المشاركة الأصلية كتبت بواسطة شاهين - بنز
شعب مصر كله بيزمر عالفاضي والمليان مش بس الميكروباصات والله حاجة تقرف كرهوني في البلد قال يعني الزمارة هي إللي حتحل مشكلة الزحمة بجد الموضوع ده أكتر حاجة مدايقاني في مصر مفيش حد عنده تحضر في السواقة إلا نادرا جدا المشكة أنا طول عمري عايش السعودية وبسوق هناك لكن أما جيت مصر من 7 سنيين إتبهدلت أوي من الغابة في السواقة زي كسر الإشارات والناس إللي بطتطط من حارة لحارة وإللي بيمشي بأقل من نص سرعة الشارع زي المحور نص العربيات بتمشي بأقل من 70 وكمان مش بياخدو جمب لأ عادي بيتفسحوا في أي حارة يمين في النص عادي ولحد إنهاردة لسه مختدش عالإسلوب الهمجي من 99% من إللي بيسوقوا في مصر بمختلف شرائحم
أنا جربت مرة أسوق سواقة مصري وأديها كلاكسات على سبيل التغيير لقيت نفسي مش عارف أركز في السواقة أصل ياأسوق ياأزمر وبعد ربع ساعة لقيت إيدي وجعتني من كتر التزميير وإستغربت أوي من الناس إللي هي دي نمط سواقتها طول حياتها مابيزهقووووش !!!
أنا عن نفسي بستخدم الكلاكس بمعدل مرة واحدة أو مرتين بالكتير في الإسبوع فقط عند الضرورة القصوى زي مثلا حد بيعدي ومش شايفني خالص أو حد كسر عليا جامد من غير ماياخد باله وياأزمر يايخش فيا كده يعني