عند رفع موتور العربييه من الحوض يحتاج التكييف مر تانيه الي الشحن عند ارجاعه مره اخري
عرض للطباعة
عند رفع موتور العربييه من الحوض يحتاج التكييف مر تانيه الي الشحن عند ارجاعه مره اخري
بصراحه مش فاهم ... ده سؤال ولا معلومه !!
ايوه
ويفضل تشحنه بفريون نوعه r134
وضغطه تقريبا بيكون بين 35 و 40
وشكرا
سؤال له علاقة بالتكييف و ملوش علاقة بالموضوع:
طبعا لما بنشغل التكييف صوت الموتور بيعلى
فهل انا انقل غياراتى بدرى عشان الصوت ميعلاش؟؟؟
ولا انقل زى مانا؟؟؟
انا بنقل على 3 ار بى ام
واللى عنده اى نصايح لاستخدام التكييف يفيدنا
إنقل الغيارات عادى جداً ، وممكن كمان أقل من الـ 3 rpm .
نصايح فى التكييف :
متشغلش العربيه وإنت مشغل زرار التكييف أو المراوح .
يفضل ميشتغلش التكييف كتير والعربيه واقفه .
شغل الزرار الأوسط فى زراير التكييف على طول الخاص بوقف تغيير الهواء من الخارج .
يستحسن برضه تسيب زرار التكييف شغال على طول وإبقى إطفى مؤشر المراوح بس .
شغل التكييف فى الشتا على فترات متباعده لمده دقايق .
وأهم نصيحه .......... إقفل الزجاج وإنت مشغل التكييف : ))
أعتقد أنى فاهم سؤالك أنت عاوز تفك الموتور و خايف لحسن الفريون يسرب صح كدة
لو الكومبريسور أتفك و الخراطيم راكبة فى مكانها و مفيش أى حاجة أتخبطت و لا أتهزت الفريون مش حا يفضى من العربية لآن دورة التبريد بتاعت الفريون ليس لها أى علاقة بالموتور يعنى شيل الموتور و سقط براحتك بشرط عدة فك الكباس أو الخراطيم
نصائح عامه من خلال خبرات شخصيه لاستخدام التكييف
حافظ علي نظافه الفلتر وده بيساعد علي التبريد السريع وعدم وجود روائح كريهه اثناء الاستخدام ( ممكن استخدام معطر علي الفلتر )
من وقت اللي اخر غسل السربنتينه اثناء غسيل السياره في البنزينه بخرطوم المياه من الخارج عشان دوره التبريد تتحسن
ركن السياره في مكان فيه شمس مده طويله بيخلي التكييف ياخد وقت عشان تحس بالبروده فممكن عدم غلق زجاج السياره اللي النهايه وابقاء مالا يزيد عن نصف سنتيمتر لخروج الهواء الساخن وعدم تراكم ابخره المواد الكيميائيه المستخدمه في صالون السياره نتيجه الحراره
تشغيل المروحه لمده دقيتين لطرد الهواء الساخن من السياره مع فتح النوافذ قبل تشغيل المكيف
يراعي اثناء تشغيل التكييف عدم الحرق علي الغيار لعدم المساعده علي زياده معدلات الاستهلاك للبنزين
وشكرا