[overline] يا جماعة مش عارف اختار بين نيو اكسنت ولا شيفروليه افيو اختيار صعب ؟؟؟؟؟؟؟؟؟؟؟؟؟؟[/overline]
[overline] يا جماعة مش عارف اختار بين نيو اكسنت ولا شيفروليه افيو اختيار صعب ؟؟؟؟؟؟؟؟؟؟؟؟؟؟[/overline]
لو بتتكلم على اسكنت ار بي تبقى الاكسنت ممكن تكون افضل
انما لو بتتكلم على الاكسنت العاديه الي هي نيو اكسنت
طبعا انا شايف ان الافيو افضل في كل حاجه الا المتور
النيو اكسنت عفشتها مقرفه بصراحه ونطاطه مش عائليه مريحه في المشي عموما وان كان التحكم بتاعها افضل من الافيو بشويه بسيطه
انما انا شايف ان الافيو افضل بكتير من ناحيه التبلوه والعربيه من جوه الافيو اشيك طبعا
الوسع مش هتفرق معايا بس الاتنين مفيش فرق كبير بينهم لانهم مستوى واحد
بالنسبه للفرامل الاتنين برضو قريبين من بعض
الافيو في مشيها ودركسيونها تحسه اتقل من النيو اكسنت ومتزنه شويه عنها وعفشتها ناعمه جدا في الحفر والمطبات ومناسبه للشوارع المدغدغه
قطع الغيار متوفره للاتنين
والعربيتين توكيلهم زباله
مبدئيا الموضوع ده مكانه قسم المقارنات مش هنا و من غير اي مقارنات ادخل علي قسم الشيفروليه و دور علي مواضيع الافيو و اتفرج علي عيوب المصنع بالجمله فالموضوع محسوم
بلاش افيو
الاكسنت rb افضل فى كل حاجة منها
زي ما الأعضاء قالو إن الموضوع في قسم المقارنات
لكن عندي كلمتين
الأفيو جميله لكن موتورها أضعف من موتور الأكسنت بحوالي 30 حصان و مع ذلك إستهلاك الأكسنت للبنزين نفس إستهلاك الأفيو أو أقل كمان
و دي أبعاد الأكسنت
الطول 4280
العرض 1695
الارتفاع 1470
قاعدة العجلات 2500
وزن السيارة 1058 : 1080
سعة خزان الوقود 45
من 0 الى 100 كلم غير متوفر
السرعة القصوى غير متوفر
معدل استهلاك الوقود 6.4
و دي أبعاد الأفيو
الطول الكلى 4310
العرض الكلى 1710
الارتفاع 1505
قاعدة العجلات 2480
سعة خزان الوقود 45 لتر
سعة الشنطة الخلفية 400 لتر
وزن السيارة 1065 كجم
العربيتين قريبين من بعض
اللي هايحسم المقارنه
سعر قطع الغيار
و الصيانه
و الضمان
و مشاكل العربيه
و دي بعض أسعار قطع غيار النيو أكسنت
مراية جانبية كاملة = 850 جنية
كف مراية = 90 جنية
فلتر زيت =20 جنية
فلتر بنزين = 135 جنية
فلتر هواء = 55 جنية
طقم بوجيهات =45 جنية
طقم تيل فرامل امامى = 230 جنية
طقم دبرياج =( ديسك 1200 جنية – اسطوانة 450 جنية – بلية 80 جنية)
كشاف شبورة صينى خامه جيدة = 270 جنية للكشافين (شراء من خارج التوكيل)
و الضمان صدقني في الأكسنت كامل شامل كل العربيه
و لغاية دلوقتي مفيش مشاكل في العربيه
أما الافيو انا معرفش كتير عنها في موضوع الصيانه و قطع الغيار
أتمني من الله أن يوفقك إلي ما فيه الخير و الهدايه
لو في بدائل تانية في نفس الفئة السعرية وهل الاكسنت بتتقفل في مصر زي الشفيرولية
والله انا اسف اني عملت الموضوع دة هنة بس غصب عني لاني لسة جديد في المنتدي
وشكرا علي الردود والاهتمام وجزاكم الله كل خير
ولو في بدائل تانية في نفس الفئة السعرية
النيو أكسنت كوري الكوري
طبعا نيو اكسنت بس خلى بالك ان انتاجها اتوقف ومعدتش متوفره فى التوكيل
فبنصحك بالاكسنت ار بى جامده جدا من ناحية الموتور والسحب العفشه والصاج والقاعده وكلو والشكل جامد اخر حاجه
بس طبعا اول متجبها ارزعها جنط محترم بكوتش بريدجستون يابانى اصلى مقاس 16/50/195 زى اللى بينزل فى الفبريكه عشان الثبات المحترم
وطبعا ابعععععععععععععععععععععد عن الافيو تماما
استهلاك بنزين عالى على موتور 1500 - عفشششه ناششششفه وبترزع - مفيش ثبات - العفشه بتزيق ومع الطرق الغير ممهده عامله زى المرجيحه - السحب بيموت مع التكييف - مشكلة الار بى ام مشعارف لسه موجوده ولا لا
انا عارف ان بتوع الافيو هيزعلو بس هى دى الحقيقه والمفروض مفيش مجاملات فى الحاجات دى عشان مشكل يوم الواحد هيجيب عربية
على فكرة أنا لى قريب مهندس ميكانيكى و بيفهم فى السيارات وقال عن الأفيو نفس العيوب اللى ذكرها memo823000
http://www.nilemotors.net/Nile/13852...post3872530873
يا ريت حضرتك تقري الموضوع ده هتستفيد جدا
والله 90 ماكس
إياك والافيو مشاكلها كتير روح قسم شيفرولية وانت تشوف
بلاش افيو وخليك في الاكسنت الاربي
طبعا المبلغ كويس وقدامك حل من الاتى
تدور على النترا استعمال نضيف الشكل القديم وتكون عامله كليهوات قليلة وطبعا تكشف عليها فى التوكيل وده احسن حل عشان لما تيجى تبيع متخسرش وكمان عربيه متجربه ومنتشره ومشهود لها بالكفائه من كله
موتور - عفشه - قلة اعطال - سهولة صيانه - انتشار قطع الغيار
او تزود شويه طبعا وتجيب الا ر بى وفيها كل المميزات اللى فوق بس طبعا جديده والجديد ليه جماله
وفيه اكسنت ار بى بيتباع كسر زيرو دلوقتى فى كونتاكت كار وبيقل سعره عن الزيرو من 10 ل 15 الف ولسه العربيات جديده معدتش كليوهات
ودا حل برده كويس عشان متخسرس فرق الزيرو
طبعا لازم تكشف فى التوكيل كويس قبل متشترى المستعمل
النيو اكسنت انا بحبها بالزات لما تجنط 15/55/185 بس مع الاسف انتاجها وقف زى مقولتلك ودى حاجه مش كويسه لما تيجى تبيع
وربنا يوفقك
ابعد عن المستعمل
انت تجيب صنى زيرررررررررررروووووووووو
ابعد عن الافيو مفيش حد يشكر فيها غير العاملين في منصور
بص يا باشا
الموضوع بيبقى فيه نسبة قدر طبعا و لكن " أخويا معاه نيو أكسنت و مبسوط منها جدا و واحد صاحبه معاه أفيو و مش قد كده"
مفيش اى واجه مقارنه بين الافيو واى حاجه من الهيونداى
الافيو ده عربيه سيئه جدا
تقفيل مصرى وماتور ضعييف بالنسبه لاى فئه من فئات النيو اكسنت سواء العاديه او الار بى
والى بيتكلم على العفشه عفشه الافيو اسوء عفشه وفى الملفات بتسمع تزييق وحاجه يعنى حرام فيها الفلوس يعنى الفيرنا ارحم منها
باشا مع احترامى لكلامك بس اعتقد انك بتتكلم عن افيو غير الى فى مصر خالص لان الافيو متخش فى مقارنه نهائيه مع النيو اكسنت فى كل حاجه من حيث التكنولوجيه المتطوره وحتى العفشه النيو اكسنت فعلا بتطنطت على السرعات العاليه بس الافيو اصلا مبتحبش سرعات عاليه لان ماتورها ضعيف جدا وعفشتها وحشه وبتهبد ومقاصاتها فى الملفات بتزييق
اعتقد ان الافيو المصرى ديه لاتقارن خالص بالنيو اكسنت حتى التابلوه هو اذواق بس تابلوه النيو اكسنت خاماته انظف من الافيو بمراحل
التحكم على السرعات العاليه فى النيو اكسنت قوى جدا انا عالطول بمشى سرعات عاليه جدا يعنى لما ببقى ماشى بطىء ببقى على 120 ده غير انى فى السفر سرعتى من 180 الى 200 والعربيه زى الفل ولا بتخف وده نتيجة الدنجل الخلفى الى هو بينطت مع مطبات الهواء بس بيمشك العربيه ومتحكش فى اى مطب حتى وانت محمل ناس كتيير ورا
للاسف انا كنت متوقع انى ال ار بى هتبقى متطوره شويه انما هما غيروا الشكل فقط
لانها لسه الفرامل ديسكات اماميه وطبل خلفيه والدنجل الخلفى للعفشه مش عفشه متعددة النقاط والماتور cvvt مش ماتور gdi او d-cvvt ده غير الصاج الى كله بومبيهات والى سمكرته صعبة وبيحتاج الى تغير صاج عالطول يعنى من الاخر طورا شكلها فقط
من وجهة نظرى ان النيو اكسنت الشيب العادى افضل وان الى عايز تكنولوجيه متطوره يبقى الالنترا الجديده عشان فعلا تكنلوجيتها متطوره عن الشيب الى قبلها مش بالشكل وبس
اى فئه من فئات شيفورليه الكورى او المصرى وليس الامريكى متخشش فى مقارنه نهائيه مع نظيرتها فى الهيونداى لان هيونداى هتكسب وتحط رجل على رجل
طبعا مونور وفتيس الاكسنت rb هو هو الالنترا الشكل القديم من 2007 ل 2011 فتيس 4 نقلات - موتور 121 حصان
طبعا العفشه مختلفه لان العربيه الوزن اكبر الخامات افضل واقوى والصاج اقوى وزى صاج الالنترا القديمه ويمكن افضل (شيك بنفسك)
طبعا الشاسيه اقوى واكبر - الصالون اكبر والشنطه اكبر - وموضوع الطنطيت طبعا اتعالج
الفرق كبير مابين النيو اكسنت والاكسنت rb
الحاجه الوحيده اللى محتجاها الار بى هى جنوط نضيفه بكوتش بردجستون يابانى (عشان الكوتش الكورى ناشف وبيدب)
وافضل مقاسات الكوتش عشان تدى ثبات على سرعات عاليه وكمان تحسن من اداء الفرامل هو كالاتى
195/50/16 (المقاس الاصلى اللى بينزل فى الهاى لاين)
185/55/16 (مقاس الهوندا ستى الهاى لاين)
195/60/15 والمقاس ده كويس
لانها بتنزل وبكوتش مقاس 185/70/14 ومقاس الكوتش رفيع جدا على حجم العربيه سواء فى العرض او الطول وكدا الثبات هيبقى سىء جدا جدا
مقاسات الالنترا الجديده ممتازه جدا
195/65/15
205/55/16
215/45/17 ( الالنترا اللى بتنزل فى الخليج والفيولستر اول فئه مانيوال واتوماتيك)
215/40/18 (الفيولستر هاى لاين اللى الجنوط بتبقى لون العربيه)
والله المستعان
باشا انا مش بنكر ان فيه اختلافات بس مفيش تطوير غير الشكل فقط
اول بالنسبه للوزن وراجه الكتالوج وزن ال RB فارغة 1035 كجم ام النيو اكسنت وزنها فارغه 1080 كجم وراجع برده الكتالوج بتاع ديه وبتاع ديه
نيجى بقى للماتور
لما النيو اكسنت نزلت نزلت بماتور جديد بتكنولوجيه CVVT الجديده موازيه للالنترا
انما RB نزلت بماتور تعتبر تكنولوجيه قدمت للالنترا السيب الى بقى قديم دلوقتى بتنكلوجيه CVVT وليست بالتكنلوجيه الجديد D-cvvt أو GDI
بالنسبه للعفشه
انا ركبتها وبتنطت برده لما بتحمل فردين ورا وتجرى بيها على مطبات هواء
بالنسبه للفرامل
لم تتطور خالص ديسكات اماميه وطنابير طبل ورا لازم كل فتره ترجلشها وتنظفها من التراب مش زى الالنترا كلعا ديسكات
نيجى بقى للدريكسون الكهرباء الى فى فشل وعمل مشاكل فى النيو اكسنت لحد موديل 2008 وشالوه بعدها هل يا ترى هيبقى كويس المره ديه ولا لأ مش هيبان الا بعد سنتين على الاقل
بس مننكرش ان RB
اوسع من النيو اكسنت ولكن مش بنفس وسع الالنترا ومننكرش ان شكلها احلى وطبعا الماتور اقوى لانه بتاع الالنترا وطبعا من جوه اشيك فى التابلوه