد كده جيت ابوص علي الكاسيتات السينجل و اشوف ايه الامكانيات الموجوده فيها لقيت ..ان بنفس سعر الدبل ممكن اجيب سينجل امكانياته اعلي بكتير من الدبل ...بس المشكله في شكل التابلوه..فعملت الموضوع ده..خصوصا اني عرفت ان فكلا الحالتين انا لازم ادفع 250 جنيه لشراء وش كاسيت ..عشان اصلا الكاسيت اللي في الافيو مساحته اكابر من الكاسيت الدبل..:17: (الله يحرقك يا منصور..!)

- نزلت كتالوجات موديلات 2010 و 2011 و ابتديت اسأل الناس علي المنتدي ..اللي فيه بلوتوث و اللي مفيهوش..الخ..
و قعدت اقارن و اشوف انا عايز ايه..المهم استقريت علي ان الكاسيت لازم يكون فيه Folder Browsing..و ده ملقتهوش غير في موديلين في البايونير و مش موجود اصلا في اي ماركه تانيه ..(انا بتكلم علي الكاسيتات مش الشاشات)..
كان موجود في ال DEH-7250SD و DEH-9350SD...واحد موديل 2010 و التاني 2011..

http://www.pioneer-mea.com/en/image....S@090807@L.jpg

http://www.pioneer-mea.com/en/image....e@100720@L.jpg

- استقريت اني هجيب DEH-9350SD ..مكنش موجود تقريا غير عند ادريان مدينه نصر - و الارخص في التوفيقيه ..واحد ب 1275 و التاني ب 1250 .. علي فكره روحت (روكيت و تناتيش و فانتازيا و Max Power)..!

نزلت جبتوا من التوفيقيه ..ب 1220 بعد فصال مرير ..لان ادريان مكنش عايز ينزل جنيه و لان طبيعه بيعوا مستفزه و انا مبحبش الطنطيط سبتوا و مشيت..:angry26:
المهم ..قلبت التوفيقيه كلها علي الوش ..ملقتهوش عند اي حد ..نزلت بعد كده علي المركز اليباني اللي في الحجاز (مجدي كلاريون )..ملحوظه ..الموديل ده مش عندوا اصلا..

لقيت عنده الوش الاصلي + درج ..بكام يا عم ب 250 جنيه ..طب و التركيب قالي بوصله الراديو و ضفيره كهرباء للكاسيت و التركيب 430 جنيه ..قالي بس لو عايز تقطع في ضفيره الكرهرباء انت حر بس انا منصحكش ..كده كده انا كنت عايز العربيه متتلمسش..قولت خلاص يعني اعمل ايه.. مفيش غيره ..(البس ال 430 جنيه و خلاص ..انا مش بركب كاسيت كل يوم..)

الصراحه الصنيعي شغلو نضيف قوي حتي وصله الراديو كان بيلفها بشريط لحام عشان متتفكش..و كان فاهم هوه بيعمل ايه ..و الفريم فعلا هوه بتاع العربيه .و مفيش اي فتحات في اي حته ..جيت اشوف ايه ماركه الكاسيت اللي راكب لقيتو ملوش ماركه ..بس مصري :angry26:

المهم ركب و جربنا علي فلاشتي ..فرق شاسع بكل المقاييس:grinder: ...صوت و بيز و كل حاجه:E_braces[1]: ..و الكاسيت لسه عايز اذاكر الكتالوج بتاعه لان الاوبشنز فيه كتير اوي:grinder: ..كده انا دافع تقريا بتاع 1660 جنيه في تغير الكاسيت بس..:angry26:

ان شاء الله لما هيكون معايا فلوس ناوي اجيب السماعات اللي ورا دي في البيبان بدل المصري اللي راكبين و اغير كوبسته و احط اتنين بايونير دبل بيز ب 700 جنيه و اجيب GM و ريموت تاره Multi Function ب 150 جنيه..!
بس كل الكلام ده عايز 1500 جنيه تاني :angry26:

اخيرا و ليس اخرا ان شاء الله ناوي احط صور بعد التركيب ..

بس بجد لازم اشكر كل اعضاء المنتدي اللي ساعدوني و انا قرفتهم و بعتلهم رسائل خاصه ..عشان الستفسارات و اي حد رد عليا في الموضوعين بتوعي اللي قبل كده..و شكر خاص ل مووش و بيسو... و طبعا الوجز صديقي لانو اتسحل معايا برضوا ..

انا عارف اني رغاي و قرفت القراء بس انا قولت اعمل موضوع شامل ...:hrm_prv:
يا ريت اي حد قبل ما بفكر يشتري اي حاجه من اي حته يخش و يسأل و يعرف ايه المميزات و العيوب و يقارن ..طريقه ممله..بس صدقني هتفرق معاك كتير اوي في معرفتك:E_braces[1]:

الف مبروك يا باشا
عقبال البازوكا

الله يبارك فيك ..مبطقش البازوكا علي فكره ..ّ هوه الدبل بيز و ال gm و اقفل :)

ألف مبروك عليك وعقبالنا : ))

اقتباس:

---

المشاركة الأصلية كتبت بواسطة Bassem Raafat

ألف مبروك عليك وعقبالنا : ))

---

الله يبارك فيك ..و ان شاء الله الموضوع ده يساعدك ..:E_braces[1]:

العب بقى يا وديـــــــــع
الف مبروك يا معلميييييييي :)
و عقبال السماعات و الجى ام و رموت الطاره كمان :)

و على فكره مش هاسيبك غير لما اشوف الكاسيت على الطبيعه d:

سؤال جانبى بقى ....
هو الويجز معانا هنا على نايل موتورز ؟! D:

اقتباس:

---

المشاركة الأصلية كتبت بواسطة beetleMOSH

العب بقى يا وديـــــــــع
الف مبروك يا معلميييييييي :)
و عقبال السماعات و الجى ام و رموت الطاره كمان :)

و على فكره مش هاسيبك غير لما اشوف الكاسيت على الطبيعه d:

سؤال جانبى بقى ....
هو الويجز معانا هنا على نايل موتورز ؟! D:

---

دانا اللي مش هسيبك غير لما تقولي دهاليز الكاسيت...لا مش معانا بس انا قولت اعمل الصح...يا حزلئوم..قصدي يا موووووش :grinder:

ههههههههههههههه
ماشى يا استاذ غساااااان ههههههه

شوف يا عم لو تعدى عليا انهارده اشطه

اقتباس:

---

المشاركة الأصلية كتبت بواسطة beetleMOSH

ههههههههههههههه
ماشى يا استاذ غساااااان ههههههه

شوف يا عم لو تعدى عليا انهارده اشطه

---

خلاص بزبط مع ويجز و ديبو و جارحي و استنانا كمان حبه حلوين.
:E_braces[1]:

فى انتظارك يا حببىىىىىىىىىى

السؤاال بقى هل زهبتو الى مووش ههههههههههههههه
مبرووك ياريس وعقباااال الملك ههههههههه
اقوولك على حاجة بقى عايز تظبط الاداء تجييب سماعتيين سونى كومبننت فى البيااان كلها لو ملكش فى الزحمة يبقى ال سونى ال 300 وات تحفة بجد ماشى وار وقدام
والرف اللى ورا تجبله سماعتيين بايوينر 500 وات فيتنااامى وجى ام الذيذ سونى 600 وات وشغل عليه الكلام ده وعييش وسبنى اعييش ياااريس

اولا الف مبروك لصاحب الموضوع :)
دلوقتى يا رجاله انا مركب عندى فى العربيه الحاجات دى
كاسيت Pioneer 4250 SD ( تايلندى )
http://www.nileup.com//uploads/image...21ee0b8006.jpg
سماعات 13 فى البيبان اللى قدام 140 وات ( فيتنامى )
سماعات 400 وات بيضاوى على البورده الاصلى بتاعت العربيه ( تايلندى )

الصوت مقبول بس انا عايز اخلى الصوت احسن ....... الصوت ورا لما بركب وحد بيسوق بيبقى احسن من قدام بكتييير

عايز اظبط الصوت بيحث يبقى قدام كويس برضه ؟؟؟ لو ركبت ورا سماعتين 400 كمان وجى ام على ال 4 سماعات هيظبط الصوت قدام ولا لأ ..... وهل فيه سماعات تركب قدام اقوى من اللى انا مركبهم ؟؟؟؟

وايه الفرق بين الفيتنامى والتايلندى علشان لسه واخد بالى دلوقتى من الكراتين :E_braces[1]:

وبالنسبه لو عملت بورده خشب على السماعتين اللى ورا هيفرق فى الصوت ولا ملوش تأثير ؟؟

وبرضه مستنى ابداع موش وبيسوو وحوش قسم الصوتيات :tumb:

اه وايه احسن gm من الاخر علشان انا مبفهمش فيهم بصراحه واسعارهم تقريبا ولو حبيت اعمل بورده واكسيها جلد هتكلفنى
كام واعملها فين ؟؟ معلش يا رجاله تقلت عليكم :))))))

اقتباس:

---

المشاركة الأصلية كتبت بواسطة waelemam2008

اولا الف مبروك لصاحب الموضوع :)
دلوقتى يا رجاله انا مركب عندى فى العربيه الحاجات دى
كاسيت pioneer 4250 sd ( تايلندى )
http://www.nileup.com//uploads/image...21ee0b8006.jpg
سماعات 13 فى البيبان اللى قدام 140 وات ( فيتنامى )
سماعات 400 وات بيضاوى على البورده الاصلى بتاعت العربيه ( تايلندى )

الصوت مقبول بس انا عايز اخلى الصوت احسن ....... الصوت ورا لما بركب وحد بيسوق بيبقى احسن من قدام بكتييير

عايز اظبط الصوت بيحث يبقى قدام كويس برضه ؟؟؟ لو ركبت ورا سماعتين 400 كمان وجى ام على ال 4 سماعات هيظبط الصوت قدام ولا لأ ..... وهل فيه سماعات تركب قدام اقوى من اللى انا مركبهم ؟؟؟؟

وايه الفرق بين الفيتنامى والتايلندى علشان لسه واخد بالى دلوقتى من الكراتين :e_braces[1]:

وبالنسبه لو عملت بورده خشب على السماعتين اللى ورا هيفرق فى الصوت ولا ملوش تأثير ؟؟

وبرضه مستنى ابداع موش وبيسوو وحوش قسم الصوتيات :tumb:

اه وايه احسن gm من الاخر علشان انا مبفهمش فيهم بصراحه واسعارهم تقريبا ولو حبيت اعمل بورده واكسيها جلد هتكلفنى
كام واعملها فين ؟؟ معلش يا رجاله تقلت عليكم :))))))

---

ياباشا انت تامر واحنا ننفز ياكبيير
اولا بالنسبة للسماعات البيبااان ماتشغلش باالك اوى بموضوع فيتناامى ولا تايلاندى اهو كله سماعاات ومافيش فرق احسن سماعات فى السووق دلوقتى السونى للبيباان جييب ال 300 وات ال16 احسن واقوى بكتيير من اللى عندك وهتقدر توصلها بجى ام او تجيب الكومبننت بردو نفس الكلام جرب تجبهم واسمع الصووت قبل جى ام مااشى الصووت قدام هيتظبط اوى اسعار السونى ال 300 وات 250 والكوبمننت ب320
نيجى بقى للجى ام احسن انواع لو سماعات يبقى سونى او كينود انا ارشحلك السونى ال 600 وات ال4 تشانل وعاامل 650..630 كده ونوعه تايلاندى او تجيب الكينود ال720 وات وسعره 750 جنيه والفرق بين ده وده مش وهمى ابدا حاجات بسيطة اوى تكا د تكون مش موجودة اصلا حلوة تكااد دى ههههههههههههههههه

عايز تعمل بوردة بقى هترووح لاى نجار فى الشاارع عندكو هتقولو اعملى رف خشب وتديله الفبرة اللى ورا دى او تقسها وتديه الطول والعرض وتقله يخرملك مكان السماعات الخشب نوعه ام دى اف 18 مللى تمام يخلصهوولك
تقووم طالع على سروجى قله اكسهولى موكيت او جلد انت ودمااغك بس نمشيها موكيت وخلاص الحوار كله الرف 30 والموكيت والكلام ده قوول 20 يعنى كبيرك 60 جنيه
ومافيش اى فرق بين الفيتنامى والتالايندى والصوت هوا هوا على فكرة وياارب اكوون عرفت افييدك وانا سهراان لو عايز تسال تانى انا معاك

ههههههههه والله انت مسخره يا بيسو
طيب معلش اعذر جهلى بقى انا على طول اسمع كومبوننت كومبوننت وانا نفسى اعرف ايه ده :ma: بيفرق ايه عن السماعات العاديه يعنى ؟؟

وبالنسبه للسوند سيتيم مينفعش نخليه بيونير كله :E_braces[1]: والرف الخشب انا عايز اعمله جلد يا عم ماليش فيه ويكون اسود كمان :fun_10_9_134[1]:
وبدل اللفه دى انت تقولى على واحد يكون بيعمل الرف وعنده جلد واعتقد مش هيزيد عن 100 جنيه بدل وجع الدماغ ده ... ولا انت ايه رأيك ؟؟؟

وبالنسبه بقى لموضوع السماعات اللى قدام انا المقاس اللى عندى 12 بس لما اشتريت من التوفيقيه ورحت ركبتهم فى مدينه نصر
كنت اشتريت 13 بس قشطه الراجل زبطهم ... السؤال بقى وركز معايا :grinder: انا هركب ال 16 قدام ازاى ؟؟؟

والجى ام بقى لو ركب عندى دلوقتى من غير حاجه هيفرق فى الصوت ؟؟؟ وليه مش بيونير اشمعنا سونى او كينود هههههههههه
رخم انا مش كده :E_braces[1]: بس المشكله انى مش بقبل اى حاجه سونى فى السوند سيستم بالذات الكاسيت

اقتباس:

---

المشاركة الأصلية كتبت بواسطة Waelemam2008

ههههههههه والله انت مسخره يا بيسو
طيب معلش اعذر جهلى بقى انا على طول اسمع كومبوننت كومبوننت وانا نفسى اعرف ايه ده :ma: بيفرق ايه عن السماعات العاديه يعنى ؟؟

وبالنسبه للسوند سيتيم مينفعش نخليه بيونير كله :E_braces[1]: والرف الخشب انا عايز اعمله جلد يا عم ماليش فيه ويكون اسود كمان :fun_10_9_134[1]:
وبدل اللفه دى انت تقولى على واحد يكون بيعمل الرف وعنده جلد واعتقد مش هيزيد عن 100 جنيه بدل وجع الدماغ ده ... ولا انت ايه رأيك ؟؟؟

وبالنسبه بقى لموضوع السماعات اللى قدام انا المقاس اللى عندى 12 بس لما اشتريت من التوفيقيه ورحت ركبتهم فى مدينه نصر
كنت اشتريت 13 بس قشطه الراجل زبطهم ... السؤال بقى وركز معايا :grinder: انا هركب ال 16 قدام ازاى ؟؟؟

والجى ام بقى لو ركب عندى دلوقتى من غير حاجه هيفرق فى الصوت ؟؟؟ وليه مش بيونير اشمعنا سونى او كينود هههههههههه
رخم انا مش كده :E_braces[1]: بس المشكله انى مش بقبل اى حاجه سونى فى السوند سيستم بالذات الكاسيت

---

كاسيت يبقى بايونير اانما سماعات بااااب يبقى سونى وش
الفرق بتاع الكومننت دى ان ليها كرووس اوفر وتوتراات تحطها لمواخذة على الطبلووه ههههههه :error404:
الباب عندك 13 انت فى بتاعة كده زاى المجرا يعنى فااهم هتشلها وتحط ال 16 بس قبل ماشترتى اتاكد انها موجودة ولا لا ولو مش موجودة جييب ال سونى ال 190 وات وخلاص وعاملين 140 بلبل بس حاول تتصرف فى الحوار مقااس البااب ده علشاان تحس بقداام لازم تبقى 16 احسنلك
والجى ام البااايو جميل واحسن من السونى والكينود بس غاالى اوى وبردو السونى والكينود بيدو البااور اللى احنا عايزنه من السماعات يبقى خلاص وش الباايونير ممكن يبقى نفس الباور وفلووس اكتر علشاان بقى بايونير وشغل وحركات
الجى ام يركب هيفرق فى كل حاجة اصلا هتسمع السماعات اللى عندك دى حاجة تانية هههههههههه :grinder: بس كده

وبالنسبة للرف علشاان نسيته ممكن ترووح عند مجدى كلاريون يعملهولك ب150 بس رف حلو وهيعجبك اوى اوى بس انا بتكلم على الارخص لييك بس مش اكتر

هههههه حبيبى يا بيسو تسلم يا كبير
وبالنسبه لموضوع السماعات اللى قدام مفيش مجر عندى للاسف فيه مكان لاخرام السماعه وانا عندى المقاس 12 بس اشترتهم 13 .....وعلشان 12 من ال 13 مش فارقه اوووى فهوه بيتنى طرف المكان اللى فى السماعه وبيثبتها كويس :(((( ... يعنى كده مش هينفع اركبهم ؟؟... ورأيك كده لو ركبت 13 كومبوننت هتفرق ؟؟ ولا ملهاش لازمه واجبلى سماعتين 400 ورا على جى ام سونى وخلاص ....وايه ارخص انواع الجى ام وكويس فى نفس الوقت علشان الميزانيه ولا انت رأيك ايه ؟؟

وبالنسبه للتويترات ممكن يتثبتوا على كفر المرايا من جوا علشان شكلهم على الطابلوه مش لطيف بصراحه d:

فعلا لو ركبت قدام السماعات ال 16 هايبقى احسن لانها اعلى فى الوات
ف مش هاتهرتل معاك بسرعه زى التانيين
بس كده كده سماعات الباب صوتها مش هايبقى زى البيضاوى

السماعات البيضاوى لو هاتزود يبقى عليك و على البايونيير ال 500 وات الجديده
ب 290 جنيه بس دلع الدلع

الجى ام البايونيير حلو جدا طبعا بس غالى زى ما بيسو قالك كده
يعنى مثلا الجى ام البايونيير ال 350 وات ب 520 جنيه
فى سبيل مثلا ان السونى ال 350 ب 350 جنيه
و الكينوود ب 380


الرف روح لمجدى كلاريون هايبقى فى حدود 100 جنيه

يعنى انا كده رأيك فاكس حوار الكومبوننت ده ؟؟؟ اصل كل المشكله انى عايز الصوت متوزع حواليا وبالذات قدام

وانا لو جبت سماعتين 500
واجيب جى ام ايه واوصله على كام سماعه ؟؟ وسعره الجى ام هيبقى كام ؟؟

والف شكر يا كبيييييير :))))

عادى عايز تجيب الكومبوننت هاتها
هى احسن من العاديه فى وضوح الصوت
بس الفرق مش رهيب اوى يعنى
بس محسوس

الجى ام هات 4 تشانل
عايز سونى بقى كينوود او حتى سيمفونى
كله شغال
بس متجش اقل من 600 وات
يعنى يا سونى 600 عامل 650
يا الكينوود ال 720 عامل 750
متججبش الكينوود ال 500 لانه هايبقى قليل

او السيمفونى ال 640 وات عامل 550-575

والنبى انت برنس ههههههههههههه

مبروك و دى تجربتى علشان اللى يفكر يكون عنده اختيارات

http://www.nilemotors.net/Nile/122090-a.html

اقتباس:

---

المشاركة الأصلية كتبت بواسطة bisoolover

السؤاال بقى هل زهبتو الى مووش ههههههههههههههه
مبرووك ياريس وعقباااال الملك ههههههههه
اقوولك على حاجة بقى عايز تظبط الاداء تجييب سماعتيين سونى كومبننت فى البيااان كلها لو ملكش فى الزحمة يبقى ال سونى ال 300 وات تحفة بجد ماشى وار وقدام
والرف اللى ورا تجبله سماعتيين بايوينر 500 وات فيتنااامى وجى ام الذيذ سونى 600 وات وشغل عليه الكلام ده وعييش وسبنى اعييش ياااريس

---

عملنا احلي زياره لمووش..و طبعا ظبطنا ..بس المشكله دلوقتي ان الرف اللي عندي ورا عليه لمبه stop..! اعمل ايع بقي ..؟ و مش عايز اخرم في الصاج..بس كده كده الموضووع ده مش دلوقتي..!

اقتباس:

---

المشاركة الأصلية كتبت بواسطة hossam_hassan

مبروك و دى تجربتى علشان اللى يفكر يكون عنده اختيارات

http://www.nilemotors.net/nile/122090-a.html

---

الله يبارك فيك ..بس نصيحه غير السماعات عشان تحس بفرق ..السماعات المصري اللي في الافيو زباله..معرفش الاوبترا سماعتها ايه..

اقتباس:

---

المشاركة الأصلية كتبت بواسطة beetlemosh

عادى عايز تجيب الكومبوننت هاتها
هى احسن من العاديه فى وضوح الصوت
بس الفرق مش رهيب اوى يعنى
بس محسوس

الجى ام هات 4 تشانل
عايز سونى بقى كينوود او حتى سيمفونى
كله شغال
بس متجش اقل من 600 وات
يعنى يا سونى 600 عامل 650
يا الكينوود ال 720 عامل 750
متججبش الكينوود ال 500 لانه هايبقى قليل

او السيمفونى ال 640 وات عامل 550-575

---

الف شكر يا كبير تعبتكوا معايا يارجاله
ان شاء الله هما سماعتين 500
وجى ام سونى 600
:)))))))))

وانا معايا واحد بيبيعو يلا ياعم ههههههههههههههههه

لا يا عم انا احب اشترى حاجتى كلها جديده ههههههههههههههههههههه

وبتبعه على كام بقى يا معلم :))))))) وادينى تاريخ حياته ههههههههههه

عايش بقاله كتير هههههههههههههههههه طالما بتقوول جديد خلاص بتسل لييه نفسى طبع الشعب يتغير والله ههههههههههههه

هههههههههههههههههههه فراغ بعيد عنك :ma:
وبالنسبه علشان الشعب يتغير دى صعبه شويه انت شايف يا عم ايه اللى بيحصل :fdsa: :shyy:

وسمعنى سلام يا بلد الكلام هههههههههههه

اقتباس:

---

المشاركة الأصلية كتبت بواسطة sigma

الله يبارك فيك ..بس نصيحه غير السماعات عشان تحس بفرق ..السماعات المصري اللي في الافيو زباله..معرفش الاوبترا سماعتها ايه..

---

سماعات الاوبترا كورى و الفنى اللى ركبلى السى دى قالى بلاش اغيرهم علشان هما بيدوا 50 واط كل واحدة و ده اقصى حاجة للسى دى.

علي فكره الكاسيت مش بيشغل الفلاشه لما بتكون معموله NTFS لازم تكون FAT 32 عشان يشغلها و الا هطلعلك Error 32..

اقتباس:

---

المشاركة الأصلية كتبت بواسطة sigma

علي فكره الكاسيت مش بيشغل الفلاشه لما بتكون معموله ntfs لازم تكون fat 32 عشان يشغلها و الا هطلعلك error 32..

---

اساسى يا برنس d:

ياعم انا اتخضييت قولت الكاسيت طلع مش حلو ههههههههههه

اقتباس:

---

المشاركة الأصلية كتبت بواسطة beetleMOSH

اساسى يا برنس d:

---

مكنتش اعرف :penguin4:

اقتباس:

---

المشاركة الأصلية كتبت بواسطة bisoolover

ياعم انا اتخضييت قولت الكاسيت طلع مش حلو ههههههههههه

---

لا الحمد لله سليمه :crashcomputer5:

http://www.pioneer.eu/images/product...n1_gallery.jpg
تم شراء ريموت الطاره CD-SR 100 اليوم بمبلغ 160 جنيه من روكيت - روكسي ..ملحوظه كان موجود في الارخص ب 150 جنيه بس ساعه مشتريت الكاسيت مكنش معايا فلوس..
مراجعه بسيطه ليه علي الماشي...

اولا المميزات :
- فيه ميزه مش موجوده في الكاسيت ال ATT اللي موجوده في الكاسيتات الكينوود

- مريح جدا..جدا جدا

lملحوظه : عشان اللي ميعرفش خاصيه ال ATT ..لو جالك تليفون او اتنين صحابك معاك بيتكلمو و عايز توطي بتدوس علي زرار ATT الصوت بيوطي علي 10 مثلا بس بيفضل ال TRACK شغال و بتدوس عليه تاني يرجعلك لنفس مستوي الصوت قبل الضعط ..الميزه دي في ال Kenwood بس مش محتاجه ريموت معين..!

ثانيا العيوب :

- مفيش فيه زرار OK و Mute او Pause..
-لازم تقطع الحزام بعد متركبو