مقارنة مع شوية أسئلة بين التيدا السيدان فئة قليلة والصنى الهاى لآين
بعد أذن أستاذنا الكريم أحمد مصطفى أنا حبيت أضع هذة المقارنة هنا فى قسم النيسان علشان هى مقارنة بين عربيتين نيسان وهما أحسن ناس يقدروا يجوبوا على الآسئلة دية .ممكن مقارنة بين التيدا اللى ب 115000 جنية سيدان الفئة القليلة والنيسان صنى الهاى لاين من ناحية كل حاجة برجاء الآفادة والشرح بأستفاضة لآنى كنت ناوى على الهاى لاين بأذن الله ودلوقتى بدأت أفكر فى التيدا أيهما أفضل من جميع النواحى .
ثانيا : سؤال لكل مالكى التيدا : هل يا ترى لو كان وقت شرائك التيدا كان موجود النيسان صنى الهاى لاين كنت بردة هتشترى التيدا .
ثاللثا : لو أنا مش هقدر أجيب الفئة العالية من التيدا اللى تقريبا ب 128000 جنية هل فى فرق كبير ومهم بين فئتين التيدا ...... ودة سؤال مهم وهل فى الحالة دية تكون الصنى الهاى لآين أحسن من اللى ب 115000 جنية
ولو سمحتم ما تنسوش السؤال الآولانى بتاع المقارنة بأستفاضة .أنا عارف أنى بتعبكم معايا بس أنا مش هشترى عربية كل سنة وأن شاء الله لو ربنا كتبلى عمر ناوى أحتفظ بيها مش أقل من 10 سنين فعلشان كدة متحير جدا جدا جدا .. هو بصراحة بينى وبينك أنا ميال أكتر للنيسان صنى وخاصة الهاى لآين علشان كل مميزاتها اللى أنت عارفها ومن ضمنها أنها معروفة قوى ومنتشرة ... لكن لما قريت عن التيدا حبيتها شوية لكن مش زى الصنى بردة .لآن كل عربية ليها مميزاتها وعيوبها برجاء عمل المقارنة الشاملة اللتى توضح مميزات وعيوب كل سيارة منهم .
ملاحظة مهمة : فرق السعر أنا هدفع فرق كبير حوالى 15000 جنية بين الصنى الهالى لآين والتيدا وكمان هتكون الفئة الآقل ومش هقدر أدفع أكتر من كدة . على الرغم من أنة كان بداية تفكيرى وأمكانياتى كان فى النيسان صنى ex أتوماتيك طلعتهم شوية لغاية الهاى لآين يعنى فرق حوالى 10000 جنية ... ولو رحت للتيدا يبقى كل الفرق حوالى 25000 جنية هحاول أوفرهم بأذن الله بس دة معناة أن التيدا لازم تكون مكتسحة النيسان الهاى لآين فى المقارنة دية ....وألا لو الفرق ما بينهم فى كل حاجة مش كبير وما يستهلش فرق المبلغ الكبير دة ؟؟؟؟؟؟؟؟............هسيب الآجابة والرد لللآخوة الآعضاء آساتذة وخبراء الصنى والتيدا
وجزاكم الله خيرا
